01/11/2026
اسلام آباد کیپیٹل فٹبال لیگ (CFL) کے آخری دنوں میں سامنے آنے والے نتائج انتہائی مشکوک اور کئی سوالات کو جنم دینے والے ہیں۔
الفتح ایف سی اسلام آباد نے پونا ایف سی کو 0-24 سے شکست دی، جبکہ اگلے ہی روز مہران فٹبال کلب اسلام آباد نے پاک اسپورٹنگ ایف سی کو 0-18 سے ہرا کر پوائنٹس ٹیبل پر پہلی پوزیشن حاصل کر لی۔ حیران کن بات یہ ہے کہ شکست کھانے والی دونوں ٹیمیں اس سے قبل پورے ٹورنامنٹ میں اس قدر بھاری مارجن سے گول نہیں کھا رہی تھیں۔
اسی طرح پوپو ایف سی کی جانب سے راوی ایف سی کو 2-16 سے شکست دینا بھی کئی سوالات کو جنم دیتا ہے۔
اس نوعیت کے غیر معمولی نتائج کو محض اتفاق قرار دے کر نظرانداز نہیں کیا جا سکتا۔ ضروری ہے کہ ان تمام معاملات کی شفاف تحقیقات کی جائیں اور متعلقہ کلبز، CFL انتظامیہ اور اسلام آباد فٹبال ایسوسی ایشن اس حوالے سے اپنی پوزیشن واضح کریں۔
خصوصاً اسلام آباد فٹبال ایسوسی ایشن کے صدر احمد ریحان صاحب سے گزارش ہے کہ وہ اس معاملے پر اپنا مؤقف پیش کریں اور فٹبال کے شائقین کو مطمئن کریں۔
فٹبال کی ساکھ، شفافیت اور کھیل کی روح کا تحفظ ہم سب کی مشترکہ ذمہ داری ہے۔
