05/09/2025
नाटकै हो, नोटंकी नै हो।
नेपालमा पहिल्यै आन्तरिक राजश्व बिभाग/कार्यालयमा दर्ता थिए फेसबुकसहितका कम्पनीहरू ।
यसअघि नै फेसबुकसहितका करिब २० डिजिटल सेवा प्रदायकहरू आन्तरिक राजस्व विभाग अन्तर्गत ठूला करदाता कार्यालयमा दर्ता भएर कर बुझाउँदै आएका थिए ।
सरकारको निर्णय बमोजिम आन्तरिक राजस्व विभागको २०७९ असार ३१ गते जारी गरेको विद्युतीय सेवा कर सम्बन्धि कार्यविधिअन्तर्गत दर्ता भइ गुगल, लिंकडइन, मेटा प्लाटफर्म्स, माइक्रोसफ्ट र एप्पल सर्भिस प्रालि लगायतका कम्पनी दर्ता भइ सरकारलाई डिजिटल सेवा कर (डिएसटी) र मूल्य अभिवृद्धि कर (भ्याट) समेत तिरिरहेका छन् ।
आन्तरिक राजस्व विभागका अनुसार आर्थिक वर्ष २०८०/८१ मा फेसबुक लगायतका कम्पनीहरूले पहिलो पटक रू ७० लाख डिजिटल सेवा कर (डिएसटी) तिरेकोमा गत आर्थिक वर्ष २०८१/८२ मा रू ४ करोड ३० लाख कर तिरेका थिए । भ्याट बापत पनि लगभग सोहीअनुपातमा कर तिरेको विभागका अधिकारीहरू बताउँछन् ।
“भारतले समेत डिएसटी लागू गर्न नसकेको अवस्थामा नेपालमा सुरुवात भएको थियो । कानुन र निर्देशिका नै नबनाइ यसरी बन्द गर्ने निर्णय गर्नु सही कदम भएन,” विभागका एक पूर्वमहानिर्देशकले भने ।
भीम उपाध्याको satus बाट साभार
