06/04/2026
विराटनगरबासी आमाबुवा, दाजुभाइ तथा दिदीबहिनीहरूमा हार्दिक अनुरोध 🙏
हाल मोरङ जिल्ला ट्राफिक प्रहरीको पहलमा विराटनगरभित्र सञ्चालनमा रहेका सिटी सफारीहरूलाई व्यवस्थित, सुरक्षित र भरपर्दो बनाउन दर्ता गर्ने अभियान सञ्चालन भइरहेको छ। यस अन्तर्गत सिटी चालकहरूले यातायात कार्यालयबाट लाइसेन्स प्राप्त गरेपछि ट्राफिक प्रहरी कार्यालय मोरङमा ट्राफिक नियमसम्बन्धी तालिम लिनुपर्नेछ। त्यसपछि प्रत्येक चालकलाई हरियो रिफ्लेक्टर ज्याकेट प्रदान गरिनेछ।
उक्त ज्याकेटको पछाडि चालकको परिचय खुल्ने गरी विशेष कोड नम्बर राखिने व्यवस्था गरिएको छ। सो कोड नम्बरको आधारमा सम्बन्धित चालकको सम्पूर्ण विवरण ट्राफिक प्रहरीसँग अद्यावधिक रहनेछ।
यस व्यवस्थाबाट:
• मदिरा सेवन गरी सवारी चलाउने प्रवृत्तिमा नियन्त्रण हुनेछ
• दुर्घटना गरेर भाग्ने घटनामा कमी आउनेछ
• यात्रुका सामान हराए वा छुटेमा सहज रूपमा सम्पर्क गर्न सकिनेछ
• बालबालिका तथा नागरिकको सुरक्षा सुनिश्चित हुनेछ
त्यसैले सम्पूर्ण विराटनगरबासीलाई अनुरोध छ—
हरियो ज्याकेट लगाएका, पहिचान खुल्ने कोड भएका सिटी सफारी मात्र प्रयोग गर्नुहोस्। ज्याकेट नलगाएका सिटीमा यात्रा नगर्नुहोस् र त्यस्ता चालकहरूलाई पनि आवश्यक प्रक्रिया पूरा गर्न प्रेरित गर्नुहोस्।
हाम्रो सानो सचेतनाले हाम्रो यात्रा मात्र होइन, हाम्रा बालबालिका, जेष्ठ नागरिक तथा सम्पूर्ण नागरिकको सुरक्षा सुनिश्चित गर्न मद्दत गर्नेछ।
आउनुहोस्, सुरक्षित, व्यवस्थित र जिम्मेवार विराटनगर निर्माणमा सबैले साथ दिऔं।बिराटनगर सेरोफेरोSanjay PasmanHarihar NepalBHIM PARAJULIBirendra Prasad ChaudharyCricket Association of Nepal-CANCricket Bazaar
