25/05/2026
मेरो लागि मण्डन स्पोर्ट क्लब केवल एउटा क्लब मात्र होइन, यो मेरो भावना, संघर्ष, सपना र गर्व हो।
म यस क्लबको पहिलेको सम्पादक र अहिले सबैको मन जित्दै सदस्यसम्म पुग्न सफल भएको छु। यो यात्राले मलाई धेरै कुरा सिकाएको छ र यो क्लबप्रति मलाई सधैं गर्व रहनेछ।
हाम्रो कथा २०७८ सालबाट सुरु भएको हो। त्यस समय हामी केही युवा साथीहरू मिलेर मण्डनदेउपुरबाट कबड्डी खेलमा लागेका थियौं।
हाम्रो टिम निकै राम्रो थियो र हामीले विभिन्न ठाउँमा खेल्दै मण्डनदेउपुरको नाम राख्न सफल भयौं।
२०७९ सालमा जिल्ला खेलकुदले आयोजना गरेको खेलमा हाम्रो टोली सहभागी भयो र हामी तेस्रो हुन सफल भयौं। त्यसपछि हाम्रो मण्डनदेउपुर नगरपालिकाबाट धेरै खेलाडीहरू बागमती Level सम्म पुग्न सफल भए। तर त्यहाँ पुगेपछि धेरैले “मण्डनदेउपुर कहाँ पर्छ?” भनेर सोध्ने गर्थे।
त्यही बेला हामीले कक्षा ९ मा हुँदा एउटा ठूलो सोच बनायौं—
“हाम्रो मण्डनलाई चिनाउने काम हामी युवाले नै गर्ने हो।”
त्यसपछि हामी सबै साथीहरू मिलेर यो क्लब स्थापना गर्न सफल भयौं। सुरुको एक वर्षसम्म क्लब कुनै ठाउँमा दर्ता पनि थिएन। तर पनि हामीले हिम्मत हारेनौं।
२०८० सालमा हामीले “मण्डन कबड्डी कप” आयोजना गर्यौं। त्यो समयमा हामीलाई साथ दिनुहुने आदरणीय श्री नारायण प्रसाद ढकाल सरप्रति विशेष धन्यवाद व्यक्त गर्न चाहन्छु। उहाँले हरेक कुरामा साथ, सहयोग र हौसला दिनुभयो। त्यही अनुभवसँगै हामीले धेरै कुरा सिक्दै अघि बढ्यौं।
हामीले हाम्रो २०८१ सालमा क्लबलाई काभ्रे जिल्ला खेलकुद विकास समितिमा दर्ता गर्न पनि सफल भयौं। त्यो हाम्रो क्लबको यात्रामा एउटा महत्वपूर्ण उपलब्धि थियो। ❤️
बिस्तारै हाम्रो मण्डन र क्लबलाई धेरै मानिसहरूले चिन्न थाले। त्यसपछि २०८१ सालमा हामीले “SEE Kabaddi Cup” आयोजना गर्यौं, जुन काभ्रे जिल्लामै ठूलो र सफल प्रतियोगितामध्ये एक बन्न सफल भयो।
त्यसपछि २०८२ सालमा हामीले “Kavre +2 Kabaddi Cup” पनि आयोजना गर्यौं। त्यो प्रतियोगिता पनि सफलतापूर्वक सम्पन्न भयो।
आज हामीले दुःख, मेहनत र एकताको बलमा यो क्लबलाई यहाँसम्म पुर्याएका छौं।
सायद आज काभ्रेको नम्बर १ क्लबको रूपमा चिनिने क्लबमध्ये हाम्रो क्लब पनि एक हो भन्ने मलाई विश्वास लाग्छ।
यो यात्रामा साथ दिनुहुने सम्पूर्ण खेलाडी भाइहरू, समितिका सदस्यहरू, सहयोगी हातहरू र शुभचिन्तकहरूप्रति मनदेखि नै धन्यवाद व्यक्त गर्न चाहन्छु।
आगामी दिनहरूमा पनि मण्डन स्पोर्ट क्लब अझ ठूलो सफलता, सम्मान र उचाइमा पुग्न सकोस् भन्ने मेरो ठूलो आशा छ। ❤️
✍️ लेखक : समीर श्रेष्ठ
मण्डन स्पोर्ट क्लब
सदस्य तथा सम्पादक
