LAAK Mighty Bamboo

10/10/2025

Laak Mighty Bamboo Football Athletes, Pinapurihan sa Katapatan: Nawalang iPhone, Isinauli ng Dalawang Kabataang Manlalaro mula Laak NHS

Sa gitna ng hindi inaasahang malakas na lindol na yumanig sa buong Davao Region kaninang umaga, na naging dahilan ng pagsuspinde ng lahat ng palaro sa DDOPAA Meet 2025, pinatunayan ng mga atleta ng Laak Mighty Bamboo na ang tunay na diwa ng sports ay hindi lamang nasusukat sa tapang at galing sa larangan, kundi sa kabutihang-asal at katapatan.

Dalawa sa mga atleta ng Laak Mighty Bamboo Football Team, sina Rovic L. Carampatana at Kinneth Dave G. Alipin mula sa Laak National High School, ang nagpakita ng pambihirang katapatan matapos isauli ang isang nawalang iPhone na kanilang napulot sa gitna ng kaguluhan dulot ng lindol. Sa kabila ng tensyon at pagkalito sa sitwasyon, pinili ng dalawang atleta ang tama—ang ibalik ang mahalagang gamit sa tunay nitong may-ari.

Ayon sa mga opisyal ng delegasyon, hindi nag-atubili sina Rovic at Kinneth na ipagbigay-alam at isauli ang nasabing cellphone, dahilan upang agad itong maibalik sa may-ari. Ang kanilang simpleng kilos ng kabutihan ay umani ng papuri at paghanga mula sa kapwa atleta, coaches, at mga opisyal ng DDOPAA Meet.

Ang kabayanihan at katapatan ng dalawang kabataang ito ay nagsilbing inspirasyon sa buong delegasyon ng Laak Mighty Bamboo, na kilala hindi lamang sa husay sa sports kundi sa disiplina, malasakit, at integridad.

Tunay ngang sina Rovic L. Carampatana at Kinneth Dave G. Alipin ay huwarang kabataan mula sa Laak National High School—mga atleta na nagpapatunay na sa panahon ng sakuna o tagumpay, ang tunay na kampeon ay yaong may busilak na puso at matatag na pagkatao.

✍️Brian Aribe
📸Renee Jabines-peñaroyo

10/10/2025

PAGTANIM NG BAKAWAN: SAGISAG NG PAGKAKAISA AT PAKIKIPAGKAISA SA KALIKASAN NG LAAK MIGHTY BAMBOO DELEGATION OFFICIALS

Pantukan, Davao de Oro — Bilang bahagi ng mga makabuluhang gawain sa DDOPAA Meet 2025, nakiisa ang mga school heads ng Laak Mighty Bamboo Delegation sa isang Tree Planting Activity na ginanap sa Sea Side ng Pantukan, kung saan nagtanim sila ng mga puno ng bakawan (mangrove trees) bilang simbolo ng pagkakaisa at pagkakaibigan sa pagitan ng mga kalahok mula sa iba’t ibang lungsod at bayan ng Davao de Oro.

Ang pagtatanim ng bakawan ay hindi lamang isang seremonyal na aktibidad, kundi isang makabuluhang hakbang sa pangangalaga sa kalikasan. Ang mga bakawan ay may mahalagang papel sa pagtatanggol ng mga baybayin laban sa malalakas na alon, pagbaha, at pagguho ng lupa. Bukod dito, nagsisilbi rin itong tahanan ng iba’t ibang uri ng isda, alimango, at iba pang lamang-dagat, kaya’t malaking tulong ito sa pagpapanatili ng balanseng ekosistema sa karagatan.

Sa pamamagitan ng pagtatanim ng mga punong bakawan, ipinakita ng mga school heads ng Laak Mighty Bamboo ang kanilang pagmamalasakit sa kalikasan at pagsuporta sa mga programang pangkalikasan ng lalawigan. Higit sa lahat, ang kanilang sama-samang pagkilos ay nagsilbing metapora ng pagkakaisa at sportsmanship na siyang diwa ng DDOPAA Meet — na ang tunay na tagumpay ay hindi lamang nasusukat sa medalya, kundi sa pagkakabuklod at malasakit para sa kinabukasan ng susunod na henerasyon.

Tunay na inspirasyon ang ipinakita ng mga school heads ng Laak Mighty Bamboo — na habang kanilang itinataguyod ang mga atleta sa larangan ng palakasan, sabay rin nilang itinataguyod ang kalikasan at kabutihang panlahat.

✍️Brian Aribe
📸Renee Jabines-peñaroyo

09/10/2025

Matagumpay na Grand Opening ng DDOPAA Meet SY: 2025-2026

Pantukan, Davao de Oro | Oktubre 9, 2025

Sa makulay at engrandeng Grand Opening ng DDOPAA Meet SY: 2025–2026 na ginanap ngayong araw sa Pantukan Sports Complex, kapansin-pansin ang sigla at disiplina ng Laak Mighty Bamboo na nagbigay saya sa buong delegation.

Suot ang matitikas na unipormeng kulay berde at dilaw na sumisimbolo sa katatagan, pagkakaisa, at likas na lakas ng mga Laakeño, taas-noo nilang iniwagayway ang bandila ng Laak Mighty Bamboo—patunay ng kanilang diwa ng bayanihan at determinasyong magtagumpay.

Ang buong delegasyon, na binubuo ng mga atleta, coaches, at opisyal, ay buong puso at siglang nagmartsa sa gitna ng palakpakan at hiyawan ng mga manonood. Tila ipinapahayag nila sa lahat na handa na ang Laak Mighty Bamboo sa labanang magpapakita ng tunay na galing at disiplina.

Bukas na ang unang araw ng mga paligsahan, at ang tanong ng lahat—sino kaya sa mga atleta ng Laak Mighty Bamboo ang hahakot ng gintong medalya at mag-uuwi ng karangalan sa ating bayan ng Laak?

Manatiling nakantabay sa ating Laak Mighty Bamboo page para sa mga pinakabagong update, larawan, at kaganapan mula sa DDOPAA Meet 2025!

✍️Brian Aribe
📸Renee Jabines-peñaroyo

08/10/2025

MAGNAGA ELEMENTARY SCHOOL, OPISYAL NA BILLETING QUARTERS NG LAAK MIGHTY BAMBOO SA DDOPAA MEET 2025

Pantukan, Davao de Oro — Sa pagdating ng masisiglang delegado ng Laak Mighty Bamboo, pormal nang itinakda ang Magnaga Elementary School bilang opisyal na billeting quarters ng delegasyon para sa Davao de Oro Provincial Athletic Association (DDOPAA) Meet 2025.

Mainit na sinalubong ng pamunuan, g**o, at kawani ng paaralan ang 512 delegado na binubuo ng mga atleta at mga coach mula sa Bayan ng Laak.

Mula sa unang hakbang pa lamang sa paaralan ay dama na ang tunay na diwa ng Bayanihan at Pagkakaisa, patunay ng pagtutulongan ng bawat Dabawenyo sa pagtahak ng panibagong laban para sa karangalan ng bayan.

“Ito ang magsisilbing tahanan ng Laak Mighty Bamboo sa mga susunod na anim na araw”, ani ng isa sa mga opisyal ng delegasyon, habang pinupuri ang maayos at malugod na pagtanggap ng Magnaga Elementary School.

Lubos ding ipinapaabot ang pasasalamat sa buong Faculty at Staff ng Magnaga Elementary School sa kanilang bukas-palad na pagtanggap at mahusay na pag-aasikaso sa buong delegasyon.

Ang kanilang kabaitan at suporta ay nagsilbing inspirasyon sa mga atleta upang mas lalong pagbutihin ang kanilang laban.

Sa bawat sigaw, galaw, at pawis ng ating mga manlalaro, kaagapay natin ang kabutihan at malasakit ng Magnaga ES—isang tunay na tahanan ng mga kampeon.

Abangan ang susunod na mga update tungkol sa laban at tagumpay ng ating Laak Mighty Bamboo!

✍️Brian C. Aribe
📸Marlou Dusal Marcito

08/10/2025

512 Delegado ng Laak Mighty Bamboo, Handa na sa DDOPAA Meet 2025!

LAAK, DAVAO DE ORO — Matatag at buong pusong ipinagmamalaki ng 512 delegado na binubuo ng mga athletes at coaches (Elementary & Secondary) ang Laak Mighty Bamboo sa taunang Davao de Oro Provincial Athletic Association (DDOPAA) Meet 2025 na gaganapin sa Pantukan, Davao de Oro.

Ngayong Araw, Oktubre 8, 2025, ginanap ang Send-Off Program bilang pagpapakita ng suporta at pagbibigay-pugay sa mga delegado na magdadala ng bandera ng Bayan ng Laak. Sa naturang programa, ipinamalas ng mga manlalaro at tagapagsanay ang kanilang diwa ng pagkakaisa, disiplina, at determinasyong ipaglaban ang karangalan ng kanilang bayan.

Ngayong hapon, nakatakdang bumiyahe ang buong delegasyon ng Laak Mighty Bamboo patungong Pantukan, kung saan gaganapin ang Grand Opening Ceremony ng DDOPAA Meet bukas, Oktubre 9, 2025, sa hapon.

Ang DDOPAA Meet ay taunang paligsahan na layuning linangin ang talento, sportsmanship, at pagkakaisa ng mga kabataang atleta sa buong lalawigan ng Davao de Oro.

Mabuhay ang Laak Mighty Bamboo Delegation!
Dalhin ninyo ang dangal at galing ng Laakeño!

Manatiling nakaantabay para sa karagdagang updates at kaganapan mula sa DDOPAA Meet 2025!

✍️Brian C. Aribe
📸Renee Jabines-peñaroyo

08/10/2025

2 Days to go! DDOPAA na!

MOMENTS TO WOW!

We are heading to the day that everyone’s been waiting for!

With only 2 days left before DDOPAA, anticipation fills the air as delegations gear up to dazzle the crowd in the much-awaited parade during the Opening Ceremony.

Which contingent will capture the spotlight and earn the loudest cheers from the spectators?

The countdown is nearly over, get ready for colors, pride and passion to take over the streets of DDOPAA 2025!

Pubmat: Ralf Tabanyag

20/09/2025

DDOPAA 2025 READY

Getting ready for the big games ahead! The Division of Davao de Oro successfully conducted a 3-day Sports Clinic at Pantukan, Davao de Oro, bringing together with dedicated Coaches, Technical Officials and Tournament Manager of LAMBAA Delegations for their training and preparation.

This activity aims to strengthen skills, share best practices, and build teamwork as we gear up for the upcoming Provincial Meet on October 8–14. Truly, sports is not just about competition—it’s about passion, discipline, and unity.

✍️Michelle Infiesto
📸Laak Teachers

26/05/2025

Crisanto Cahucom Clinches Silver in Para Athletics-Shot Put at Palarong Pambansa 2025

Laoag City, Ilocos Norte — With heart, strength, and unwavering determination, Crisanto Cahucom of Kapatagan National High School made history today by securing the Silver Medal in the Para Athletics – Shot Put event during the Palarong Pambansa 2025, bringing immense pride to the Laak Mighty Bamboo Family, Division of Davao de Oro, and the entire Davao Region.

Guided by his dedicated coach, Cecily Lourds M. Baruiz, Cahucom delivered a powerful performance that earned him second place among the country’s finest para athletes. His throw was not only a display of physical strength but also a testament to his perseverance and the tireless support of his coach and training team.

The Laak Mighty Bamboo Family, along with supporters across Davao de Oro and Region XI, erupted in celebration as news of his victory spread. Messages of pride and congratulations continue to pour in for this remarkable athlete and his coach.

Congratulations, Crisanto Cahucom and Coach Cecily Lourds M. Baruiz! Your hard work, dedication, and triumph have inspired an entire region.

17/05/2025

Get ready to groove this summer!
LIKHA Summer Dance Workshop 2025 is now open for registration!

Calling all aspiring and talented young dancers ages 5 to 12 years old — this is your chance to SHINE and experience the joy of dancing through fun, creative, and exciting activities!

Join us and learn from expert instructors and talented coaches in town who are ready to guide you every step of the way!

Limited slots only! Don’t miss out on this unforgettable summer dance journey!

Secure your spot now through our online registration:

https://forms.gle/fTzYjnTRseECBvFJ7

Let’s make this summer a season of rhythm, creativity, and fun — only at LIKHA Summer Dance Workshop 2025!

✔️Dance Workshop: May 19-24, 2025 @ Laak Central ESSC

✔️Recital Day: June 1, 2025 @ Laak Provincial Gymnasium

27/01/2025

DAGHANG SALAMAT! Yan ang sigaw ng buong Laak Mighty Bamboo Delegation dahil sa suportang natanggap mula sa Local Government Unit of Laak sa nakaraang DDOPAA Meet 2025.

Ngayong araw, Enero 27, 2025, ginanap ang Laak Mighty Bamboo Delegation Evaluation sa Laak National High School. Pinangunahan ito ng Delegation Heads, Delegation Staff, at mga Coaches na may layuning suriin ang naging pagganap ng delegasyon sa naturang palaro at magbigay ng pasasalamat sa mga tumulong sa kanilang tagumpay.

Bilang tampok na bahagi ng aktibidad, taos-pusong pinasalamatan ng delegasyon sina Mayor Antonio Libuangan, at Vice Mayor Mark Anthony Libuangan, sa kanilang buong pusong suporta sa mga atleta at sa buong delegasyon. Ang kanilang walang sawang pagsuporta ay naging susi sa matagumpay na partisipasyon ng Laak Mighty Bamboo Delegation sa DDOPAA Meet 2025.

Kasabay nito, nagbigay din ng ulat ang mga Coaches at Delegation Staff ukol sa naging karanasan at mga aral na natutunan mula sa palaro. Naging inspirasyon ang pagkakaisa at determinasyon ng delegasyon upang mas pagbutihin pa ang paghahanda para sa mga susunod na kompetisyon.

Sa pagtatapos ng aktibidad, binigyang-diin ng lahat ang halaga ng suporta mula sa LGU at ang kanilang pangakong patuloy na magbibigay ng karangalan para sa bayan ng Laak.

22/01/2025

𝗨𝗣𝗗𝗔𝗧𝗘𝗦 || Swimming

Joelyn Durango magbabalik DAVRAA

Aarangkadang muli sa Davao Regional Athelics Association (DAVRAA) Meet si Joelyn Durango matapos mag uwi ng tatlong gintong medalya sa 50m Butterfly, 200m Butterfly, at 1500m Freestyle,
isang pilak naman sa 400m Individual Medley kasabay ng tansong medalya sa 100m Freestyle, sa naganap na Davao de Oro Provincial Athletics Association (DDOPAA) Meet, sa Davao del Norte Sports Complex, nitong nakaraang Martes.

Samantala, nasungkit din niya ang pilak na medalya sa 4×100m medley, kasabay sina Mariel Jane Hiyangan, Yna Suzette Roscom at si Mariel Jane Agonoy.

✍️ Jimmy Flores