19/10/2026
Da ɗumi-ɗumi: Cristiano Ronaldo ne yake kan gaba a wani zaɓe da shafin Ballon d’Or ya shirya domin tantance gwarzon da ya taɓa lashe kyautar a tarihi!
A farkon watan Oktoba ne shafin Ballon d’Or na hukuma ya ƙaddamar da wani zaɓe na musamman, inda aka bai wa masu sha’awar ƙwallon ƙafa damar zaɓen kakar da ta fi kowacce ƙayatarwa a tarihin bayar da Ballon d’or.
Zaɓen ya ƙunshi fitattun taurarin ƴan wasan ƙwallon ƙafa guda 10 da s**a lashe kyautar Ballon d’Or aƙalla sau biyu:
• Lionel Messi
• Cristiano Ronaldo
• Ronaldo Nazário
• Marco van Basten
• Michel Platini
• Karl-Heinz Rummenigge
• Kevin Keegan
• Franz Beckenbauer
• Johan Cruyff
• Alfredo Di Stéfano
An buƙaci masu zaɓe su zaɓi takamaiman kakar da ɗan wasa ya lashe Ballon d’Or mafi kyawu, maimakon zaɓen ɗan wasan da s**a fi so kawai.
A halin yanzu, kakar 2008 da Cristiano Ronaldo ya lashe Ballon d’Or ce ke kan gaba da kaso mai ban mamaki na 62% na ƙuri’un da aka kaɗa!
A 2008 ne Ronaldo ya lashe Ballon d’Or na farko a rayuwarsa, lokacin da yake taka leda a Manchester United.
Abin sha’awa shi ne, ba a yin zaɓen kyauta. Kowacce ƙuri’a ana biyan Yuro 1 ne domin kaɗata, kuma zaka iya biyan ko nawa ne domin kaɗa iya adadin da kake so akan ɗan wasanka sau da dama.
Wannan yana nufin cewa sakamakon zaɓen ya dogara ne da ƙuri’un da masoya s**a biya kuɗi, ba kamar tsarin zaɓen da alƙalai da ƙwararru ke gudanarwa ba.
Za a rufe zaɓen a hukumance da tsakar dare, agogon birnin Paris, ranar 27 ga watan Oktoba.
A halin yanzu, Cristiano Ronaldo ne ke kan gaba a tseren zama gwarzon wanda ya taɓa lashe Ballon d’Or a tarihi a kakar wasa, ta hanyar wannan zaɓe na musamman da aka bai wa masoya damar shiga.
• Herbeeb FC
