20/10/2026
आगामी अक्टोबर २६ देखि नोभेम्बर २१, २०२६ सम्म कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा सञ्चालन हुने तेस्रो संस्करणको नेपाल प्रिमियर लिग (SBL NPL III) का सम्पूर्ण खेलहरूमा Decision Review System (DRS) प्रविधि लागू हुने भएको छ।
डीआरएस प्रविधि लागू हुने भएसँगै यसअघि सार्वजनिक गरिएको खेल तालिकाको समयमा समेत केही परिवर्तन गरिएको छ।
परिवर्तित तालिकाअनुसार, दैनिक दुई खेलहरू हुने दिनमा पहिलो खेल दिनको १२:३० बजेबाट सुरु हुनेछ भने दोस्रो खेल साँझ ५:०० बजेका लागि निर्धारण गरिएको छ। त्यसैगरी, दैनिक एक मात्र खेल हुने दिनमा खेल साँझ ५:०० बजेबाट सुरु हुनेछ।
