Football Yarns

Football Yarns The main koko be say, we jus dey yan football awa style.
(1)

We don dey hear now say Arsenal winger, Leandro Trossard don break up with him wife, Laura Hilven after 13 years and 3 c...
14/05/2026

We don dey hear now say Arsenal winger, Leandro Trossard don break up with him wife, Laura Hilven after 13 years and 3 children together. While we no know wetin cause their break up, some people dey suspect say the woman dey vex say Trossard love Arsenal pass her because every day and every night him dey with Arsenal wey make she and her children dey feel like abandoned property. Dem say him wife don ask am taya to choose between her or Arsenal but since him no gree choose she don kuku help am choose. So as e be now, Trossard wife don remove herself from the picture so that she no go be distraction again o. Some Arsenal fans sef dey suspect say e be like na opposition fans send Trossard wife to come cause problem so that him go lose focus make Arsenal for lose the league, the same way APC send somebody go cause problem for ADC make dem for lose the election.

My people make una join me wish Trossard all the best for this difficult time.

My wife: Na which club be diswan wey dem dey beat? Cry. Dem really dey cry o. 2-0 for first half. No wonder their name n...
13/05/2026

My wife: Na which club be diswan wey dem dey beat? Cry. Dem really dey cry o. 2-0 for first half. No wonder their name na Cry FC.

My people to watch match with woman no easy o 😂

My people to get village people as fans na serious curse o. Because na wetin happen to Slavia Prague be that as dem dey ...
13/05/2026

My people to get village people as fans na serious curse o. Because na wetin happen to Slavia Prague be that as dem dey top league with 7 points, with the opportunity to extend am to 10 points and win the league with 3 matches to go, at home against their bitter rival Sparta Prague wey dey second for table. Heading into injury time after 90 minutes and Slavia dey lead Sparta 3-2, na then the village people wey dem call fans begin show dem power. We no know whether dem no like as their club wan win league and before you know it dem don pack dem sef rush enter stadium begin scatter things dey throw knockout and banger and na so all the players and referee and officials run abandon the match wey don almost end. As punishment, Czech FA don announce say all 3 points go to their opponents, Sparta Prague, which means na only 4 points Slavia take dey top now. FA also fine dem 357,000 dollars and dem go play the rest of their games this season behind closed doors without fans. The club presido sef don announce say if dem catch those agbero fans wey scatter the match turn am to street fight dem go nak dem lifetime ban from the club. If dem no like am make dem go begin support Chelsea.

My people how una see this kind wahala so?

Dem say na VAR naim wan dash Arsenal the league but when we check Premier League without VAR, na Arsenal still dey top. ...
12/05/2026

Dem say na VAR naim wan dash Arsenal the league but when we check Premier League without VAR, na Arsenal still dey top. Shay VAR truly wan dash Arsenal league abi na God?

We don dey hear now say Fiorentina don terminate the contract of Ghana defender, Tariq Lamptey with immediate effect aft...
12/05/2026

We don dey hear now say Fiorentina don terminate the contract of Ghana defender, Tariq Lamptey with immediate effect after the bro play only 25 minutes for their full season. According to the tory, na injury wan turn Lamptey to iron condemn wey dem dey offload as scrap. Yesterday na back pain, today na okpenyi, tomorrow na monkey nyash, next tomorrow na ACL, before then na hunchback. No kind hospital wey dem never carry am go, from Igbobi dem rush am to FMC, general hospital, even Saint Nicholas and then to Yaba Left make dem know whether the problem dey upstairs, yet no way. Na when dem carry am go Ijaw people naim dem finally discover say be like the guy need to bring some items take appease the Ghanaian gods and their village people and Fiorentina no ready for that kind fe**sh matter. So right now dem don wash their hands from Tariq Lamptey matter because for player to miss 45 matches and 234 days inside one single season, wetin dey follow am pass village people.

My people how una see this Tariq Lamptey matter so?

Manchester United fans insult Marcus Rashford that year say na him be the beginning and the end of their problems. Rashf...
11/05/2026

Manchester United fans insult Marcus Rashford that year say na him be the beginning and the end of their problems. Rashford quietly leave them go Barcelona go win him first league title, becoming the only Manchester United player to win trophy this season. My prayer for you na to get the wisdom and determination to leave where dem no value you go where your star go finally shine.

As VAR cancel the hand of Pablo wey try to stop David Raya, na so God go dey break the hand of evil people wey try to wo...
11/05/2026

As VAR cancel the hand of Pablo wey try to stop David Raya, na so God go dey break the hand of evil people wey try to work against your success. Una good morning and happy new week my people.

Marcus Rashford wan use free kick take remove Courtois waist as Barcelona dey beat Real Madrid 2-0 for the half time of ...
10/05/2026

Marcus Rashford wan use free kick take remove Courtois waist as Barcelona dey beat Real Madrid 2-0 for the half time of El Clasico. Barca no take am easy with Real Madrid at all and na Feran Torres make am 2-0 before half time. The scores suppose don pass 2-0 if no be say Courtois summon the spirit of Raya take save Rashford 1 v 1. My people Real Madrid dey go through a lot. Abeg make una remember dem in your prayers

Dear Arsenal fans, make una use this mortuary standard take cool the hypertension wey Arteta nearly give una. Una don to...
10/05/2026

Dear Arsenal fans, make una use this mortuary standard take cool the hypertension wey Arteta nearly give una. Una don too suffer

Arsenal don go 5 points clear on top EPL table after dem beat West Ham 1-0 for their Premier League match this evening. ...
10/05/2026

Arsenal don go 5 points clear on top EPL table after dem beat West Ham 1-0 for their Premier League match this evening. Na God really save Arsenal because na igbakugba dem play especially for second half sotay West Ham get opportunity to first dem score but na Raya make big save to prevent the embarrassment. Na for 82 minutes naim Odegaard open space drop the ball for Trossard to fire inside net with the help of deflection to make am 1-0. West Ham score late late equaliser but VAR cancel am for foul against David Raya. As e be now, Arsenal get the trophy for one hand with that big win.

My people how una see this match today so?

Chelsea fans for Nigeria don dey disguise as West Ham fans just because dem no want Arsenal to win league. My people na ...
10/05/2026

Chelsea fans for Nigeria don dey disguise as West Ham fans just because dem no want Arsenal to win league. My people na which kind bad bele be diswan?

Address

Lagos

Telephone

08077330411

Website

Alerts

Be the first to know and let us send you an email when Football Yarns posts news and promotions. Your email address will not be used for any other purpose, and you can unsubscribe at any time.

Shortcuts

Share

Category