02/04/2026
(Neymar
"ကျွန်တော် လီယို (မက်ဆီ) ဆီကို ဖုန်းဆက်ခဲ့တဲ့နေ့ကို ကောင်းကောင်းမှတ်မိနေပါသေးတယ်။ ဘောလုံးလောကရဲ့ ဖိအားတွေကြားထဲကနေ သူ့ကို ခဏလောက် အနားပေးချင်ခဲ့တာပါ။ ကျွန်တော်က သူ့ကို 'လီယို... ဘရာဇီးမှာရှိတဲ့ ငါ့ရဲ့ အိမ်ကြီး အိမ်ကောင်းကြီးကို မင်းစိတ်ကြိုက် သုံးလို့ရတယ်နော်။ အန်တိုနီလာနဲ့ ကလေးတွေကိုပါခေါ်ပြီး အဲ့ဒီမှာ အေးအေးဆေးဆေး သွားအနားယူလိုက်ပါ။ မင်းအတွက် အားလုံး စီစဉ်ထားပြီးသားပါ' လို့ ပြောခဲ့ပါတယ်။
သူက ကျွန်တော့်ကို ကျေးဇူးတင်ပြီး ဒီကမ်းလှမ်းမှုကို လက်ခံလိမ့်မယ်လို့ မျှော်လင့်ထားခဲ့တာပါ။ ဒါပေမဲ့ မက်ဆီကတော့ ဘောလုံးကန်နေချိန်တင်မကဘဲ သူ့ရဲ့ လူသားဆန်မှုနဲ့ပါ ကျွန်တော့်ကို အမြဲတမ်း အံ့ဩအောင် လုပ်နိုင်ခဲ့ပါတယ်။ သူ စက္ကန့်အနည်းငယ်လောက် ငြိမ်သွားပြီးမှ သူ့ရဲ့ အေးဆေးတဲ့ လေသံလေးနဲ့ ပြန်ဖြေခဲ့တာက -
'နေမာ... မင်းကို ငါ့နှလုံးသားထဲကနေ တကယ်ကျေးဇူးတင်ပါတယ်။ ဒါပေမဲ့ ဒါထက် ပိုကောင်းတာ ဘာရှိမလဲဆိုတာ မင်းသိလား? အဲ့ဒီ အိမ်ကြီးအိမ်ကောင်းကြီးကို ဘရာဇီးက နွမ်းပါးတဲ့ ကလေးတွေအတွက် ခိုလှုံရာနေရာတစ်ခုအဖြစ် ပြောင်းလဲပေးလိုက်မယ်ဆိုရင် ပိုပြီးတော့ အဓိပ္ပာယ်ရှိသွားမှာပါ။ အဲ့ဒီကလေးတွေကို အဲ့ဒီနေရာမှာ ပြုံးပျော်ခွင့်ပေးလိုက်ပါ' တဲ့။
ကျွန်တော်လည်း အံ့အားသင့်သွားပြီး 'ဒါဆို လီယို... မင်း ဘရာဇီးကို လာရင်ရော ဘယ်မှာ တည်းမှာလဲ?' လို့ မေးလိုက်တဲ့အခါ သူက ရယ်ပြီးတော့ ပြောပါတယ်။ 'ငါ ဘရာဇီးကို လာဖြစ်ခဲ့ရင် တည်းခိုဖို့ အိမ်ကြီးအိမ်ကောင်းတွေ လိုက်ရှာနေမှာ မဟုတ်ဘူး။ မင်းဆီပဲ တန်းလာပြီး အိပ်မှာပါ၊ ဘာလို့လဲဆိုတော့ မင်းက ငါ့အတွက် သူငယ်ချင်းတစ်ယောက်တင် မဟုတ်ဘဲ ငါ့မိသားစုဝင်တစ်ယောက်လို ဖြစ်နေလို့ပဲ' တဲ့။
အဲ့ဒီအချိန်မှာ ဒီလူကို ကျွန်တော် ဘာကြောင့် ဒီလောက်တောင် ချစ်ရသလဲဆိုတာ တစ်ခါပြန်ပြီး နားလည်သွားခဲ့ပါတယ်။ သူ့ရဲ့ စစ်မှန်တဲ့ ကြီးကျယ်မြင့်မြတ်မှုဆိုတာ သူရရှိထားတဲ့ 'Ballon d'Or' ဆုတွေမှာတင် ရှိနေတာမဟုတ်ဘဲ သူပိုင်ဆိုင်ထားတဲ့ စိတ်နှလုံးသားထဲမှာ ရှိနေတာပါပဲ။"
