12/04/2026
Denne helga vart det arrangert LÅMØ Vest i AdO Arena i Bergen, ein meisterskap der dei 24 beste symjarane i kvar årsklasse i regionen kjempa i øvingane 400 fri, 100 fly, 200 bryst, 200 rygg og 200 IM. Frå Bømlo symjeklubb deltok Konrad (2013), Michael (2012), Vanessa, Håkon og Erlend (2011), og Yeva og Emil (2010). Det vart ei strålande helg for heile gjengen 👏👏👏
LÅMØ vert arrangert i 7 regionar rundt i heile landet same helg, og etter alle øvingane er gjennomført kvalifiserer dei 30 beste symjarane i kvar klasse seg til landsmeisterskap i Fredrikstad i mai.
Konrad stilte i sitt aller første LÅMØ, og for ei fantastisk oppleving det vart. Han persa stort i 4/5 øvingar (det vart desverre disk i 200 rygg). Det vart også sølv i øvinga 400 fri med tida 5.07,58, samt nok eit sølv i øvinga 100 fly med tida 1.16,98. Totalt enda han på ein sterk 5. plass 👏👏👏 Det er heilt fantastisk!!!🙌
Michael var i ein klasse for seg denne helga med gull i 4/5 øvingar. Han svømte 400 fri på den vanvittige tida 4.18,49!!! Det er heilt rått i klassen 2012. I tillegg vart det gull i fly med tida 1.00,87, gull på 200 rygg med tida 2.16,79, og gull på 200 IM med tida 2.15,43. Han var soleklar vinnar totalt, og er i tillegg ranka som nr. 1 nasjonalt! Det er heilt vanvittig rått!!! 💪👏👏👏 Og ikkje nok med det! Han tok og fire krav til NM ungdom kortbane!!!
Vanessa var også på LÅMØ for første gong, og klarte seg veldig godt! Ho betra persen sin i 4/5 øvingar med pers på 7,71 sekund i 400 fri. Det er godt jobba!!! Vanessa har jobba ekstra godt på trening i oppkjøringa til meisterskapet. Då er det ekstra kjekt at ho lukkast på denne måten 🤩🏊🏻♀️🏊🏻♀️🏊🏻♀️
Håkon deltok i klassen 2011 og gjennomførte godt! 👏👏👏 Dessverre vart han sjuk og fekk dermed ikkje svømt siste øving søndag. Likevel kan han sjå tilbake på ei helg med solid svømming med pers i 3/4 svømte øvingar. Han kan vere ekstra nøgd med 100 fly og tida 1.14,38. Det er pers med 2,88 sekund 💪👏👏 Kanon!!!
Erlend gjennomførte ein solid meisterskap!!! Han har vore i framgang heile vinteren, og jammen meg fortsatte han ikkje denne helga og 🤩 Han hadde store persar i alle øvingane. Best var han på 400 fri der han persa med 8,10 sekund og fullførte på tida 4.48,08. Kjempebra!!! 👏👏👏
Yeva var også i form denne helga, og persa i 3/5 øvingar. I øvinga 100 fly svømte ho på tida 1.11,72. Det holdt til ein sterk 5. plass i klassen 💪💪💪👏👏👏 I tillegg avdlutta ho heilt rått på 200 IM med ein heilt vill pers på 9,31 sekund. Ny pers er den sterke tida 2.40,82 👏👏👏
Emil viste storform i helga og persa i 3/5 øvingar 👏👏👏 I 200 IM tok han bronsen i klassen med tida 2.20,35. Men den største prestasjonen hans kom då han svømte 100 fly på den kanonsterke tida 57,18. Dette var grusing av eigen rekord med 1,92 sekund og gav han eit overlegent gull i øvinga!!! Han tok også seniorkravet til NM med den tida! Det er sterkt 💪💪💪 Totalt kom han på ein solid 3. plass i klassen.
Både Emil og Michael kan glede seg over deltaking i ÅM i Fredrikstad i mai 😊😊😊
Me er utrulig stolte over symjarane våre. Dei legg ned ekstremt mykje tid til trening, og då er det ekstra kjekt å sjå at alle lukkast 🤩 For ein flott gjeng me har!!!
Klubben hadde tre dommarar i sving i helga: Anastasiya, Helena og Petra. Dei var med på å lose symjarane trygt gjennom alle konkurransane 🤩
