18/09/2026
БНМАУ-ын нам, төрийг 44 жил удирдаж, эх орныхоо эрх чөлөө, тусгаар тогтнолыг хамгаалан бэхжүүлэх, улс орныхоо хөгжил цэцэглэлтэд үнэтэй хувь нэмэр оруулсан Маршал Юмжаагийн Цэдэнбал агсны мэндэлсний 110 жилийн ой өнөөдөр тохиож байна.
1923 оны хоёрдугаар сарын 20-нд МАН-ыг үндэслэн байгуулагч их жанжин Дамдины Сүхбаатар идэр залуухан 30 насандаа тэнгэрийн орноо одоход түүний дэргэд байсан 28-хан настай Хорлоогийн Чойбалсан Монгол төрийн жолоог атгалцаж үлдсэн юм. Харин дараа нь 1940 онд 23 настайдаа тодорсон залуу удирдагч Юмжаагийн Цэдэнбал Монгол Улсын төрийн тамгыг 44 жил түшсэн билээ.
Хагас зууны турш Монгол орныг удирдсан тэрбээр их түүхийн алдаа онооны дэнсэн дээр жаргал, зовлонг туучин байж тусгаар тогтносон улс үндэстнээ бүрэн бүтнээр нь авч үлдэж чадсан гавьяатан. Түүний удирдаж байсан он жилүүдэд Монгол Улсад үйлдвэр, эрчим хүч, зам тээвэр, боловсрол, эрүүл мэнд, хот байгуулалт, хөдөө аж ахуй зэрэг олон салбарт бүтээн байгуулалт өрнөж, улс орны эдийн засаг, нийгмийн суурь бүтцүүд бий болж байсан түүхтэй.
“Төрийн их хүнийг тухайн цагийн магтаал, үгүйсгэл бус, эх орондоо үлдээсэн үйл хэрэг, өвөөр нь цаг хугацаа шүүдэг.”
Түүх мартахгүй…
