07/06/2026
انگلینڈ نیوزی لینڈ ٹیسٹ سیریز؛ پہلا ٹیسٹ انگلینڈ کے نام، میچ چوتھے دن تک تو گیا لیکن اگر بارش کی وجہ سے بہت سا وقت ضائع نہ ہو جاتا تو فیصلہ دوسرے دن شام تک بھی ہو سکتا تھا- انگلینڈ کی ٹیم 140 پر ڈھیر ہوئی تو نیوزی لینڈ کے پاس موقع تھا لیکن اننگ کے دوسرے اوور میں اولی رابنسن نے ایسے حملے کئے کہ جہاں سے نیوزی لینڈ کی ٹیم دوبارہ ابھر ہی نہیں سکی-
دوسری اننگ میں انگلینڈ کے بیٹسمینوں کی جانب سے ایک مشکل وکٹ پر نسبتاً بہتر بیٹنگ نے نیوزی لینڈ کے لئے میچ جیتنا بہت مشکل کر دیا تھا- ڈیبیوٹانٹ اوپنر ایمیلیو گے کی عمدہ نصف سنچری اور ڈکٹ کے ساتھ پارٹنرشپ کے باوجود انگلینڈ کی ٹیم 127/6 پر کھیل رہی تھی لیکن پھر جیمی سمتھ، گس اٹکنسن اور رابنسن نے ہدف کو 254 تک پہنچا دیا تھا جو اس پچ پر تقریباً ناممکن ہی تھا- پہلی اننگ میں جیمیسن کی پانچ وکٹوں کے بعد دوسری اننگ میں ناتھن سمتھ نے چھ وکٹیں تو حاصل کیں-
پہلی اننگ میں رابنسن کے بعد دوسری اننگ میں اٹکنسن نیوزی لینڈ بیٹسمینوں کے گلے میں اٹک گیا- ڈیون کونووے اور گلین فلپس کے علاؤہ کوئی مزاحمت نہ کر سکا، تیسرا دن زیادہ تر بارش کی وجہ سے ضائع ہوا لیکن اس سے صرف نیوزی لینڈ کی شکست میں تاخیر ہی ہوئی- رابنسن کو سات وکٹوں اور دوسرے اننگ میں اہم رنز بنانے پر مین آف دی میچ قرار دیا گیا- اہم بات یہ رہی کہ اس میچ میں جو روٹ اور کین ولیمسن، دونوں ہی ناکام رہے-
