09/08/2026
One man represents millions.🫶🏻🇵🇰
DEBATER: Member Youth Parliament Council: Wajahat Hussain.
Har taraf zulmat-e-shab ka hissar hai,
Kis wastay rawaye taar taar hai?
Kisne wafa ka Naam dilon se mita diya?
Kisne chiraag subah se pehlay bhuja diya?
Barpa hai chashan-e-khamoshan main har taraf,
Lashain pari hui hain baya-baan main har taraf,
Paish ki g*i qarrardaad k "Hum mulk k wafadaar hain" ki bharpoor mukhalfat karta hoon,
Aur kehta hoon k,
Hum mulk k wafadaar nhi hain,
Burha hogaya Pakistan,
Lakin hum apnay baaton se Pakistan ko,
Nochtay rahay, kharochtay rahay, bhapbortay rahay,
Is kay daro-deewar hilatay rahay,
To phir yeh kehna para Kay hum,
Pakistan Kay wafadaar nhi hain,
Doosri simt se anay walay muqarrar ne mujh se wafadaari ka certificate maanga,
Main unko btana chahta hoon, k aap Wohi hain, Wohi hain Kay,
Jinhonay taleem Englistan main hasil Karni hai,
Naukri America main Karni hai,
Urdu nhi bolni, Angrezi bolni hai,
Or aap mujhay se? Mujh se?
Wafadaari ka certificate maangtay hain?
Or main kehta hoon k hum mulk k wafadaar nhi hain,
Aray! mulk to Kiya hum apnay Quaid k bhi wafadaar nhi hain,
Quaid ne kaha k ta'sub na ho,
Hum ta'sub ka shikar hogaye,
Kabhi humne Sindhi, Punjabi, Pathan, Baloch, Muhajir,
Kay Naam per mulk ko taqseem Kiya,
To kabhi shia, sunni ki bunyaad per bat gaye,
Kay yeh tera Khuda hai,
Yeh mera Khuda hai,
Afsos! k sath bs yeh qarrardaad yahin rad Hoti hai,
Or main kehta hoon,
Main kehta hoon k hum,
MULK K WAFADAAR NAHI HAIN!
