ڈیزل کی قیمت میں 184 روپے فی لیٹر اور پٹرول میں 138 روپے فی لیٹر کا خوفناک اضافہ ، ان للہ و ان الیہ رٰجعون
ظالموں نے بے رحمانہ انداز میں کچھ سوچے سمجھے بغیر ہی تمام قسم کی پٹرولیم مصنوعات کی قیمتوں کو ناقابلِ یقین حد تک بڑھا دیا ۔ اب ہر بندہ اپنے اپنے حساب سے معاملات کو مینیج کرنے کیلئے تخمینے لگا رہا ہے کہ یہ کر لوں گا ، وہ کر لوں گا مگر حقیقت میں کوئی بھی ، کچھ بھی کر کے اس مصیبت کو نہیں سنبھال پائے گا ۔ یہ سارے اندازے ، تخمینے اور احتیاطیں ایک دو روز میں ہی دھواں بن کر اڑ جانے ہیں ۔ پھر وہی آپ ہونگے اور آپ کے اخراجات ۔ ڈیزل پٹرول کی بڑھی ہوئی قیمتیں ہر شکل میں ہمارے سامنے کھڑی ہو جائیں گی ۔
پٹرول اور ڈیزل ملک کے معاشی نظام میں بالکل وہی کردار ادا کرتے ہیں جو جسم میں خون کرتا ہے ۔ بس یوں سمجھ لیں کہ ملک کے معاشی وجود سے خون نچوڑ لیا گیا ہے ۔
میری رائے میں اصل تباہی ڈیزل کی قیمتوں میں اضافے سے برپا ہونی ہے کیونکہ تمام بڑی گاڑیاں ، سامان ڈھونے والے ٹرک ٹریلر ، بسیں اور حتیٰ کہ ٹرین تک ڈیزل سے چلتے ہیں ۔ ہمارا پورا تجارتی نظام ہی ٹرانسپورٹ پر چل رہا ہے تو کوئی کیسے مہنگائی کی اس مصیبت سے بچ پائے گا ؟
گراف دیکھ کر اندازہ لگائیں کہ ہمارے سر پر مسلط لوگوں نے پٹرولیم کی قیمتوں میں دنیا میں سب سے زیادہ یعنی %72 اضافہ کیا ہے گویا یہ جنگ ہمارے ملک میں لڑی جا رہی ہو ۔
تو بھائیو ، مہنگائی کے اس سمندر میں ڈبکیاں لگانے کی تیاری پکڑیں ، کیونکہ ہم سب اجتماعی طور پر ی دے گئے ہیں !
Be the first to know and let us send you an email when Beautiful Kashmir posts news and promotions. Your email address will not be used for any other purpose, and you can unsubscribe at any time.
