28/11/2023
کچھ لوگ معاشرے میں ایسے ہوتے ہیں جن کی ہمیشہ اک الگ پہچان ہوتی ہے،اک الگ انداز ہوتا ہے،اک الگ مشن ہوتا ہے۔ ریاست کی وادیوں میں سے وادیِ ٹائیں سے تعلق رکھنے والا اک شخص جو کہ فٹنس میں اپنی مثال آپ ہے یقیناً آپ نے تصویر دیکھ کر پہچان لیا ہو گا"محمود مستری" صاحب۔
اگر ٹائیں میں کرکٹ زندہ ہے تو اس میں محمود صاحب کی کاوشوں کو فراموش نہیں کیا جا سکتا عرصہ 27 سال سے زیادہ کرکٹ کے لیے کوشاں ،اپنا اک مشن لیے کہ نوجوانوں کو گروانڈ میں لے کر جایا جائے تاکہ بیماریوں اور دوسری غیر معیاری سرگرمیوں کو چھوڑ کر نوجوان صحت مند معاشرے کی بنیاد رکھیں
محمود مستری کے نام سے مشہور ہونے والے ٹائیں کے یہ لیجنڈ کوئی پیشہ وارانہ طور پر "مستریوں" کا کام نہیں کرتے بلکہ یہ اس لیے مشہور ہوے ہیں اس نام سے کہ یہ اس وقت جب پیسے کی آمدورفت کم تھی اور مارکیٹ میں بیٹ ہر کوئی لے نہیں سکتا تھا یا اگر کوئی لے سکتا تھا تو بازار میں میسر نہیں ہوتے تھے تو اپنے علاقے کے لڑکوں کو لکڑی کا اک بہترین بیٹ بنا کر دیا کرتے تھے اس کی وجہ سے یہ محمود مستری کے نام سے مشہور ہوے جو کے اپنے زمانے کے بہترین آلروانڈر بھی تھے۔
ایسے لیجنڈری کردار پورے علاقے کا فخر ہوتے ہیں جو بنا کسی مفاد و مطلب ہمیشہ خدمات سر انجام دیتا ہیں۔ہم محمود مستری صاحب کو خراج تحسین و عقیدت پیش کرتے ہیں
