23/08/2026
چک بھٹی کرکٹ کلب رجسٹرڈ
میچ رپورٹ
بمقام: جلالپور بھٹیاں
بتاریخ: 23 اگست 2026
چک بھٹی کرکٹ کلب کے زیرِ اہتمام گورنمنٹ ہائی سکول چک بھٹی انڈر 17 اور گورنمنٹ ہائی سکول رسولپور تارڑ انڈر 17 کے مابین ایک دوستانہ کرکٹ میچ منعقد ہوا۔ یہ مقابلہ گورنمنٹ ہائی سکول چک بھٹی انڈر 17 کھلاڑیوں کی کرکٹ کے میدان میں پہلی ہارڈ بال شرکت تھی، جسے انہوں نے اپنے کوچ سفیان امجد گجر اور نیٹ پریکٹس کوچ ذیشان اصغر آسی کی زیرِ نگرانی نہایت کامیابی سے مکمل کیا۔
ٹاس اور فیصلہ:
گورنمنٹ ہائی سکول رسولپور تارڑ نے ٹاس جیت کر پہلے باؤلنگ کرنے کا فیصلہ کیا۔
*پہلی اننگز — گورنمنٹ ہائی سکول چک بھٹی:*
مقررہ 30 اوورز میں 4 وکٹوں کے نقصان پر 254 رنز کا مجموعی سکور اکٹھا کیا گیا۔
محمد فیضان نے شاندار ناٹ آؤٹ 123 رنز کی اننگز کھیلی اور مین آف دی میچ کا اعزاز حاصل کیا۔ علی رضا نے 40 رنز کی معاون اننگز کھیلی۔
دوسری اننگز — گورنمنٹ ہائی سکول رسولپور تارڑ:
255 رنز کے ہدف کے تعاقب میں پوری ٹیم محض 77 رنز پر آؤٹ ہو گئی۔ ارسلان حیدر (فاسٹ باؤلر) اور محمد حسنین (لیگ اسپنر) نے شاندار باؤلنگ کا مظاہرہ کرتے ہوئے 3، 3 کھلاڑیوں کو آؤٹ کیا اور مخالف بیٹنگ لائن کو بکھیرنے میں کلیدی کردار ادا کیا۔
*نتیجہ:*
گورنمنٹ ہائی سکول چک بھٹی انڈر 17 نے یہ میچ 177 رنز کے واضح مارجن سے جیت لیا۔
*تہنیتی پیغام:*
اس شاندار فتح پر چک بھٹی کرکٹ کلب کے صدر میاں سعید الرحمن، نائب صدر نئیر عباس، اور سینئیر کھلاڑیوں محمد اقبال بالی، مصطفی ریاض، محمد احمد چدھڑ، جاوید اقبال گوگی و سہیل عباس نے جونیئرز ٹیم اور کوچ سفیان امجد گجر کو مبارکباد پیش کی اور بچوں کی حوصلہ افزائی کرتے ہوئے مستقبل میں مزید کامیابیوں کی نیک تمنائیں پیش کیں۔
*چک بھٹی کرکٹ کلب رجسٹرڈ*
