23/08/2025
پاکستان کے لیے ایک اور اعزاز ایک نہیں, دو نہیں , بلکہ
تین انٹرنیشنل میڈل
A huge milestone for Team Pakistan Road Runners
23 اگست 2025 کو متحدہ عرب امارات کے شہر دبئی میں ہونے والی انٹرنیشنل ریس میں پاکستان روڈ رنر کے ایتھلیٹس کونین فیاض نے گولڈ میڈل ,سرفراز ممتاز نے سلور میڈل اور ملک عاشق رسول نے برونز میڈل جیت کر اپنے علاقے, اپنی ٹیم اور اپنے ملک پاکستان کا نام روشن کر دیا .
ایک ہی ریس میں انٹرنیشنل کھلاڑیوں کے ساتھ مقابلہ کرتے ہوئے پاکستان روڈ رنر کے ایتھلیٹس نے سونے چاندی اور کانسی کے تمغے اپنے نام کر لیے .
تینوں پاکستان کے ایتھلیٹس جب ایک ساتھ انٹرنیشنل سٹیج پر اپنے میڈل وصول کرنے کے لیے گئے تو نہ صرف سب نے بھرپور تالیوں سے ان کا استقبال کیا بلکہ نیشنل اور انٹرنیشنل لوگوں نے بڑے فخر سے پاکستان زندہ باد کے نعرے لگائے .
یہ پاکستان کے وہ چھپے ہوئے ہیرے ہیں جو پردیس میں سارا دن اپنی محنت مزدوری کرتے ہیں اور رات کے اندھیرے میں اپنی ٹریننگ کر کے انٹرنیشنل ریسوں میں پاکستان کے لیے سونے چاندی اور کانسی کے تمغے بھی لاتے ہیں .
پاکستان روڈ رنر کے ایتھلیٹس کی اپنے ملک کے ساتھ محبت کی مثال نہیں ملتی , سارا دن کے یہ تھکے ہارے مزدور جب رات کو متحدہ عرب امرات کی تپتی گرمی میں اپنی ٹریننگ کرتے ہیں تو انہیں اللہ پاک پر پورا یقین ہوتا ہے کہ ان کی یہ محنت کبھی بھی ضائع نہیں جائے گی یہی وجہ ہے کہ جب وہ انٹرنیشنل ریسوں میں اپنے ملک کی نمائندگی کرتے ہیں تو اللہ پاک ان کو سرخرو کرتے ہیں .
کونین فیاض .. سرفراز ممتاز .. اور .. ملک عاشق رسول ہم پورے پاکستان کی طرف اتنی بڑی کامیابی حاصل کرنے پر اپ کو مبارک باد پیش کرتے ہیں اور انے والی ریسوں میں اپ کی کامیابیوں کے لیے دعا گو ہیں.
fans
