25/08/2026
کراچی صفورا کے قریب بینک کے باہر بڑی ڈکیتی، ایک کروڑ 20 لاکھ روپے لوٹ لیے گئے
سچل تھانے کی حدود صفورا کے قریب میمن اسپتال کے نزدیک الحبیب بینک کے باہر رقم جمع کرانے کے لیے آنے والے شہری لیاقت میمن سے مسلح ملزمان نے ایک کروڑ 20 لاکھ روپے لوٹ لیے۔دو موٹر سائیکلوں پر سوار چار مسلح ملزمان نے اسلحے کے زور پر شہری سے رقم چھینی اور فرار ہوتے ہوئے فائرنگ بھی کی۔ فائرنگ کی زد میں آکر عامر میمن نامی شہری زخمی ہوگیا، جسے فوری طور پر قریبی اسپتال منتقل کردیا گیا۔واردات کے بعد ایس ایس پی ایسٹ زبیر نزیر شیخ ،ایس پی سہراب گوٹھ عبدالباقی رند اور دیگر متعلقہ اداروں نے واقعے کی تحقیقات شروع کردی ہیں۔
#کراچی #صفورا #ڈکیتی #کرائم
