17/03/2025
پاکستان اور نیوزی لینڈ کے درمیان دوسرا ٹی ٹوئنٹی کل صبح 6:15 بجے یونیورسٹی اوول، ڈونیڈن میں کھیلا جائے گا۔ اگرچہ اس گراؤنڈ پر اب تک صرف 3 میچز کھیلے گئے ہیں، جو کہ ایک بہت چھوٹا ڈیٹا سیٹ ہے، لیکن جو رجحان نظر آتا ہے، وہ بیٹنگ کے حق میں جاتا ہے۔ اب تک 2 بار پہلے بیٹنگ کرنے والی ٹیم جیتی، جبکہ 1 بار پہلے فیلڈنگ کرنے والی۔ یہاں سب سے زیادہ اسکور 224، سب سے کم 141 اور پہلی اننگز کا اوسط اسکور 194 رہا ہے، جو ظاہر کرتا ہے کہ پچ رنز بنانے کے لیے سازگار ہے۔
نیوزی لینڈ کا ہوم ایڈوانٹیج اور پاکستان کی آزمائش
نیوزی لینڈ نے اس گراؤنڈ پر 3 میچز کھیلے اور ایک بھی نہیں ہارا، جبکہ پاکستان نے یہاں 1 میچ کھیلا اور شکست کھائی۔ اسی گراؤنڈ پر 2024 میں فِن ایلن نے پاکستان کے خلاف 137 رنز کی طوفانی اننگز کھیلی تھی، جس میں 16 چھکے شامل تھے، جبکہ پاکستان کی جانب سے بابر اعظم نے 58 رنز بنائے تھے۔ #فالو
