28/07/2026
ایک وقت تھا جب ہر تھکن کے بعد ایک ہی آسرا یاد آتا تھا، اور وہ ماں کی گود تھی۔ مگر زندگی کی پرواز انسان کو ان بلندیوں تک لے جاتی ہے جہاں واپس لوٹنے کی خواہش تو باقی رہتی ہے، مگر فرصتیں نہیں۔ پھر ایک دن احساس ہوتا ہے کہ ہم واقعی اُس گھونسلے سے بہت دور آ چکے ہیں جہاں ہماری ہر بے چینی ہر خوف اور ہر اداسی ماں کی دعا سے ختم ہو جایا کرتی تھی۔
ماں! ہم تیرے گھونسلوں سے تو اُڑ گئے، مگر سچ یہ ہے کہ آج بھی ہماری ہر کامیابی میں تیری دعا کی خوشبو بسی ہوئی ہے۔ تیری نیندیں ہمارے مستقبل کے نام ہوئیں، اور ہماری نیندیں زندگی کی ذمہ داریوں نے چھین لیں۔ اب ہم مسافر ہیں، آسمانوں میں اڑتے ہوئے بھی دل کے کسی کونے میں وہی ننھے بچے ہیں جو تھک کر صرف اپنی ماں پاس لوٹ جاتے ہیں ۔
