05/08/2026
السلام علیکم!
16 چک میں جاری جونیئر کرکٹ ٹورنامنٹ کے سیمی فائنل میں 22 چک اور 13 چک کی ٹیمیں آمنے سامنے آئیں۔ 22 چک نے ٹاس جیت کر پہلے بیٹنگ کا فیصلہ کیا۔ اوپنرز فردان اور حیدر نے ٹیم کو شاندار آغاز فراہم کیا۔ حیدر نے جارحانہ بیٹنگ کرتے ہوئے دوسرے اوور میں آؤٹ ہونے سے قبل مخالف ٹیم کے اہم باؤلر کو پانچ چھکے لگا کر میچ کا رخ بدل دیا۔ اس کے بعد حنان نے بھی جارحانہ بیٹنگ کا مظاہرہ کیا، جس کی بدولت 22 چک نے مقررہ پانچ اوورز میں 96 رنز کا ہدف دیا۔
جواب میں 13 چک کی ٹیم مطلوبہ ہدف حاصل نہ کر سکی اور 22 چک نے یہ میچ باآسانی اپنے نام کر لیا۔ باؤلنگ میں حیدر، حنان اور سبحان نے شاندار باؤلنگ کا مظاہرہ کرتے ہوئے اپنی ٹیم کی فتح میں اہم کردار ادا کیا۔ اس شاندار کامیابی کے ساتھ 22 چک کی ٹیم نے فائنل کے لیے کوالیفائی کر لیا۔
