31/05/2026
मिल्स गोल्डकप ट्रष्टद्वारा आयोजित मिल्स गोल्डकप फुटबल प्रतियोगिता २०८३ को फाइनल खेल सम्पन्न भएपछि, हाम्रो मिल्स भेट्रान क्लबद्वारा पूर्वनिर्धारित जुट मिल खेल मैदान सरसफाइ कार्यक्रम सफलतापूर्वक सम्पन्न गरिएको छ।हरेक मिल्सबासी युवाको अन्तरमनसँग जोडिएको यस खेल मैदानको अभिभावकत्व ग्रहण गरिसकेपछि यसको संरक्षण र संवर्द्धन गर्नु हाम्रो स्वाभाविक जिम्मेवारी बन्न पुगेको छ। केवल मिल्स भेट्रानका लागि मात्र नभई, यहाँका प्रत्येक युवालाई खेलकुद मार्फत स्थापित गराउन यस मैदानले धेरै राप, ताप र संघर्ष सहँदै आएको छ।आजको यस सरसफाइ महाअभियानमा सहभागी सम्पूर्ण महानुभावहरूप्रति मिल्स भेट्रान्स परिवार हार्दिक आभार व्यक्त गर्दछ। तपाईंहरूको साथ, सहयोग र सक्रिय सहभागिताले हाम्रो अभियानलाई अझ सफल, प्रभावकारी र अर्थपूर्ण बनाएको छ।
धन्यवाद। 🙏
