04/10/2026
नेपाली क्रिकेटका ९ राष्ट्रिय खेलाडी ‘टिम एक्सट्रिम’मा आबद्ध
नेपाली क्रिकेटको विकास, खेलाडीको प्रोत्साहन तथा युवा पुस्तामा खेलकुदप्रतिको उत्साह बढाउने उद्देश्यले एक्सट्रिम इनर्जी ड्रिंकले राष्ट्रिय क्रिकेट टोलीका ९ खेलाडीलाई ‘टिम एक्सट्रिम’को सदस्यका रूपमा आबद्ध गरेको छ।
सम्झौताअनुसार सन्दीप लामिछाने, रोहित पौडेल, सोमपाल कामी, आसिफ शेख, ललित राजवंशी, शेर मल्ल, ईशान पाण्डे, करण केसी र लोकेश बम ‘टिम एक्सट्रिम’का सदस्य बनेका छन्। सम्झौतापछि खेलाडीहरूले प्रयोग गर्ने क्रिकेट ब्याटमा एक्सट्रिम इनर्जी ड्रिंकको लोगो रहनेछ। साथै, एक्सट्रिम इनर्जी ड्रिंकले सञ्चालन गर्ने विभिन्न प्रवर्द्धनात्मक, ब्रान्ड तथा खेलकुदसम्बन्धी गतिविधिमा खेलाडीहरूको सहभागिता रहनेछ।
नेपाली क्रिकेट खेलाडीहरूको लोकप्रियता र युवापुस्तामाझ उनीहरूको प्रभावलाई ध्यानमा राख्दै गरिएको यस सहकार्यले नेपाली क्रिकेटको विकास तथा खेलाडी र समर्थकबीचको सम्बन्धलाई थप मजबुत बनाउने विश्वास लिइएको छ।
