04/06/2026
NAUMPISAHAN MO NA
Hindi magiging madali.
Makakaranas ka ng uhaw, pagod at pagkainip.
Magiging paulit ulit, darating yung panahon na makakaramdam ka ng pagkasawa.
Walang kasiguraduhan sa umpisa, lalo na at di mo agad makikita yung gusto mong resulta.
Sa paglipas ng panahon at oras, mapapaisip ka.
Unti-unti mong mapagtatanto na binabago ka na ng proseso.
Natutunan mo ng magtiis sa hirap at sa mga bagay na di mo nakasanayang gawin dati.
At yun ang resulta ng ensayo. Ang talunin at higitan palagi yung dating ikaw.
Palagi mong tatandaan, ang tinanim ngayon ay hindi mo agad aanihin at hahanguin kinabukasan.
Maranasan mo man mga negatibong kaisipan dahil sa pagod at pagkasawa, alalahanin mo lang palagi kung bakit ka nagsimula.
