23/09/2026
کل ایک بھائی میری گاڑی میں بیٹھے تو پٹرول کی لائٹ جل رہی تھی باتوں باتوں میں کہنے لگے میں دن میں 8، 10 گاڑیوں میں بیٹھتا ہوں، جس الٹو میں بیٹھتا ہوں اس کی پٹرول والی لائٹ جلی ہوتی ہے کیا آپ لوگوں کے حالات اتنے خراب ہو گئے ہیں کہ پٹرول بھی پورا نہیں ڈلوا سکتے؟
میں نے انہیں کہا، بھائی! مسئلہ یہ نہیں کہ ہم پٹرول نہیں ڈلوا سکتے، مسئلہ یہ ہے کہ پٹرول مہنگا ہو گیا ہے، مگر ہماری رائیڈ کا کرایہ وہیں کھڑا ہے
ڈرائیور دن بھر سڑکوں پر گاڑی چلاتا ہے، پٹرول ڈلواتا ہے، ٹیکس دیتا ہے، گاڑی کے خرچے برداشت کرتا ہے… اور آخر میں جو کچھ بچتا ہے، اسی سے گھر کا چولہا جلتا ہے پھر اگلے دن دوبارہ گاڑی نکالنی ہوتی ہے
اسی لیے آج بہت سے ڈرائیور ٹینکی فل کروانے کے بجائے جتنا ضروری ہو اتنا ہی پٹرول ڈلواتے ہیں کیونکہ کمائی اور خرچے کے درمیان فرق اتنا کم رہ گیا ہے کہ پٹرول کی لائٹ بند کروانے سے پہلے گھر کا خرچہ دیکھنا پڑتا ہے
اور سب سے افسوس کی بات یہ ہے کہ ڈرائیور اس صورتحال سے نہ کام چھوڑ پا رہا ہے، نہ سکون سے کام کر پا رہا ہے۔ کمپنیوں کو اپنا کمیشن وقت پر مل رہا ہے، لیکن ڈرائیور کے حصے میں کیا بچ رہا ہے… یہ صرف وہی جانتا ہے جو روز 10، 12 گھنٹے سڑک پر گزار رہا ہے
