Funtua Football Transfer News

Funtua Football Transfer News Ingantatttun labaran wasannin kwallon kafa na garin Funtua da kewayen ta

🔴⚪ MAQI GANI YA RUNTSE IDON SHI 🤩🏆Alhamdulillah, jiya masoyan Arsenal na Funtua Zone sun rubuta wani sabon tarihi yayin ...
07/06/2026

🔴⚪ MAQI GANI YA RUNTSE IDON SHI 🤩🏆

Alhamdulillah, jiya masoyan Arsenal na Funtua Zone sun rubuta wani sabon tarihi yayin da aka gudanar da bikin murnar lashe gasar Premier League cikin nasara, farin ciki da lumana.

Tun daga farkon taron har zuwa ƙarshe, an shaida yadda dubban masoya s**a fito cikin kayan Arsenal domin nuna ƙauna da biyayya ga ƙungiyar da s**a daɗe suna jira ta dawo saman Ingila.

Ga waɗanda s**a yi ta cewa ba za a yi taro ba, ko kuma s**a yi hasashen cewa taron ba zai samu karɓuwa ba, jiya sun ga da idonsu yadda Stadium ta cika da jajayen kaya da farin cikin masoya Arsenal.

Abin da ya fi muhimmanci shi ne, duk da maganganu da surutun wasu kafin taron, an gudanar da komai cikin tsari, mutunci da zaman lafiya. Wannan ya tabbatar da cewa masoyan Arsenal ba surutu suke yi ba, inji Fisher.

Ga masu adawa kuwa, muna gode muku domin ku ne kuka sa wannan nasara ta fi daɗi. Yayin da wasu suke ta neman dalilan s**a, mu kuma muna cikin murnar kofin Premier League da kuma taron da ya zama abin tarihi a Funtua

Mr Sky ✍️

🚨 KOWA YA SA RIGAR ARSENAL! YAU FUNTUA TA YAN ARSENAL CE🥳🤩A yau Asabar, 6 ga Yuni, 2026, da misalin ƙarfe 4:00 na yamma...
06/06/2026

🚨 KOWA YA SA RIGAR ARSENAL! YAU FUNTUA TA YAN ARSENAL CE🥳🤩

A yau Asabar, 6 ga Yuni, 2026, da misalin ƙarfe 4:00 na yamma, masoyan Arsenal daga sassa daban-daban na Funtua Zone da kewaye za su hallara a Sama'ila Isa Township Stadium domin gudanar da gagarumin bikin murnar lashe gasar Premier League.

Kwamitin shirya bikin na kira ga dukkan Gunners da su fito cikin cikakken kayan Arsenal domin nuna haɗin kai da soyayyar da suke yi wa ƙungiyar. Wannan rana ce ta tarihi, kuma muna son filin wasa ya cika da launin ja da fari na Arsenal.

An shirya wannan biki ne domin farin ciki, nishaɗi, sada zumunci da haɗa kan masoya ƙungiyar, ba domin gardama ko rikici ba.

Kwamitin shirya taron na gargaɗin duk wani mutum ko ƙungiyar da ke da niyyar kawo hayaniya, tada fitina ko haifar da rikici da su nisanci wajen taron. Ba za a lamunci duk wani yunkuri na kawo cikas ga zaman lafiyar wannan biki ba.

Masoyan Arsenal sun shirya yin murna cikin tsari, mutunci da lumana. Duk wanda zai halarta ana sa ran zai mutunta dokoki da ka'idojin taron tare da girmama ra'ayin kowa.

Kofarmu a buɗe take ga kowa da kowa, amma da sharadin mutunta juna da zaman lafiya. Duk wanda manufarsa ita ce tada hankali ko neman rikici, ya sani cewa ba za mu bari wani ya lalata mana wannan rana ta tarihi ba.

Ku zo cikin rigunanku na Arsenal, ku zo da farin cikinku, ku zo da abokanku domin tare mu nuna farin cikin mu bayan shekaru 22

Mr Sky ✍️

06/06/2026

🚨 ABIN KUNYA! AN JIKATA ALKALIN WASA SAYIDI A WASAN ZAMFARA UNITED DA GREEN BARET ZARIA 💔😡

Ƙwallon ƙafa wasa ce ta nishaɗi da haɗin kai, amma abin takaici magoya bayan Green Beret sun kai mummunan hari kan alkalin wasa ɗan asalin Funtua, Sayadi, bayan kammala wasan daya jagoranta tsakanin Green Beret da Zamfara United.

Wasan ya ƙare ne da nasarar Zamfara United da ci 2-0, amma maimakon a karɓi sakamakon cikin natsuwa da mutunta dokokin wasa, wasu fusatattun magoya baya sun afka wa alkalin wasan tare da yi masa dukan tsiya, lamarin da ya janyo masa munanan raunuka musamman a kan shi

Abin da ya faru ba wai cin zarafin Sayadi kaɗai ba ne, cin mutuncin dukkan alkalan wasa ne, da kuma ƙoƙarin kashe gwiwar matasa masu aiki domin cigaban ƙwallon ƙafa a ƙasarmu. Sayadi ya shiga filin wasa ne domin gudanar da aikinsa bisa ƙa'ida da adalci, ba domin a mayar da shi wanda za a yi wa hukuncin rashin jin daɗin sakamakon wasa ba.

A yau, zukatan al'ummar Funtua suna tare da Sayadi. Wannan matashi ya yi shekaru yana ƙoƙari wajen ɗaga tutar Funtua a harkar alkalancin wasa, yana wakiltar garinmu da mutunci a wurare daban-daban. Don haka duk wani hari da aka kai masa, hari ne da ya taɓa zuciyar al'ummar Funtua baki ɗaya.

Allah Ya ba Sayadi lafiya cikin gaggawa, Ya dawo da shi cikin ƙoshin lafiya domin ya ci gaba da gudanar da aikinsa cikin mutunci da kwarin gwiwa.

Mr Sky ✍️

🚨 𝐇𝐀𝐑𝐊𝐀𝐋𝐋𝐀 𝐓𝐀 𝐅𝐀𝐃𝐀! Matawalen Funtua FC (Liverpool Funtua) sun kammala ɗaukar Abdullahi daga Scorpion Boys Dandume 🟤⚫Bay...
05/06/2026

🚨 𝐇𝐀𝐑𝐊𝐀𝐋𝐋𝐀 𝐓𝐀 𝐅𝐀𝐃𝐀! Matawalen Funtua FC (Liverpool Funtua) sun kammala ɗaukar Abdullahi daga Scorpion Boys Dandume 🟤⚫

Bayan kammala tattaunawa da ɓangarorin da abin ya shafa, an rattaba hannu kan kwantiragin da zai ajiye Abdullahi a Matawalen Funtua FC har zuwa shekarar 2028.

Abdullahi ya shiga tarihi a matsayin ɗan wasa na farko wanda ba ɗan asalin Funtua ba da aka yi wa cikakkiyar rajista a hukumance domin wakiltar Matawalen Funtua FC, ƙungiyar zata ɗauki sabuwar hanya wajen ƙarfafa tawagar ta da ƙwararrun 'yan wasa daga sassa daban-daban.🔥

Majiyoyi daga cikin ƙungiyar sun tabbatar da cewa shugabanni da masu horarwa sun amince da ɗaukar ɗan wasan ne bayan gamsuwa da ƙwarewarsa da kuma irin gudunmawar da ake sa ran zai bayar a kakar wasanni mai zuwa.

Kungiyar ta bayyana cewa wannan ba shi ne ƙarshen kasuwancinta ba a wannan kakar domin tuni aka fara aikin lalubo wasu sababbin 'yan wasa da za su ƙara wa tawagar ƙarfi kafin fara kakar 2026/2027, musamman ganin cewa wasu daga cikin tsofaffin 'yan wasan ƙungiyar suna gab da yin ritaya daga harkar tamaula.

Mr Sky ✍️

🚨SHIRIN BIKIN MURNAR ARSENAL YANA NAN DARAM-DAM!"Masoyan ƙungiyar ƙwallon ƙafa ta Arsenal a yankin Funtua Zone sun sake ...
04/06/2026

🚨SHIRIN BIKIN MURNAR ARSENAL YANA NAN DARAM-DAM!"

Masoyan ƙungiyar ƙwallon ƙafa ta Arsenal a yankin Funtua Zone sun sake jaddada cewa dukkan shirye-shiryen gagarumin bikin murnar lashe gasar Premier League bayan shekaru 22 Yana nan daram-dam, kuma babu wata hayaniya ko surutu da za ta kawo cikas ga wannan taro!

An tsara gudanar da bikin ne a ranar Lahadi, 6 ga Yuni, 2026, a Sama’ila Isa Township Stadium, Funtua, inda ake sa ran dimbin masoya daga sassa daban-daban za su hallara domin nuna farin ciki, haɗin kai da kuma soyayyar da suke yi wa Arsenal.

Duk da yunkurin wasu masu adawa na rage darajar wannan murna ta hanyar kawo maganar rashin lashe Champions League, masu shirya bikin sun bayyana cewa hakan ba zai hana su gudanar da abin da s**a tsara ba.

"Mun yi shekaru masu yawa muna jiran wannan rana. Yanzu da lokacin murna ya zo, babu wanda zai hana mu yin farin ciki. Bikin nan yana nan daram-dam kuma za a yi shi cikin tsari da mutunci."

Masu shirya taron sun bayyana cewa manufar bikin ba ta wuce haɗa kan masoya, nishaɗi, sada zumunci da kuma nuna farin ciki kan nasarar da ƙungiyar ta samu ba. Za a samu ɗaukar hotuna, wasanni na nishaɗi, tattaunawa tsakanin masoya da sauran abubuwan da za su sa ranar ta kasance abin tunawa.

Kwamitin shirya bikin ya yi kira ga dukkan mahalarta taron da su zo cikin nutsuwa da ladabi, tare da mutunta juna da ra'ayoyin wasu.
Haka kuma an gargadi masu neman tada zaune tsaye ko haifar da rigima da su nisanci wajen taron, domin an shirya bikin ne domin nishaɗi, haɗin kai da zaman lafiya, ba domin gardama ko fitina ba.

"Muna maraba da kowa, amma ba za mu lamunci duk wani yunkuri na kawo hayaniya, rikici ko tada fitina ba. Wannan biki na farin ciki ne, kuma za mu tabbatar an gudanar da shi cikin lumana da mutunta juna."

Ga masu adawa kuwa, kofar taron a bude take gare su idan sun zo cikin mutunci da girmama juna. Amma duk wanda manufarsa ita ce tayar da hankali ko kawo rikici, ya sani cewa masoyan Arsenal sun shirya gudanar da wannan biki cikin tsari, lumana da cikakken haɗin kai.

Masoyan Arsenal na Funtua Zone sun kuma yi kira ga dukkan Gunners da su fito cikin kayansu na Arsenal domin su zama wani ɓangare na tarihin da za a rubuta a wannan rana ta musamman.

Mr Sky ✍️

🚨𝐇𝐀𝐑𝐊𝐀𝐋𝐋𝐀 𝐓𝐀 𝐅𝐀𝐃𝐀! Jafar Umar Tulu ya kammala komawar Shi Real FC. ✍️⚪🟡Real FC sun tabbatar da daukar matashin dan was...
02/06/2026

🚨𝐇𝐀𝐑𝐊𝐀𝐋𝐋𝐀 𝐓𝐀 𝐅𝐀𝐃𝐀! Jafar Umar Tulu ya kammala komawar Shi Real FC. ✍️⚪🟡

Real FC sun tabbatar da daukar matashin dan wasan baya Umar Jafar Tulu daga Stoke City kan yarjejeniya ta dindindin kan kudin da ba a bayyana ba (undisclosed fee).

Dan wasan mai shekaru 18, wanda ke taka leda a matsayin Right Back, ya dade yana tattaunawa da Real FC tun watannin baya, inda bangarorin biyu s**a cimma matsaya kan yarjejeniyar.

Duk da cewa an k kammala komai tun da dadewa, yau ne Real FC s**a fitar da sanarwar hukuma tare da tabbatar da daukar dan wasan a matsayin sabon dan kungiyar. 👀

Ana kallon Umar Tulu a matsayin daya daga cikin hazikan matasa masu tasowa, kuma ana sa ran zai kara karfi da kuzari a bangaren tsaron Real FC a kakar wasa mai zuwa. 💪🔥

An tabbatar da komai a hukumance.
Umar Jafar Tulu sabon dan wasan Real FC ne!

Mr Sky ✍️

🚨ABBA AMFANI YA ZAMA ZAKAƘURIN ƊAN WASA NA GASAR CMRD NAZIFI BATURE FOOTBALL COMPETITION 2026🥳✨🍾An ayyana Ɗan wasan Youn...
01/06/2026

🚨ABBA AMFANI YA ZAMA ZAKAƘURIN ƊAN WASA NA GASAR CMRD NAZIFI BATURE FOOTBALL COMPETITION 2026🥳✨🍾

An ayyana Ɗan wasan Young Stars FC, Abba Amfani a matsayin Best Player of the Tournament na gasar Cmrd Nazifi Bature Football Competition wadda FCL ta shirya.

Ko da yake Young Stars FC ta ƙare gasar a matsayi na biyu, Abba Amfani ya nuna bajinta, ƙwarewa da jajircewa a dukkan wasannin da ya buga, lamarin da ya sa kwamitin shirya gasar ya ba shi wannan babbar lambar yabo.

A tsawon lokacin gasar, Abba Amfani ya kasance abin kallo ga masoya ƙwallon ƙafa, inda ya nuna hazaka ta musamman, jajircewa da kuma ruhin jagoranci a filin wasa. Irin wannan bajinta ce ta sa ya yi zarra a tsakanin sauran 'yan wasan da s**a fafata a gasar.

Sannu da kokari Amfani ✨

🚨SULEIMAN MATSU YA ZAMA ZAKAƘURIN MAI TSARON RAGA NA GASAR CMRD NAZIFI BATURE FOOTBALL COMPETITION 2026🧤An ayyana Ɗan wa...
01/06/2026

🚨SULEIMAN MATSU YA ZAMA ZAKAƘURIN MAI TSARON RAGA NA GASAR CMRD NAZIFI BATURE FOOTBALL COMPETITION 2026🧤

An ayyana Ɗan wasan Real FC, Suleiman Matsu, a matsayin Best Goalkeeper of the Tournament a gasar Cmrd Nazifi Bature Football Competition wadda FCL ta shirya.

Suleiman Matsu ya taka muhimmiyar rawa wajen nasarar da Real FC ta samu har ta lashe kofin gasar, inda ya nuna ƙwarewa wajen Ceton ƙwallaye masu wahala da ya yi a lokuta masu muhimmanci sun taimaka matuƙa wajen tabbatar da nasarorin ƙungiyar Real Fc.

Matsu ya kasance abin dogaro ga abokan wasansa tare da zama ƙalubale ga 'yan wasan gaba na ƙungiyoyin da s**a fafata. Hazaka da kwarin gwiwar da ya nuna sun sa ya cancanci wannan babbar lambar yabo ta Mafi Kyawun Mai Tsaron Raga na Gasar.

Wannan karramawa ta zo ne a matsayin yabo ga irin gagarumar gudummawar da ya bayar wajen taimakawa Real FC ta zama zakarar gasar.✨

🚨 LABARI DUMI DUMI: IDRIS HALIDU MAI NASA YA SANAR DA BARIN YOUNG STARS FC 👋🏿Idris Mai Nasa ya sanar da yanke shawarar ...
01/06/2026

🚨 LABARI DUMI DUMI: IDRIS HALIDU MAI NASA YA SANAR DA BARIN YOUNG STARS FC 👋🏿

Idris Mai Nasa ya sanar da yanke shawarar rufe wani babin rayuwar shi ta kwallon kafa a kungiyar Young Stars FC, bayan shafe lokaci mai cike da nasarori da kuma abubuwan tunawa da ba za a manta dasu ba.

“Na bayar da gudummawa ta gwargwadon iyawa, kungiyar ta bani dama, ta tallafa min kuma ta taimaka wajen bunkasa ni a matsayi na na ɗan wasa. Amma yanzu ina jin lokaci ya yi da zan fara sabon babi, sabon ƙalubale da kuma wata sabuwar hanya a rayuwa ta kwallon kafa a yankin Funtua zone' inji Mai Nasa.

Ina alfahari da duk abin da muka cimmawa tare musanman lashe gasar Funtua F A cup ,don haka zan ci gaba da girmama wannan kungiyar har abada. Na bayar da duk abin da nake da shi a filin wasa, amma yanzu ina jin lokaci ya yi da zan fara sabon babi.”

Ya kuma gode wa magoya baya, shugabanni da abokan wasa bisa goyon baya da addu’o’in da s**a raka shi a tsawon lokacin da ya shafe a kungiyar.

Mr Sky ✍️

🚨 REAL FC TA LASHE GASAR COMRD NAZIFI BATURE FOOTBALL COMPETITION 2026✨🍾🏆An buga kunnen Doki (0:0)Real Fc ta samu Nasara...
31/05/2026

🚨 REAL FC TA LASHE GASAR COMRD NAZIFI BATURE FOOTBALL COMPETITION 2026✨🍾🏆

An buga kunnen Doki (0:0)
Real Fc ta samu Nasara a bugun fenareti daci (3:1)

Address

Mangwarori Behind NTA Funtua
Funtua

Website

Alerts

Be the first to know and let us send you an email when Funtua Football Transfer News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category