07/04/2026
📢 اہم اعلان – قائداعظم اسپورٹس کمپلیکس
قائداعظم اسپورٹس کمپلیکس ہمارے گاؤں کا ایک مشترکہ اثاثہ ہے، جو ڈاکٹر شاہد عادل کی محنت اور کاوشوں کا نتیجہ ہے۔ اللہ تعالیٰ انہیں صحت و تندرستی کے ساتھ لمبی عمر عطا فرمائے۔ 🤲 اس کمپلیکس کی تعمیر، چار دیواری، کمروں اور گراؤنڈ کی تیاری ایک قابلِ قدر خدمت ہے۔
اس وقت اس کی دیکھ بھال، صفائی، گھاس کی کٹائی، پانی دینا، جڑی بوٹیوں کا خاتمہ اور دیگر تمام امور مالڑی کرکٹ کلب، پروفیسر کاشف الرحمان کی زیر نگرانی انجام دے رہا ہے۔
یہ جگہ کھیلوں، ورزش اور عوامی سرگرمیوں کے لیے استعمال ہوتی ہے، جبکہ یہاں شادی بیاہ کی تقریبات بھی منعقد کی جاتی رہی ہیں — اور اب تک یہ سہولت بلا معاوضہ فراہم کی جاتی رہی ہے۔
ہم ان تمام لوگوں کو سراہتے ہیں جو اپنی تقریبات کے بعد صفائی ستھرائی کا مکمل خیال رکھتے ہیں اور گراؤنڈ کو صاف حالت میں واپس کرتے ہیں۔ 👏
بدقسمتی سے گزشتہ کچھ مواقع پر اور اسی ہفتے دو شادی کی تقریبات کے بعد صفائی کا مناسب انتظام نہیں کیا گیا، جس کی وجہ سے گراؤنڈ کی حالت متاثر ہوئی (جیسا کہ تصویر میں واضح ہے)، اور بار بار یاددہانی کی ضرورت پیش آئی۔
لہٰذا کمیٹی نے متفقہ طور پر درج ذیل فیصلہ کیا ہے:
🔹 آئندہ کوئی بھی تقریب (شادی بیاہ وغیرہ) منعقد کرنے پر 15,000 روپے چارج کیے جائیں گے۔
🔹 اس میں سے 10,000 روپے ناقابل واپسی ہوں گے، جو گراؤنڈ/کمپلیکس کی مینٹیننس پر خرچ ہوں گے۔
🔹 جبکہ 5,000 روپے بطور سیکیورٹی جمع کروائے جائیں گے۔
📌 شرائط: • تقریب منعقد کرنے والا فرد صفائی کا ذمہ دار ہوگا۔
• صفائی تقریب والے دن کی شام تک یا زیادہ سے زیادہ اگلے دن کی شام تک مکمل کرنا ہوگی۔
• مناسب صفائی کی صورت میں 5,000 روپے دو دن بعد واپس کر دیے جائیں گے۔
• اگر صفائی نہ کی گئی تو کمیٹی خود صفائی کروائے گی اور 5,000 روپے ضبط کر لیے جائیں گے۔
یہ فیصلہ بغیر کسی امیر و غریب یا خاص و عام کی تفریق کے سب کے لیے یکساں ہوگا۔
📍 کمیٹی ممبران:
• پروفیسر کاشف الرحمان
• بھائی عطااللہ موگڑ
• محمد عمر شفیق
ہم سب کی ذمہ داری ہے کہ اس قیمتی اثاثے کو صاف ستھرا اور بہتر حالت میں رکھیں۔ 🤝
شکریہ
