Hook Shot

14/06/2026

انٹرنیشنل کرکٹ میں اپنی اننگز کی پہلی ہی گیند پر سب سے زیادہ بلے بازوں کو آؤٹ کرنے والے باؤلرز کی فہرست میں پاکستان کے لیجنڈری فاسٹ باؤلر وسیم اکرم سرفہرست ہیں۔ انہوں نے 356 بین الاقوامی میچز میں 37 مرتبہ بلے بازوں کو پہلی ہی گیند پر پویلین کی راہ دکھائی۔

اس فہرست میں دوسرے نمبر پر پاکستان ہی کے مایہ ناز فاسٹ باؤلر وقار یونس ہیں، جنہوں نے 262 بین الاقوامی میچز میں 31 مرتبہ یہ کارنامہ انجام دیا۔

تیسرے نمبر پر آسٹریلیا کے سابق تیز رفتار باؤلر بریٹ لی موجود ہیں، جنہوں نے 221 بین الاقوامی میچز میں 28 مرتبہ بلے بازوں کو ان کی پہلی ہی گیند پر آؤٹ کیا۔

یہ اعداد و شمار اس بات کا ثبوت ہیں کہ وسیم اکرم، وقار یونس اور بریٹ لی نئے بلے بازوں کیلئے سخت امتحان سے کم نہ تھےاور ابتدائی اوورز میں کوئی بھی بیٹر ان کو آسانی سے کھیل نہیں پاتا تھا
ایک دور تھا کہ پاکستان اپنے بولرز کیلئے جانا جاتاتھا،مگر اب پورے سرکٹ میں کوئی ایک بولر بھی ایسا نہیں ہے جسے دیکھ کر بیٹر کے دل میں کوئی خوف پیدا ہو،
کاش کہ وہ دور لوٹ آئے جس دور میں پاکستانی بولرز خوف کی علامت بنے ہوئے ہوتے تھے
۔ 🦆🔥🏏

14/06/2026

09/06/2026

اطلاعات ہیں کہ پاکستان کرکٹ بورڈ ٹیسٹ ٹیم کے موجودہ کوچنگ سیٹ اپ میں تبدیلی پر غور کر رہا ہے، اور سابق کپتان و لیجنڈری بلے باز یونس خان کو اہم کوچنگ ذمہ داریاں سونپے جانے کا امکان ہے۔

ذرائع کے مطابق اگر یونس خان کو ہیڈ کوچ نہ بھی بنایا گیا تو انہیں بیٹنگ کوچ کی حیثیت سے ٹیم کے ساتھ جوڑا جا سکتا ہے، جو پاکستان کرکٹ کے لیے ایک مثبت پیش رفت سمجھی جا رہی ہے۔

یونس خان پاکستان کی ٹیسٹ تاریخ کے کامیاب ترین بلے باز ہیں۔ انہوں نے نہ صرف دنیا بھر میں رنز بنائے بلکہ مشکل حالات میں ٹیم کو کئی یادگار فتوحات بھی دلائیں۔ اسی تجربے اور مزاج کی وجہ سے بہت سے لوگ انہیں نوجوان بلے بازوں کی رہنمائی کے لیے بہترین انتخاب قرار دیتے ہیں۔

پاکستانی ٹیم کی بیٹنگ گزشتہ کچھ عرصے سے مسلسل تنقید کی زد میں رہی ہے، ایسے میں یہ دیکھنا دلچسپ ہوگا کہ اگر یونس خان کوچنگ اسٹاف کا حصہ بنتے ہیں تو کیا وہ قومی ٹیم کی بیٹنگ لائن کو دوبارہ مضبوط اور مستحکم بنا پائیں گے؟

آپ کی کیا رائے ہے؟ کیا یونس خان پاکستان کی بیٹنگ کے مسائل حل کرنے میں کامیاب ہو سکتے ہیں؟

09/06/2026

07/06/2026

07/06/2026

پاکستانی کرکٹ شائقین اکثر بغیر ٹھوس وجہ کے پی ایس ایل پر تنقید کرتے ہیں جبکہ اصل مسائل کو نظر انداز کر دیتے ہیں۔ 📝

اگر صائم ایوب، معاذ صداقت اور کئی دوسرے کھلاڑی صرف چند اچھی اننگز یا چند اچھے میچز کی بنیاد پر منتخب ہو جاتے ہیں تو یہ نظام کی ناکامی ہے۔

سسٹم کا قصور؟
اگر صاحبزادہ فرحان کو صرف ٹی ٹوئنٹی میں اچھی کارکردگی کی بنیاد پر ون ڈے ٹیم میں شامل کیا جاتا ہے تو اس کا ذمہ دار سلیکشن سسٹم ہے۔

بھارت نے ویبھو سوریا ونشی کو آئی پی ایل میں شاندار کارکردگی کی بنیاد پر منتخب کیا، جبکہ شریاس ائیر کو بھی بڑی حد تک آئی پی ایل ریکارڈ کی وجہ سے کپتانی دی گئی۔

دوسری جانب سرفراز احمد کو بھی بغیر کسی سابقہ کوچنگ تجربے کے ہیڈ کوچ بنایا گیا، صرف اس بنیاد پر کہ ان کی قیادت میں پاکستان نے چیمپئنز ٹرافی جیتی تھی۔

اصل مسئلہ ڈومیسٹک اسٹرکچر، نظامِ انتخاب اور اسے چلانے والے عہدیداران ہیں۔ جب تک توجہ طویل المدتی ترقی کے بجائے فوری اور قلیل مدتی نتائج پر رہے گی، ٹیم کبھی بھی حقیقی معنوں میں ترقی نہیں کر سکے گی۔

01/06/2026

31/05/2026

آسٹریلیا کے خلاف عرفات منہاس نے جتنی وکٹیں صرف 10 اوورز میں لیں اتنی تو وکٹیں شاداب خان نے پورے ورلڈکپ میں بھی نہیں لیں،
بلکہ اس سے بڑھ کر لاسٹ 5 ون ڈے میچز میں شاداب خان نے ایک بھی وکٹ اپنے نام درج نہیں کی.
کچھ لوگ کہتے ہیں کہ اسے کپتان بناؤ، بھائی شاداب خان کی اسکواڈ میں ہی جگہ نہیں بنتی تو اسے کپتان کیسے بنایا جائے، پہلے تو وہ اسکواڈ میں جگہ بنالے تب جاکر کپتانی کی بحث زیر غور لائی جائے گی،
اب سوال یہ ہے کہ پھر شاداب خان ٹیم میں کھیل کیسے رہاہے؟
تواس سوال کا جواب نہ سلیکٹرز کے پاس ہے نہ کوچ کے پاس بس خواہ مخواہ کھیل رہاہے.

07/03/2025

کیاآپ پاکستان کرکٹ ٹیم کی سلیکشن جو کہ دورہ نیوزیلینڈ کیلئے ہوئی ہے اس سے مطمئن ہیں،اگر نہیں تو کسے شامل کرناچاہئے تھا اور کسے نہیں کمینٹ سیکشن میں اپنی رائے کا اظہار کریں.

29/01/2025

❤️امیدوں کے محور بابراعظم ❤️

پاکستان کے اہم ترین بلے باز بابر اعظم ہیں اور اگر ان کا پاکستان ٹیم میں یا دنیا میں نام بڑا ہے تو ظاہر سی بات ہے کہ ذمہ داری بھی بڑی ہے اور کرکٹ فینز انہیں بطور معمولی کھلاڑی نہیں دیکھتے بلکہ اس نظر سے دیکھتے ہیں کہ بابر اعظم پر میچ میں کچھ خاص کریں گے۔

اب ویسٹ انڈیز کے خلاف ٹیسٹ میچز میں بابر اعظم ناکام ہوئے تو کافی دوست کہہ رہے تھے کہ بابر اعظم ناکام ہوا تو باقی سب نے کیا کیا ہے تو ان دوستوں کو بتاتا چلوں کہ بابر اعظم کا موازنہ دنیاکے ٹاپ بیٹرز سےہوتا بابراعظم کےرنز تب اہم ہوں گے جب باقی پلیرز ناکام ہوں گے.

ویسے بابر اعظم کا نام اتنا مشہور ہو چکا ہے کہ اب ساری ٹیم کی پرفارمینس کا دار و مدار انہی پر ہوتا ہے اور عوام کی نظریں بھی بابر اعظم پر ہی ہوتی ہیں تو پھر بابر اعظم کی بھی ذمہ داری بنتی ہے کہ وہ عوام کی امیدوں پر پورا اتریں۔

بابر اعظم نے اپنے کیریئر کی ابتدا میں چاہے آئی سی سی ایونٹ ہو یا کوئی سیریز بہت ہی شاندار کارکردگی دکھائی ہوئی ہے۔

مگر آج کل بابر اعظم کی وہ پرفارمینس نہیں ہے جو ماضی میں ہوا کرتی تھی لیکن پھر بھی بابر اعظم کا نام مخالف ٹیم کے سر پر سوار ہوتا ہے اور جب تک بابر اعظم خاص طور پر ون ڈے کرکٹ میں کریز پر ہوتے ہیں تو مخالف ٹیم سکھ کا سانس نہیں لے پاتی۔

اب بابر اعظم کی کمزوری جو محسوس ہوئی ہے وہ یہ ہے کہ ہم لوگوں نے بابر اعظم کو کنگ یا ایسے ایسے نام دے کر اس پر پریشر ڈال دیا ہے کیونکہ اب بابر اعظم کے دماغ میں بھی یہی بات ہوتی ہے کہ عوام کی امید ان سے باقی کھلاڑیوں کی نسبت زیادہ ہے۔

ایک حالیہ انٹرویو میں شاداب خان نے بھی کہا تھا کہ بابر اعظم کو کنگ بول پر اس پر بوج ڈال دیا گیا ہے اسے کنگ بابر کی بجائے بابر اعظم ہی رہنے دیا جائے تو بہتر ہوگا۔

میرے خیال میں بابر اعظم کے لیے چیمپئنز ٹرافی کافی اہم ہوگی ایک تو یہ ہمارا ہوم ٹورنامنٹ ہے اور دوسرا پاکستان اس ٹورنامنٹ کا دفاعی چیمپیئن بھی ہے تو پاکستان کو اس چیز کا بھرپور فائدہ اٹھاتے ہوئے اس ٹورنامنٹ میں سب کا سامنا کرنا ہوگا۔

بابر اعظم کے ساتھ ساتھ باقی تمام کھلاڑیوں کو بھی چاہیے کہ وہ سب کچھ بابر اعظم پر نہ چھوڑیں بلکہ سارے کھلاڑی جتنا ہو سکے پرفارمینس دیں تاکہ پاکستان جب بھی جیتے یا ہارے تو ایک کھلاڑی کی پرفارمینس نہ ہو بلکہ ٹیم ورک ہو۔

جیسے ہم عوام ساری امیدیں بابر اعظم سے وابستہ کر دیتے ہیں ایسے ہی ٹیم بھی ساری ذمہ داری بابر اعظم پر ڈال دیتی ہے اس لیے بابر اعظم پر پریشر زیادہ ہو جاتا ہے۔

ویسے آپ کو کیا لگتا ہے کیا بابر اعظم چیمپئنز ٹرافی کے ہیرو بننے میں کامیاب ہو جائیں گے؟