21/10/2025
🎾 9ویں شہریار ملک میموریل اوپن ٹینس چیمپئن شپ 2025 کا افتتاح 🎾
صوبائی وزیرِ کھیل و امورِ نوجوانان پنجاب ملک فیصل ایوب کھوکھر نے سپورٹس بورڈ پنجاب ٹینس اکیڈمی، نشتر پارک اسپورٹس کمپلیکس میں چیمپئن شپ کا افتتاح کیا۔
🏆 یہ ایونٹ پنجاب لان ٹینس ایسوسی ایشن (PLTA) کے زیرِ اہتمام منعقد کیا جا رہا ہے، جس میں 19 مختلف کیٹیگریز کے مقابلے سات روز تک جاری رہیں گے۔
وزیرِ کھیل پنجاب نے کہا کہ
“ان مقابلوں کا مقصد صرف کھیلوں کو فروغ دینا نہیں بلکہ نئے ٹیلنٹ کو موقع فراہم کرنا ہے تاکہ وہ قومی و بین الاقوامی سطح پر اپنی صلاحیتوں کا لوہا منوا سکیں۔”
حکومتِ پنجاب اور وزارتِ کھیل کی جانب سے اس ایونٹ کی اسپانسرشپ کے طور پر پانچ لاکھ روپے کے فنڈز فراہم کیے جا رہے ہیں۔
🏅 وزیرِ کھیل نے مزید اعلان کیا کہ باصلاحیت کھلاڑیوں کو ماہانہ وظائف اور دیگر سہولیات فراہم کی جائیں گی تاکہ وہ عالمی معیار کے پلیٹ فارمز پر پاکستان کی نمائندگی کر سکیں۔
