29/04/2026
محترم فیض الہی ذیلدار صاحب!
(چیئرمین انجمنِ تاجران، قائدآباد)
قائدآباد میں کرکٹ لیگ کا انعقاد آپ کی جانب سے ایک مثالی اور قابلِ ستائش اقدام ہے۔ اس طرح کی مثبت سرگرمیاں نہ صرف ہماری نوجوان نسل کو صحت مند تفریح فراہم کرتی ہیں بلکہ علاقے میں باہمی اتحاد اور کھیلوں کے فروغ کا باعث بھی بنتی ہیں۔ اس شاندار کاوش پر ہم آپ کے تہہِ دل سے مشکور ہیں۔
اسی جذبے کو مدِ نظر رکھتے ہوئے ایک مخلصانہ گزارش ہے کہ اگر اسپورٹس کے اس سلسلے کو مزید وسعت دیتے ہوئے کرکٹ کے ساتھ ساتھ فٹ بال کا بھی ایک دوستانہ میچ منعقد کروایا جائے، تو یہ نوجوانوں کے لیے کسی تحفے سے کم نہ ہوگا۔ خاص طور پر فٹ بال اسٹیڈیم میں فلڈ لائٹس کی روشنیوں میں ایسا مقابلہ قائدآباد میں کھیلوں کے کلچر کو ایک نئی جلا بخشے گا۔
دعا ہے کہ اللہ پاک آپ کے جذبہِ خدمتِ خلق کو مزید جلا بخشے اور آپ کو ہر نیک مقصد میں کامیابی و کامرانی عطا فرمائے۔ آمین۔
Asif Shahzad
