27/08/2026
बाढी प्रभावितका लागि सहयोग सम्बन्धमा ।
हालै रसुवा जिल्लाको भोटेकोशी तथा त्रिशूली नदी क्षेत्रमा अचानक आएको भीषण बाढी र पहिरोले त्यस क्षेत्रका स्याफ्रुबेंसी, टिमुरे लगायतका बस्तीहरुमा पुऱ्याएको अपूरणीय जनधनको क्षतिप्रति हामी स्तब्ध छौं। यस प्राकृतिक विपत्तिको कठिन घडीमा ज्यान गुमाउनेहरुप्रति श्रद्धाञ्जली अर्पण गर्दै प्रभावित परिवारजनमा गहिरो समवेदना व्यक्त गर्दछौं।
यस संकटको समयमा आफ्नो सामाजिक उत्तरदायित्व बोध गर्दै बाढी पीडितहरुको तत्कालीन राहत, उद्धार तथा पुनर्स्थापना कार्यमा आफुले सहयोग पुऱ्याउने उद्देश्यले https://pmdrf.nchl.com.np/ प्रधानमन्त्री राहत तथा उद्धार कोषमा योगदान गर्ने हाम्रो देश विदेश रहेका गाउॅंबासीलाई अपिल गरेका छौं।
खेल र खेलाडी केवल मैदानमा मात्र सीमित नरही राष्ट्रिय विपद्को हरेक घडीमा देश र नागरिकको साथमा उभिनुपर्छ भन्ने हाम्रो दृढ विश्वास छ। हामी सम्पूर्ण नागरिक, संघ-संस्था तथा सरोकारवाला निकायहरुलाई रसुवाका बाढी प्रभावितहरुलाई सहयोग गर्न एकताबद्ध भई अघि बढ्न हार्दिक अपिल गर्दछौं। सो क्षेत्रका आमा-बुवा, दाजुभाइ तथा दिदीबहिनीहरुले शीघ्र सामान्य जीवनयापनमा फर्कन सकून् भन्ने कामना गर्दछौं।
