13/01/2026
چھبیسواں اُتمان چیلنج کپ 2025/26 کے پہلے فری کواٹر فائنل میچ میں خاجی خیل زلمی نے لکی سٹرائکر کو 55 رنز سے شکست دے کر کواٹر فائنل کے لیے کوالیفائی کر لیا۔ حاجی خیل زلمی نے ٹاس جیت کر پہلے بیٹنگ کرنے کا فیصلہ کیا۔ حاجی خیل زلمی کا آغاز زیادہ اچھا نہ رہا، نوازش جدون اور عمران پٹھان کی وکٹیں جلدی گر گئیں، لیکن اس کے بعد ٹیم کے سینئر پلیئر ساجد خان اور عماد خان وکٹ پر آئے اور دونوں کے درمیان زبردست پارٹنرشپ ہوئی، جس میں 90 رنز کی شراکت داری ہوئی، جس میں ساجد خان نے دھواں دار بیٹنگ کرتے ہوئے 8 شاندار چھکوں کی مدد سے 70 رنز بنا کر آؤٹ ہوئے اور عماد خان 25 رنز بنانے کے بعد آؤٹ ہوئے۔ لیکن آخر میں حاجی خیل زلمی کے کپتان روح زمین جب بیٹنگ کے لیے آئے تو صرف 2 اوورز میں 5 چھکوں لگانے میں کامیاب رہے اور مقررہ 16 اوورز میں لکی سٹرائکر کو 166 رنز کا پہاڑ جیسا ہدف دینے میں کامیاب رہے۔ جس کے جواب میں لکی سٹرائکر کی پوری ٹیم آخری اوورز میں 110 رنز پر ڈھیر ہو گئی۔ لکی سٹرائکر کے کپتان ذیشان جدون نے 48 رنز کی اچھی اننگز کھیلی، لیکن دوسرے کسی بیٹسمین نے ان کا ساتھ نہیں دیا۔ زلمی کی طرف سے واجد خان، سدیس جدون، عماد خان، فیصل زمان اور کامران خان نے شاندار اور تباہ کن باولنگ کی اور خاجی خیل زلمی نے آسانی سے میچ 55 رنز سے جیت کر کواٹر فائنل کے لیے کوالیفائی کر لیا۔ خاجی خیل زلمی کی طرف سے پلیئر آف دی میچ ساجد خان قرار پائے جنہوں نے 70 رنز کی جارحانہ اننگز کھیلی تھی۔
