30/04/2026
सुन्दरबजारमा नगरस्तरीय ब्याडमिन्टन प्रतियोगिता हुने
सुन्दरबजार नगरपालिका मा दोस्रो नगरस्तरीय ब्याडमिन्टन प्रतियोगिता–२०८३ आयोजना हुने भएको छ। भोटेओडार ब्याडमिन्टन क्लबको आयोजनामा हुन लागेको प्रतियोगिता जेठ २ र ३ गते सञ्चालन गरिने जनाइएको छ।
प्रतियोगितामा प्रथम हुने टिमलाई रु ४०,०००, द्वितीयलाई रु ३०,००० तथा सेमिफाइनलिस्ट दुई टिमलाई जनही रु १२,५०० का दरले पुरस्कार प्रदान गरिनेछ। विजेताहरूलाई ट्रफी, मेडल र प्रमाणपत्र समेत उपलब्ध गराइने आयोजकले जनाएको छ।
डबल्स विधामा हुने प्रतियोगिताका लागि दर्ता निःशुल्क राखिएको छ भने दर्ता जेठ १ गते बेलुका ५ बजेसम्म खुला रहनेछ। खेलहरू बिहान ७:३० बजेदेखि सुरु हुनेछन्।
प्रतियोगिता धारापानी ब्याडमिन्टन कभर्ड हल मा सञ्चालन गरिनेछ। आयोजकका अनुसार सुन्दरबजार नगरपालिका तथा नगरभित्रका विभिन्न संघ–संस्थामा आबद्ध खेलाडीहरू मात्र सहभागी हुन पाउनेछन्।
कार्यक्रमको मुख्य प्रायोजन वडा नं. ९ ले गरेको छ। प्रतियोगिताले स्थानीय स्तरमा खेलकुदको विकास तथा युवाहरूमा सक्रियता बढाउने अपेक्षा गरिएको छ।
Sundarbazar Municipality सुन्दरबजार नगरपालिका कार्यालय
