09/05/2026
پاکستان ٹیلی کمیونیکیشن اتھارٹی کے مطابق ملک میں فائیو جی سروس کے مؤثر آغاز کیلئے ٹیلی کام ٹاورز کی تنصیب ایک بڑا چیلنج بن گئی ہے۔
تفصیلات کے مطابق 15 لائسنس ہولڈرز میں سے صرف 40 فیصد کمپنیوں نے ملک بھر میں ٹاورز نصب کیے، جبکہ باقی کئی لائسنس یافتہ ادارے تاحال غیر فعال ہیں۔
پی ٹی اے کے مطابق 15 میں سے صرف 9 لائسنس ہولڈرز نے پاکستان بھر میں ٹاورز لگائے، جبکہ صرف 6 کمپنیوں نے 50 یا اس سے زائد ٹاورز نصب کیے ہیں۔
ادارے نے صورتحال کا نوٹس لیتے ہوئے اسٹیک ہولڈرز سے تجاویز طلب کر لی ہیں، جبکہ اس حوالے سے سفارشات جمع کرانے کیلئے 18 مئی کی ڈیڈ لائن مقرر کی گئی ہے۔
حکام کا کہنا ہے کہ فائیو جی نیٹ ورک کی کامیابی کیلئے ملک بھر میں جدید ٹیلی کام انفراسٹرکچر کی توسیع ناگزیر ہے۔
