02/03/2025
हसौरा प्रिमियर लिग (HPL) को सिजन ४ को फाइनल खेल आज केरुङ्गे खोला जायन्ट्स (KKG) र जितवन XI बीच दिउँसो १२:३० बाट सुरु भएको थियो। जितवन XI का कप्तान अभिषेक लोहनीले टस जितेर ब्याटिङ गर्ने निर्णय लिनु भएको थियो। ओपनिङ गर्न आएका ब्याट्सम्यान सस्तोमा आउट भएपछि टिमका मुख्य खेलाडी रेवन मगर र अभिशेक लोहनि ले इनिङ्सलाई अगाडि बढाउनु भयो।
खेलको अन्तिम ७ ओभर बाँकी रहँदा हिमाल सुनारले १५ बलमा २७ रन बनाए भने झपेन्द्र गौडेलले १६ बलमा ३० रनको उत्कृष्ट प्रदर्शन गर्दै टिमको स्कोर १२५ रनसम्म पुर्याए।
१२६ रनको लक्ष्य लिएर मैदानमा उत्रिएको केरुङ्गे खोला जायन्ट्सको ओपनिङ जोडी पनि सस्तोमा आउट भए। त्यसपछि टिमका मुख्य ब्याट्सम्यान केशव गिरी र जग्गु क्षेत्रीले राम्ररी ब्याटिङ सुरु गरे। केशव गिरीले १० बलमा २३ रन बनाएर खेललाई राम्रो गति दिनुभयो तर एलबीडब्लु (LBW) को कारण आउट हुनुभयो।
त्यसपछि जग्गु क्षेत्रीलाई राम्रो साथ दिने खेलाडी नभएको कारण २५ बल बाँकी रहँदै केरुङ्गे खोला जायन्ट्सको सम्पूर्ण टिम अलआउट भयो।
यसरी जितवन XI ले २२ रनको जित हात पार्दै HPL सिजन ३ पछि सिजन ४ को उपाधि पनि जित्न सफल भयो। कप्तान अभिषेक लोहनी र सम्पूर्ण खेलाडीलाई हार्दिक बधाई!
यस प्रतियोगितामा “प्लेयर अफ द टुर्नामेन्ट” को उपाधि जग्गु क्षेत्रीले जित्नुभयो, जसले ३ खेलमा ६ विकेट लिने र १४० रन बनाउने उत्कृष्ट प्रदर्शन गर्नुभयो।
“बेस्ट ब्याट्सम्यान” को उपाधि पनि जग्गु क्षेत्रीले नै जित्नुभयो।
“बेस्ट बलर” को उपाधि अमृत लोहनीले जित्नुभयो, जसले ३ खेलमा ७ विकेट लिन सफल हुनुभयो।
अब HPL सिजन ५ को घोषणा गरिएको छ, जुन सन् २०२७ मा आयोजना गरिनेछ।
