Milan Club Malta 1979

14/09/2026

Kronaka Milanista minn Frans Deguara...

Lazio-Milan 2-2... Moreiraaaa!!

Fir-4 programm tas-Serie A, il-Milan ġew ospitati mil-Lazio fl-Olimpico u ppareġġjaw 2-2... fejn rajna żewġ partiti - taqsima diżastruża mir-Rossoneri (jew aħjar “neri” bħall-flokkijiet!) u oħra totalment differenti wara l-intervall. Kienet it-3 partita kontra eks plejers Milanisti bħala kowċis (Abate, Stroppa, u issa Gattuso, li kien applawdit mill-Curva Milanista). Għal Amorim naħseb li kienet utli ħafna għax kellu diversi ċertezzi... min hu tajjeb għall-iskemi tiegħu u min mhux! Ċertament li l-partita nbidlet meta daħħal lil Pulisic (debutt staġjonali), Moreira u Musah flok Loftus-Cheek, Estupinan u Modric... li naħseb se jsibha diffiċli ħafna biex iżomm ir-ritmu tal-pressing li jixtieq il-kowċ, għalkemm jista’ jkun importanti biex jikkontolla l-logħob meta l-Milan ikunu minn fuq. Issa naraw.
KRONAKA. B’Gerry Cardinale jerġa’ jkun preżenti, l-1 taqsima rat lill-Biancocelesti dominanti fuq il-Milan. Tant li skurjaw darbtejn u kellhom diversi ċansijiet kbar oħra. Fl-10’ Zaccagni kkrossja fil-baxx fuq il-lasta opposta, daħal Matteo CANCELLIERI li tefa’ ġewwa mill-qrib, b’Estupinian lanqas biss jinduna bih!! Wara miraklu ta’ Maignan fuq Zaccagni fil-21’, il-Lazjali rduppjaw fid-39’, permezz ta’ Tijjani NOSLIN, b’mod fortunate, meta De Winter ħabbat il-ballun ma’ rasu wara li ħabat mal-mimduda, b’Estupinian għal darb’oħra jinsa l-avversarju! Vantaġġ meritat, bħat-tisfir li qalgħu mit-tifosi Milanisti.
Kif semmejna, bil-bidla ta’ 3 plejers it-tim beda jilgħab ħafna aħjar. Infatti fil-65’, Pulisic kien deċiżiv li beda azzjoni b’mod meraviljuż u ta kross preċiż fuq it-tieni lasta fejn daħal Diego MOREIRA li b’firstimer bellezza għeleb lil Mandas. Appena 2’ u ppareġġja b’gowl ieħor sabiħ, minn Diego MOREIRA, b’xutt qawwi minn tarf il-kaxxa wara assist ta’ Rabiot. Fis-77’ iddebutta Hutchinson flok Cisse. Fit-80’ Moreira kien qrib it-tripletta wara azzjoni oħra sabiħa ta’ Pulisic. Fil-85’ iddebutta Camarda flok Ramos.
L-istatistika turi: xuttijiet: 8-16 (fil-lasta 6-7); fawls 15-14; korners 2-5; pussess ballun 33.9%-66.1%... li nbidlet kompletament fit-2 taqsima. L-aħjar kien ġustament Moreira (rebbieħ ukoll l-MVP tal-partita) li wara d-debutt timidu vs Juventus, kien eċċezzjonali), u miegħu Pulisic u Musah (sorpriża sabiħa), iżda anke Maignan, Gila, De Winter, Chukwueze u Rabiot lagħbu tajjeb ħafna. B’Estupinian u Loftus-Cheek sempliċement impreżentabbli... u filwaqt li għall-Kolumbjan hi xi ħaġa regolari, nistagħġeb kif b’dik il-persuna ġganteska tiegħu Loftus ma jużahiex!
Il-Milan lagħbu hekk (3-4-2-1): Maignan; Gila, De Winter, Pavlovic; Chukwueze, Modric (45’ Musah), Rabiot, Estupinan (45’ Moreira); Loftus-Cheek (45’ Pulisic), Cisse (77’ Hutchinson); Ramos (85’ Camarda). Riservi: Terracciano P., Torriani; Bartesaghi, Diawara, Gabbia, Terracciano F., Tomori; Comotto, Jashari u Saelemaekers. Ir-referì kien Marcenaro.

KURŻITAJIET.
MOREIRA. Kif rajna, l-impatt ta’ Diego kien eċċellenti fejn ġab enerġija u veloċità fuq il-linja xellugija (kif lagħab dan l-aħħar staġun ma’ Strasburgu). U skont l-Opta, id-doppjetta li skorja hija rekord għall-Milan għax hu l-iżgħar plejer (22 sena u 37 jum) li għamel hekk meta daħal bħala riserva fis-Serie A mindu bdew jieħdu d-dati mill-2004/05! Moreira stqarr: “inħossni kuntent ħafna imma kont inkun aktar kieku rbaħna. Madankollu wettaqna rimonta b’saħħitha, u ninsabu kuntenti għal dan”.
HUTCHINSON. Fid-9 ta’ Settembru, l-aħħar akkwist tal-Milan, Omari Hutchinson, ġie ppreżentat lill-istampa u lit-tifosi fil-Milan Flagship Store, wara li ġie b’self bi dritt ta’ riskatt mingħand Nottingham Forest. Għandu 23 sena, u jilgħab bħala ‘trequartista’ (wara l-attakkant prinċipali). Wara niżel f’Via Dante biex isellem lit-tifosi u jiffirmalhom.
NKUNKU u FOFANA. Żewġ plejers li ħallew lill-Milan (għalissa, għax it-tnejn ġew mislufa), huma Nkunku u Fofana. Imma filwaqt li għal Christopher kienet sorpriża għalih, u reġa’ lura ma’ Leipzig, tant li stqarr “li ma stenniex li l-Milan iġagħluh jitlaq, u b’dak il-mod. Infatti kien jemmen li se jkun ta’ għajnuna fit-tim kemm bħala viċi ta’ G. Ramos, u/jew bħala ‘trequartista’”. Differenti l-każ ta’ Fofana, li mar ma’ Sivilja, u ħabbru li mhu se jħallsu xejn tas-self, u se jħallsu biss 8% tas-salarju tiegħu!! Fofana kien induna minn ħafna qabel li ser ikollu jitlaq... (probabbilment meta kien mgħarraf minn Ibra bil-famuża telefonata li kien għamel lil ċerti plejers fid-9 t’April wara t-telfa man-Napoli!!). Il-Milan ippreferew hekk milli jkollhom plejer ieħor esuberu (mhux fil-proġett tal-kowċ), bid-differenza ta’ Tomori li ġie integrat lura (u ma akkwistawx difensur ieħor).
KAMPANJA AKKWISTI. Fis-sajf 2026, il-klabbs Ingliżi tal-Premier League nefqu bejniethom aktar minn €3,7 miljard! ...li jikkonferma l-poter assolut ekonomiku fl-Ewropa. U jfisser ukoll li nefqu l-55% tan-nefqa totali tal-5 kampjonati maġġuri Ewropej (Premier League, Serie A, Liga, Bundesliga u Ligue 1), fejn il-klabbs nefqu s-somma ta’ €7,4 miljard (b’bilanċ passiv ta’ €1,44 miljard). U l-MILAN? Jinsabu minn ta’ quddiem fil-lista tat-timijiet mhux Ingliżi b’nefqa ta’ €165 miljun (żbilanċ ta’ €78 miljun), ċifra enormi għall-futbol Taljan. Dan juri d-distanza enormi bejn il-futbol Taljan u dak Ingliż fil-preżent! Kif tista’ tikkompeti magħhom?!
BARESI. Ir-rivista mensili famuża Ġermaniża “11 Freunde”, li tittratta l-kultura tal-futbol, fl-aħħar edizzjoni ppubblikat il-faċċata b’ritratt ta’ Franco Baresi (li miet fil-31 ta’ Lulju), bit-titlu: “L-aħħar tal-ispeċi tiegħu. Il-vjaġġ it-tajjeb, Franco Baresi!" U kompliet: “Bħala direttur tal-orkestra tal-Milan, Franco Baresi rrivoluzzjona l-futbol. Id-destin, madankollu, irriserva tmiem krudili lill-ikbar libero tal-futbol Taljan ta’ kull żmien. Tifkiriet ta’ immortali”. X’rispett lejn dan il-plejer leġġendarju Milanista anke minn barra pajjiżu!!

Il-partita li jmiss: Milan-Benfica, fl-Europa League, nhar l-Erbgħa, 16 ta’ Settembru, fid-21:00.

Ritratti (fuq): il-gowl ta’ Cancellieri fl-10’, u dak ta’ Noslin fid-39’; (nofs): id-doppjetta stupenda ta’ Diego Moreira f’żewġ minuti, fil-65’ u fis-67’; (taħt): iż-żewġ plejers li bidlu l-andament tal-partita favur il-Milan, Pulisic u Moreira, (flimkien ma’ Musah); Hutchinson fil-Milan Flagship Store fid-9 ta’ Settembru; u l-kopertina tar-rivista Ġermaniża “11 Freund” ad unur il-mibki Franco Baresi.

Kwalunkwe opinjoni espressa minni mhux bilfors hi l-istess tal-Milan Club Malta 1979.

12/09/2026

FT. 2-2

12/09/2026

10/09/2026

Ir-rebbieħ tal-voucher ta’ xahar ta Settembru mill-promozzjoni tal-birthday ta’ Sachico’s, li qed nagħtu kull xahar, huwa Borg Sandro . Prosit Sandro u Forza Milan! ❤️🖤

09/09/2026

In-numru rebbieħ mal-prima tal-lottu tal-bieraħ għal lotterija organizzata bejn il-M.C.M. u l-M.ULT.M. għal-‘gear’ tal-Milan 2026/27 huwa n-numru 78 meħud minn Miguel Tagliaferro .
Awguri Miguel! Se tiġi kkuntattjat mingħandna ħalli tagħżel il-qies u liema ‘gear’ tixtieq ħalli b’hekk jiġi ordnat mingħand Football Clothing Anfonave, lis-sponsors ta din il-lotterija grazzi wkoll għal Andre Formosa.

Grazzi Anfonave u Andre’ kif ukoll lil organizzaturi u kull min ipparteċipa u b’ hekk għen lil klabb u l-grupp.

Milan Club Malta 1979 ♥️🇲🇹🖤 Milan Ultras Malta

08/09/2026

L-atmosfera fil-Club nhar il-Ħadd li għadda kontra Juventus kienet waħda speċjali! ❤️🖤

Minkejja li ma kellniex ir-riżultat mixtieq, xorta waħda rridu nirringrazzjaw lil dawk kollha li ngħaqdu magħna biex flimkien insegwu l-partita u ngħixu kull mument tagħha.

Grazzi tal-appoġġ kollu u narawkom għal li jmiss! 🔴⚫

Forza Milan! ❤️🖤

07/09/2026

Kronaka Milanista minn Frans Deguara...

Juventus-Milan 1-1 ...reġa’ Cisse, punt prezzjuż

Fit-3 programm tas-Serie A, il-Milan ġew ospitati mill-Juventus fl-Allianz Stadium u ppareġġjaw 1-1. Onestament il-Bianconeri (kellhom neqsin Yildiz, McKennie u Thuram) kienu aħjar u l-punt huwa prezzjuż ferm, b’xi plejers Milanisti jiddiżappuntaw. Tant li kellu jkun iż-żagħżugħ Cisse li jiftaħ l-iskor (inġustament), u anke Amorim ammetta: “illum ma kienx ħaqqna nirbħu”... imma ħafna drabi ġara bil-kontra. Il-Milan skorjaw lill-Juve wara 3 snin u nofs (Giroud f’Mejju 2023)!
Kommoventi kien l-omaġġ li t-tifosi Juventini taw lill-Capitano Franco Baresi, u apparti li applawdewh, esponew banner bid-data “07-03-1990 - Grazie Baresi”. Għaliex dik id-data? Għax dakinhar il-Milan lagħbu vs Mechelen (0-0), propju fil-grawnd tal-Heysel, u wara li l-awtoritajiet Belġjani ma tawx permess, il-Capitano Rossonero sfidahom u poġġa bukkett ta’ 39 warda fil-Curva Z b’rispett lejn id-39 vittma tal-partita Juventus-Liverpool (1-0) tad-29 ta’ Mejju, 1985. Omaġġ apprezzat ħafna mill-Juventini dakinhar u did-darba fakkruh pubblikament... għax ċerti ġesti sportivi ma jintesewx... Prosit!
KRONAKA. B’Gerry Cardinale preżenti, fl-1 taqsima l-Juventus kienu aħjar u kellu jkun Maignan li salva darbtejn eċċellenti fuq Conceicao fil-25’ u fit-38’. Fil-55’ l-istess plejer (Estupinian ma sabx tarfu) laqat il-lasta, bil-Milan assenti. Tant li Amorim daħħal lil Loftus-Cheek, Chukwueze u Cisse flok Saelemaekers, Moreira u Rabiot. U fid-69’, kontra x-xejra tal-logħob, wara kross perfett ta’ Chukwueze, Alphadjo CISSE qabeż lil Locatelli u b’xutt li għadda minn taħt saqajn Kalulu, għeleb lil Vicario... gowl sabiħ. Kien hemm protesti li l-azzjoni bdiet minn fawl ta’ De Winter fuq K. Muani, imma skont ir-regoli l-ġodda ta’ Orsato, ir-referì Mariani ħalla l-logħob għaddej. Ta’ min jgħid li veru, imma l-eks referì Cesari wera azzjoni oħra ftit sekondi qabel fejn seħħet l-istess daħla ta’ Koopmeiners fuq Cisse... almenu kien hemm uniformità! Fit-82’ daħal Jashari flok Modric, bil-grawnd kollu japplawdi lill-Kroat. 3’ wara, Woltemade tilef ċans tajjeb wara frikik. Fit-88’ ħareġ Gila u floku F. Terracciano (li ddebutta... forsi ma kienx ġust li jidħol Tomori). Wara assedju sħiħ, fit-92’ il-Juventus ġustament ippareġġjaw, meta minn frikik ieħor, daħal Federico GATTI li b’daqqa ta’ ras b’saħħitha għeleb lil Maignan.
L-istatistika turi: xuttijiet: 14-3 (fil-lasta 5-1); fawls 10-11; korners 7-1; pussess ballun 49.2%-50.8%... li tikkonferma l-andament tal-logħba. L-aħjar kien Cisse, u miegħu De Winter u Gila (li għat-3 darba konsekuttiva kellu joħroġ fl-aħħar minuti!!), u Chukwueze. Musah iġennek, jaħdem blalen eċċellenti imbagħad jitlef oħrajn banalment! Iddiżappuntaw ħafna Rabiot, Saelemaekers u Moreira (li ddebutta).
Il-Milan lagħbu hekk (3-4-2-1): Maignan; Gila (88’ F. Terracciano), De Winter, Pavlovic; Moreira (60’ Chukwueze), Musah, Modric (82’ Jashari), Estupinan; Rabiot
(60’ Cisse), Saelemaekers (60’ Loftus-Cheek); Goncalo Ramos. Riservi: P. Terracciano, Torriani, Tomori, Diawara, Bartesaghi, Comotto, Hutchinson, Pulisic u Camarda.

Kurżitajiet.
KAMPANJA AKKWISTI. Fit-20:00 tal-1 ta’ Settembru għalaq il-merkat tal-plejers fl-Italja (f’xi pajjiżi għalaq ftit wara, anke ġranet). Il-Milan akkwistaw: A. Kostic (Partizan Belgrado), G. Ramos (PSG), M. Gila (Lazio), S. Diawara (Troyes) u D. Moreira (Strasburgu) b’mod definittiv; A. Guernier (Birmingham City), b’xejn; O. Hutchinson (Nottingham Forest) b’self bi dritt ta’ riskatt; u Modric ġedded il-kuntratt.
ĊEDUTI. Fullkrug (lura mal-West Ham); Leao (Galatasaray), C. Traorè (Partizan Belgrado) u D. Sia (Dolomiti Bellunesi) b’mod definittiv; Bennacer (għalaq kuntratt); Odogu (Tolosa), Athekame (Lione), Kostic (Sparta Rotterdam) u Fofana (Sivilja) b’self dirett; Nkunku (Lipsia), Ricci (Como), Zeroli (b’self bi dritt ta’ riskatt, Sud Tirol); Gimenez (b’self bi dritt ta’ riskatt li jsir obbligu b’kundizzjoni, Porto).
Interessanti li mit-tim tal-iskudetto 2021/22 baqa’ biss Maignan, Saelemaekers, Gabbia u Tomori... li reġa’ ġie integrat mal-iskwadra! Għall-ewwel darba wara 4 snin, rajna lil Gerry Cardinale jaħdem b’mod dirett fil-kampanja akkwisti u dawk ċeduti... dejjem bil-kunsens tal-kowċ Amorim u bl-għajnuna tal-aġent Jorge Mendes (li tħallas tajjeb ħafna!!). Iżda f’dawk ċeduti deher in-nuqqas ta’ esperjenza (flimkien mal-istaff ġdid tiegħu). Naturalment il-ġudizzju jagħtih il-grawnd bir-riżultati tal-partiti.
KIF NEFQU. Skont Transfermakt, it-timijiet tas-Serie A nefqu hekk: 1. Juventus (€168,3 miljun); 2. MILAN (166,6 miljun); 3. Fiorentina (149,2); 4. Roma (126); 5. Como (125,9); 6. Inter (102); 7. Napoli (71,2); 8. Venezia (44,6); 9. Genoa (37,4); 10. Udinese (32,5); 11. Bologna (32,1); 12. Parma (32); 13. Frosinone (31,6); 14. Torino (31,4); 15. Atalanta (23,8); 16. Lazio (22,3); 17. Monza (18); 18. Sassuolo (13,5); 19. Lecce (9,5); 20. Cagliari (7,6). Imma skont Calcio e Finanza, l-impatt reali fuq il-bilanċ tal-istaġun 2026/27 fuq il-merkat tal-Milan hu defiċit ta’ €6,38 miljun biss! Għax veru li bħala dħul kien hemm biss ta’ Leao (€38 + bonus), imma ffrankaw fuq is-salarji u ammortamenti tal-plejers fejn iffrankaw €74,75 miljun, li jkopri kważi kompletament ta’ dawk ġodda, €81,13 miljun!
LEAO-MANIA. Rafa ġie akkwistat minn Galatasaray għal €38 miljun (mhux 45 kif issemma) + perċentwali ta’ 20% mis-somma li jinbiegħ aktar ’il quddiem. Operazzjoni li lill-Milan iġġenerat madwar €27,7 miljun bħala plusvalenza (skont l-ewwel xahrejn tal-bilanċ 2026/27) u jħalli madwar €10,5 miljun spejjeż tal-ġestjoni. Ħa naraw kif:
Valur nett kontabbli fit-30/06/2025: €16,818 miljun;
Ammortament annwali: €5,606 mln;
Valur nett fit-30/06/2026: €11,212 mln;
Valur li jifdal fit-30/08/2026: €10,278 mln;
Ħlas mingħand il-Galatasary: €38 mln;
Plusvalenza: €27,722 miljun.
Intant Leao kellu akkoljenza eċċezzjonali fit-Turkija - mal-500 tifoso fl-ajruport u mbagħad grawnd mimli wara l-partita vs Goztepe (3-2). Mhux biss, fi 3 ijiem, inbiegħu mal-50,000 flokk ġdid tal-Galatasaray bin-numru 27!!
MESSAĠĠ LILL-MILAN. Fl-1 ta’ Settembru, Leao ppubblika dan il-video/messaġġ lill-Milan: “Ciao tifosi Rossoneri, għamilt dan il-filmat biex nirringrazzja lil kulħadd. Għalija kien vjaġġ sabiħ ta’ 7 snin li jidhru aktar għax meta tkun magħkom ħassejtni mill-ewwel f’dari, anke l-familja tiegħi. Ovvjament dejjem hemm l-emozzjoni, li tibqa’ tkun hemm dejjem, però nħalli l-Milan bi tbissima għax irnexxieli nilgħab, u nuri l-aħjar verżjoni tiegħi bi tbissima, u għalhekk grazzi mill-qalb lil kulħadd. Dan mhux addio, għax jien wieħed minnkom, u se nsegwi l-Milan kullimkien. Issa jien tifoso minn barra, imma ċertament il-mumenti l-aktar sbieħ se jibqgħu għal dejjem f’qalbi. Għalhekk grazzi verament lil kulħadd, u Forza Milan sempre”!
MOREIRA. Fit-3 ta’ Settembru, Diego kien ippreżentat lill-istampa u lit-tifosi fil-Milan Flagship Store f’Via Dante. U malli tfaċċa fit-tieqa tefa’ flokk iffirmat minnu lill-folla sabiħa preżenti, u mbagħad niżel jieħu xi ritratti u jiffirma xi awtografi.

Il-partita li jmiss: Lazio-Milan, tas-Serie A, nhar is-Sibt 12 ta’ Settembru, fis-18:00... vs eks ieħor, Gattuso, kowċ Lazjali!

Ritratti (fuq): il-gowl ta’ Cisse fid-69’, u ż-żewġ kuntatti diversi mumenti qabel b’Mariani jħalli għaddej - almenu kien uniformi; (nofs): Gatti jippareġġja għall-Juventus fid-92’, u l-omaġġ lil Capitan Baresi mill-Curva Juventina; (taħt): 3 ta’ Settembru - Amorim u Tomori jieħdu b’idejn xulxin f’Milanello, u Moreira fil-Milan Flagship Store.

Kwalunkwe opinjoni espressa minni mhux bilfors hi l-istess tal-Milan Club Malta 1979.

06/09/2026

FT.

06/09/2026

Half Time
Juve vs Milan

06/09/2026

HT.