https://www.facebook.com/557765744095226/

Omo 2.O, Uptown, Yangon (2026)

07/06/2026

အာဆင်နယ်အသင်းဟာ နော်တင်ဟမ်ဖောရက်စ်အသင်းရဲ့ အဓိကကွင်းလယ်လူ မော်ဂန် ဂစ်ဘ်စ်-ဝှိုက်ကို လာမယ့်နွေရာသီအတွက် ပစ်မှတ်အဖြစ် အလေးအနက် စဉ်းစားနေတယ်လို့ သတင်းတွေ ထွက်ပေါ်လာပါတယ်။

လက်ရှိမှာတော့ အာဆင်နယ်အသင်းဟာ အရင်က ပစ်မှတ်ထားခဲ့တဲ့ အက်စတွန်ဗီလာအသင်းရဲ့ ကွင်းလယ်လူ မော်ဂန် ရော်ဂျာစ်ကို ခေါ်ယူမယ့်အစား ဖောရက်စ်အသင်းရဲ့ အားထားရတဲ့ စွမ်းဆောင်ရှင် ဂစ်ဘ်စ်-ဝှိုက်ကို ပြောင်းလဲခေါ်ယူဖို့ ပစ်မှတ်ထားလာတာပဲ ဖြစ်ပါတယ်။

ဂစ်ဘ်စ်-ဝှိုက်ဟာ ပြီးခဲ့တဲ့နွေရာသီအပြောင်းအရွှေ့တုန်းက တော်တင်ဟမ်ဟော့စပါးအသင်းဆီ ပြောင်းရွှေ့ဖို့ အခြေအနေ အလွန်နီးစပ်ခဲ့ဖူးသူ ဖြစ်ပါတယ်။ ဒါပေမဲ့ နော်တင်ဟမ်ဖောရက်စ်အသင်းပိုင်ရှင် အီဗန်ဂျလို မာရီနာကစ်စ်နဲ့ ဆွေးနွေးမှုများ ပြုလုပ်ခဲ့ပြီးနောက် အသင်းမှာပဲ ဆက်ရှိနေဖို့ ဆုံးဖြတ်ခဲ့ပြီး ၂၀၂၈ ခုနှစ် ဇွန်လအထိ သက်တမ်းရှိမယ့် စာချုပ်သစ်တစ်ရပ်ကို လက်မှတ်ရေးထိုးခဲ့တာ ဖြစ်ပါတယ်။

ဖောရက်စ်အသင်းနဲ့ စာချုပ်သက်တမ်း အခိုင်အမာ ကျန်ရှိနေသေးတာကြောင့် အာဆင်နယ်အနေနဲ့ ဂစ်ဘ်စ်-ဝှိုက်ကို ခေါ်ယူချင်တယ်ဆိုရင် ပြောင်းရွှေ့ကြေး အမြောက်အမြား အသုံးပြုရဖို့ ရှိနေပါတယ်။

ဒါပေမဲ့ ကစားသမားရဲ့ ပြီးခဲ့တဲ့ရာသီက သွင်းဂိုးမှတ်တမ်းတွေနဲ့ ဥရောပစင်မြင့်ထက်က ခြေစွမ်းတွေအရ တိုက်စစ်ပိုင်းကို ပိုမိုအားဖြည့်ချင်နေတဲ့ အာဆင်နယ်အသင်းအတွက်တော့ တကယ်ကို ထိရောက်တဲ့ ရင်းနှီးမြှုပ်နှံမှုတစ်ခု ဖြစ်လာနိုင်တာကြောင့် အာဆင်နယ်ဘက်က တကယ်ပဲ ကမ်းလှမ်းမှု ပြုလုပ်လာမလားဆိုတာ စောင့်ကြည့်ရမှာ ဖြစ်ပါတယ်။

06/06/2026

၂၆ကမ္ဘာ့ဖလားမှာ ဘယ်စတားတွေတောက်ပကြမလဲ…❓

လေးနှစ်တကြိမ်မှကျင်းပတဲ့ ကမ္ဘာ့ဖလားဟာမကြာခင်ရက်ပိုင်းမှာရောက်ရှိလာတော့မှာပဲဖြစ်ပါတယ်။ ဘောလုံးလောကရဲ့ ဂုဏ်သိက္ခာအကြီးမားဆုံးဖြစ်တဲ့ ကမ္ဘာ့ဖလားပြိုင်ပွဲကြီးဟာ ဘောလုံးပရိတ်သတ်တွေအတွက်ရင်ခုန်စိတ်လှုပ်ရှားစရာအကောင်းဆုံးပွဲကောင်းတပွဲလည်းဖြစ်ပါတယ်။ 🏆

⚽ ကစားသမားတချို့ဟာ ကမ္ဘာ့ဖလားကြောင့်ပိုပေါ်လွင်ထင်ရှားခဲ့ပြီး တန်ကြေးမြင့်မားနေရာရခဲ့ကြတာမို့ ဒီကမ္ဘာ့ဖလားကော ဘယ်သူတွေက breakout star တွေဖြစ်လာကြမလဲလို့စောင့်မျှော်နေကြပါတယ်။

ကမ္ဘာ့ဖလားကြောင့် နာမည်ကြီးလာတဲ့ ကစားသမားတချို့ကတော့ …

🇨🇴 ဂျိမ်းစ် ရိုဒရီဂွက်ဇ်

၂၀၁၄ ကမ္ဘာ့ဖလားမှာ မထင်မှတ်ဘဲ ခြေစွမ်းပြခဲ့ပြီး ဂိုးအများဆုံးသွင်းသူ (Golden Boot) ဆုကို ရရှိခဲ့ပါတယ်။ ပြိုင်ပွဲပြီးတာနဲ့ ရီးရဲလ်မက်ဒရစ်အသင်းက သူ့ကို ကမ္ဘာကျော်ပြောင်းရွှေ့ကြေးနဲ့ ချက်ချင်း ခေါ်ယူခဲ့ပါတယ်။

🇳🇱 ကိုဒီ ဂက်ပို

၂၀၂၂ ကမ္ဘာ့ဖလား အုပ်စုအဆင့် ပွဲတိုင်းလိုလို ဂိုးသွင်းယူပြီး ခြေစွမ်းပြခဲ့လို့ ပြိုင်ပွဲအပြီး (ဇန်နဝါရီ ဈေးကွက်) မှာတင် ပီအက်စ်ဗွီ (PSV) အသင်းကနေ လီဗာပူးလ်အသင်းဆီ ကမ္ဘာကျော် အပြောင်းအရွှေ့ ဖြစ်ပေါ်ခဲ့ပါတယ်။

🇳🇱 ဝက်ဂ်ဟောက်စ်

ဂျာမနီကလပ် ဝုလ်ဖ်ဘတ်ကနေ ဘန်လေအသင်းဆီ ရောက်ပြီး သိပ်ခြေစွမ်းမပြနိုင်လို့ တူရကီမှာ အငှားသွားကစားနေရချိန်၊ ၂၀၂၂ ကမ္ဘာ့ဖလား အာဂျင်တီးနားနဲ့ပွဲမှာ လူစားဝင်ပြီး ၂ ဂိုးသွင်းကာ ကမ္ဘာကို တုန်လှုပ်စေခဲ့ပါတယ်။ အဲဒီခြေစွမ်းကြောင့် ပြိုင်ပွဲအပြီးမှာ မန်ချက်စတာယူနိုက်တက်အသင်းက သူ့ကို အံ့အားသင့်ဖွယ် ခေါ်ယူခဲ့ပါတယ်။

🇦🇷 အလက်ဆစ် မာခ် အယ်လစ်စတာ

ကမ္ဘာ့ဖလားမတိုင်ခင်က ဘရိုက်တန်အသင်းမှာပဲ ရှိသေးပြီး အာဂျင်တီးနား လူစာရင်းမှာ ပွဲထွက်ခွင့်ရဖို့ ရုန်းကန်ရမယ့်သူလို့ ထင်မှတ်ထားကြပါတယ်။ ဒါပေမယ့် ပြိုင်ပွဲအတွင်း မက်ဆီရဲ့ ကွင်းလယ်အင်ဂျင်လို ကစားပြသွားနိုင်ခဲ့လို့ နောက်ပိုင်းမှာ လီဗာပူးလ်အသင်းရဲ့ အဓိက ကစားသမား ဖြစ်လာခဲ့ပါတယ်။

🇦🇷 အန်ဇိုဖာနန်ဒက်စ်ဇ်

ကမ္ဘာ့ဖလားမတိုင်ခင်က ဘင်ဖီကာအသင်းမှာကစားနေခဲ့တာဖြစ်ပြီး ၂၂ကမ္ဘာ့ဖလားမှာ အာဂျင်တီးနားနဲ့အတူခြေစွမ်းပြခဲ့တဲ့အပြင် လူငယ်အကောင်းဆုံးကစားသမားဆုရခဲ့ပြီးနောက် ချယ်လ်ဆီးအသင်းကခေါ်ယူခဲ့ပြီး အသင်းရဲ့ ဒေါက်တိုင်ကစားသမားတဉီးဖြစ်လာခဲ့ပါတယ်။

✨ ကမ္ဘာ့ဖလားဆိုတာ လူငယ်ကစားသမားတွေအတွက် အခွင့်အလမ်းတမျိုးဖြစ်လာနိုင်ပြီး နိုင်ငံအသေးလေးကကစားသမားတွေအတွက်လည်း သူတို့ရဲ့ ခြေစွမ်းတွေကို ကမ္ဘာကိုပြသခွင့်ရနိုင်မှာမို့ အားလုံးရဲ့ အိပ်မက်လည်းဖြစ်ပါတယ်။

၂၆ ကမ္ဘာ့ဖလားမှာတော့ လန်းနတ် ကားလ် (ဂျာမဏီ) ၊ နီကို ပါ့ဇ် ( အာဂျင်တီးနား ) ၊ အင်းဒရစ် ( ဘရာဇီး ) ၊ ရိုင်ယန် ( ဘရာဇီး ) ၊ ကီးစ် စမစ် ( နယ်သာလန် )၊နီကို အိုရွိုင်လီ ( အင်္ဂလန်) ၊ လူကာ ဗူးစ်ကိုဗစ် (ခရိုအေးရှား)၊ ကိုဘီမိုင်နူး( အင်္ဂလန်)၊ ဖရန်ကို မာစတန်တွာနို (အာဂျင်တီးနား ) ၊ရန် ဒီယိုမန်ဒေ ( အိုင်ဗရီကို့စ် ) ၊ ဆအစ် အယ်လ် မာလာ( ဂျာမနီ ) တို့လို လူငယ်ကစားသမားတွေကို ပရိတ်သတ်တွေကစောင့်ကြည့်နေကြတာဖြစ်လို့ ဒီထဲကဘယ်သူတွေက ကမ္ဘာ့ဖလားနဲ့အတူထပ်မံတောက်ပံနိုင်မယ်ထင်လဲ ဘော်ဒါတို့ရေ….။

04/06/2026

🏆၂၀၂၆ ကမ္ဘာ့ဖလားမှာ ဘယ်အသင်းငယ်တွေက အကြီးမားဆုံး စွမ်းဆောင်နိုင်ကြမလဲ…⁉️

🏆 ကမ္ဘာ့ဖလားပြိုင်ပွဲကြီးမှာ ပရိသတ်တွေကို အမြဲတမ်း ရင်ခုန်စိတ်လှုပ်ရှားစေတာကတော့ အင်အားနည်းတဲ့ အောက်သင်း (Underdog) တွေက အင်အားကြီးအသင်းတွေကို အောက်ခြေကနေ ဆွဲချပစ်မယ့် အသင်း တွေပဲ ဖြစ်ပါတယ်။ လာမယ့် ၂၀၂၆ ကမ္ဘာ့ဖလားမှာတော့ သမိုင်းတစ်လျှောက် ပထမဆုံးအကြိမ်အဖြစ် အသင်းပေါင်း ၄၈ သင်းအထိ တိုးမြှင့်ကျင်းပမှာဖြစ်လို့ အောက်သင်းတွေရဲ့ စိတ်လှုပ်ရှားစရာပွဲတွေကို ပိုပြီးတော့ မြင်တွေ့ရဖို့ ရှိနေပါတယ်။

📃 ပြီးခဲ့တဲ့ ကမ္ဘာ့ဖလားပြိုင်ပွဲတွေရဲ့ မှတ်တမ်းတွေကို ပြန်ကြည့်ရင် အောက်သင်းတွေဟာ အသင်းကြီးတွေကို ပုံစံမျိုးစုံနဲ့ ဒုက္ခပေးခဲ့ကြတာပါ။ ၂၀၁၄ ဘရာဇီးကမ္ဘာ့ဖလားတုန်းကဆိုရင် အီတလီ၊ အင်္ဂလန်၊ ဥရုဂွေးတို့လို ကမ္ဘာ့ချန်ပီယံဟောင်း ၃ သင်းနဲ့ "သေမင်းတမန်အုပ်စု" ထဲ ကျရောက်ခဲ့တဲ့ ကိုစတာရီကာအသင်းဟာ အုပ်စုပထမနဲ့ နောက်တစ်ဆင့် တက်လှမ်းပြီး အင်္ဂလန်နဲ့ အီတလီတို့ကို အုပ်စုအဆင့်ကတင် ပြုတ်သွားအောင် စွမ်းဆောင်ခဲ့ဖူးပါတယ်။

🇶🇦 အဲ့ဒီလိုပဲ ၂၀၂၂ ကာတာကမ္ဘာ့ဖလားမှာလည်း ပထမဆုံးအကြိမ် ဆီမီးဖိုင်နယ်အထိ တက်လှမ်းနိုင်ခဲ့တဲ့ မော်ရိုကိုအသင်းရဲ့ စွမ်းဆောင်ရည်ကို ကမ္ဘာ့ဖလားသမိုင်းမှာ ဘယ်တော့မှ မေ့ပျောက်မှာ မဟုတ်ပါဘူး။ သူတို့ဟာ ဘယ်လ်ဂျီယံ၊ ပေါ်တူဂီ တို့ကို အနိုင်ယူခဲ့သလို၊ ၁၆သင်းအဆင့်ရှုံးထွက်ပွဲစဉ်မှာလည်း စပိန်အသင်းကို ပင်နယ်တီအဆုံးအဖြတ် ၃-၀ နဲ့ ဖြုတ်ချပြီး အာဖရိကနဲ့ အာရပ်နိုင်ငံတွေထဲမှာ ပထမဆုံး ဆီမီးဖိုင်နယ်တက်တဲ့ သမိုင်းဝင် အောက်သင်း ဖြစ်ခဲ့ပါတယ်။

ဆိုတော့လာမဲ့ ၂၀၂၆ ကမ္ဘာ့ဖလားမှာကော ဘယ်အောက်သင်းတွေက အလှည့်အပြောင်းတွေ လုပ်သွားနိုင်လဲ⁉️

အချက်အလက်တွေအရ ဒီနှစ်ပြိုင်ပွဲမှာ အကြီးမားဆုံး အံ့အားသင့်ဖွယ်ရာ Upsets ဖြစ်လာနိုင်တဲ့ အုပ်စုပွဲစဉ် (၃) ပွဲ ရှိနေပါတယ်။

🇭🇹 ဟေတီ VS စကော့တလန်🏴󠁧󠁢󠁳󠁣󠁴󠁿 (ဇွန် ၁၃ - အုပ်စု C)

စကော့တလန်အသင်းဟာ သူတို့ရဲ့ အဓိကကွင်းလယ်လူ ဘီလီ ဂီလ်မော ဒဏ်ရာကြောင့် မပါနိုင်တဲ့အပြင်၊ ဟေတီအသင်းက နောက်ဆုံးခြေစမ်းပွဲမှာ နယူးဇီလန်ကို ၄-၀ နဲ့ ဂိုးပြတ်နိုင်ပြီး Form တက်နေတာမို့ စကော့တလန်တို့ အဖွင့်ပွဲမှာတင် အကြီးအကျယ် ဒုက္ခရောက်သွားနိုင်ပါတယ်။

🇳🇿နယူးဇီလန် VS အီရန် 🇮🇷 (ဇွန် ၁၅ - အုပ်စု G)

အီရန်အသင်းဟာ အမေရိကန်ပြည်ဝင်ခွင့်ဗီဇာ ပြဿနာတွေနဲ့အတူ နိုင်ငံရေးမတည်ငြိမ်မှုတွေကြောင့် အသင်းတွင်း မရေရာမှုတွေ ကြုံနေရပါတယ်။ ဒါကြောင့် သမိုင်းတစ်လျှောက် ကမ္ဘာ့ဖလားမှာ နိုင်ပွဲလုံးဝမရဖူးသေးတဲ့ နယူးဇီလန်တို့ ပထမဆုံးသမိုင်းဝင်နိုင်ပွဲရဖို့ အကောင်းဆုံး အခွင့်အရေး ဖြစ်နေပါတယ်။

🇨🇻 ကိပ်ဗာဒီ VS ဥရုဂွေး 🇺🇾 (ဇွန် ၂၁ - အုပ်စု H)

နည်းပြ ဘီယဲလ်ဆာရဲ့ ဥရုဂွေးဟာ နောက်ပိုင်းပွဲစဉ်တွေမှာ ရလဒ်တွေ ဆိုးရွားနေပါတယ်။ တစ်ဖက်က ကမ္ဘာ့ဖလား ပထမဆုံးအကြိမ် လာကစားတဲ့ ကိပ်ဗာဒီကတော့ ခက်ခဲတဲ့အာဖရိကဇုန် ခြေစစ်ပွဲတွေကို ခံစစ်အင်မတန် ကျစ်ကျစ်လျစ်လျစ်နဲ့ ဖြတ်ကျော်လာခဲ့တာမို့ ဥရုဂွေးကို ကောင်းကောင်းကြီး အထိနာအောင် လုပ်သွားနိုင်စွမ်း ရှိပါတယ်။

🇺🇸🇨🇦🇲🇽 ခန့်မှန်းရအလွန်ခက်ခဲပြီး နိုင်ငံရေး အခင်းအကျင်းတွေ၊ ရာသီဥတု အခြေအနေတွေအောက်မှာ ကစားရမယ့် အခု ၂၀၂၆ ကမ္ဘာ့ဖလားဟာ သမိုင်းတစ်လျှောက် Underdog တွေရဲ့ စွမ်းဆောင်ရည်ကောင်းတွေပြသနိုင်မဲ့ ပြိုင်ပွဲကြီး ဖြစ်လာနိုင်မလားဆိုတာ စောင့်ကြည့်ရတော့မှာ ဖြစ်ပါတယ်။

ဘော်ဒါတို့ကော ကမ္ဘာ့ဖလားမှာ ဘယ်အုပ်စုက အခက်ခဲဆုံးဖြစ်မယ်ထင်လဲ…❓📥

02/06/2026

" ကမ္ဘာ့ဖလားပြိုင်ပွဲရဲ့ ရင်ထဲမှာ အမြဲတမ်းရှင်သန်နေမယ့် အမှတ်တရများ "

🏆 ကမ္ဘာ့ဖလားပြိုင်ပွဲကြီးတွေဟာ အချိန်တန်ရင် ပြီးဆုံးသွားတတ်ကြပေမယ့် အဲဒီပြိုင်ပွဲကြီးတွေက ပေးစွမ်းခဲ့တဲ့ အမှတ်တရတွေကတော့ ဘောလုံးဝါသနာရှင်တွေရဲ့ ရင်ထဲမှာ ဘယ်တော့မှ မှေးမှိန်မသွားဘဲ အမြဲတမ်း တောက်ပလင်းလက်နေဆဲ ဖြစ်ပါတယ်။ တောင်ကိုရီးယားအသင်းက အီတလီကို အံ့အားသင့်ဖွယ် အနိုင်ယူပြီး ဇာတ်ရှိန်မြှင့်တင်ခဲ့တာကနေစလို့၊ ၁၉၉၈ ဖိုင်နယ်ပွဲမတိုင်ခင် ရော်နယ်ဒိုတစ်ယောက် ဝေဝေဝါးဝါးနဲ့ ပွဲထွက်လာခဲ့ရတဲ့ ဖြစ်ရပ်ဆန်းတွေအထိ၊ ကမ္ဘာ့အကြီးကျယ်ဆုံး ဘောလုံးပွဲတော်ကြီးဟာ ဘယ်ပရိသတ်ကိုမှ အိပ်မောကျခွင့် မပေးခဲ့ပါဘူး။

မကြာခင်ဘောလုံးပရိတ်သတ်တွေရဲ့ ရင်ခုန်စရာအကောင်းဆုံးကမ္ဘာ့ဖလားပြိုင်ပွဲကြီးရောက်လာဖို့ တပတ်လောက်ပဲလိုတော့တာဆိုတော့ ကမ္ဘာ့ဖလားသမိုင်းတလျှောက် အမှတ်တရဖြစ်နေရတဲ့ အခိုက်အတန့်တချို့ကိုတူတူ လွမ်းမောလိုက်ရအောင်…။

🇫🇷 ကမ္ဘာ့ဖလား အမှတ်တရတွေအကြောင်းကိုပြောရင် ၂၀၀၆ ခုနှစ်က ဆရာကြီး ဇီဒန်းရဲ့ စိတ်လိုက်မာန်ပါဖြစ်ရပ်တခုကိုမေ့ထားလို့မရပါဘူး။ ၂၀၀၆ ဂျာမနီကမ္ဘာ့ဖလားရဲ့ အကောင်းဆုံးပွဲကတော့ အီတလီနဲ့ ဂျာမနီတို့ ကစားခဲ့တဲ့ ဆီမီးဖိုင်နယ်ပွဲ ဖြစ်ပြီး ဖေဘီယိုဂရော့ဆိုရဲ့ သွင်းဂိုးနဲ့အီတလီဖိုင်နယ်တက်လာခဲ့တာပါ။ ဖိုင်နယ်မှာတော့ သူတို့ဟာ ဇီဒန်းရဲ့ ပြင်သစ်အသင်းနဲ့ ရင်ဆိုင်ခဲ့ရပါတယ်။ ဇီဒန်းဟာ အဲဒီပြိုင်ပွဲမှာ အနားယူရာကနေ ပြန်လာပြီး စပိန်၊ ဘရာဇီးနဲ့ ပေါ်တူဂီတို့ကို တကယ့် ဆရာကြီးတစ်ယောက်လို ကစားကွက်ဆင်ပြီး အနိုင်ယူပြခဲ့တာ ဖြစ်လို့ ဖိုင်နယ်ပွဲဟာ သူ့အတွက် ပြီးပြည့်စုံတဲ့ နှုတ်ဆက်ပွဲ ဖြစ်လာဖို့ အားလုံးက မျှော်လင့်ထားခဲ့ကြတာပါ။

ဒါပေမယ့် အီတလီနောက်ခံလူ မာတာရက်ဇီရဲ့ စကားလုံးအချို့ကြောင့် ဇီဒန်းတစ်ယောက် စိတ်မထိန်းနိုင်ဘဲ မာတာရက်ဇီရဲ့ ရင်ဘတ်ကို ခေါင်းနဲ့ တိုက်ပစ်ခဲ့တဲ့ ဖြစ်ရပ်ကတော့ ကမ္ဘာ့ဖလားသမိုင်းမှာ တကယ့်ကို တုန်လှုပ်စရာ အကောင်းဆုံး မြင်ကွင်းတစ်ခု ဖြစ်ခဲ့ရပါတယ်။ သူ ကွင်းထုတ်ပယ်ခံရပြီး ကမ္ဘာ့ဖလား ရွှေဖလားကြီး ဘေးကနေ ဝမ်းနည်းစွာ ဖြတ်လျှောက်သွားတဲ့ ပုံရိပ်ကတော့ ဘယ်တော့မှ မေ့ပျောက်နိုင်စရာ မရှိပါဘူး။

🇦🇷 နောက်ထပ်အမှတ်တရတခုကတော့ ၂၀၁၄ခုနှစ်ဆီမီးဖိုင်နယ်က ပွဲအဆုံးအဖြတ်ဖြစ်စေခဲ့တဲ့ မာရှေးရာနိုရဲ့ဖျက်ထုတ်မှုဖြစ်မှာပါ။၂၀၁၄ တုန်းက လူတိုင်း သတိရနေမှာက ဂျာမနီက အိမ်ရှင် ဘရာဇီးကို ၇-၁ နဲ့ ဂိုးပြတ်အနိုင်ယူခဲ့တဲ့ ဆီမီးဖိုင်နယ်ပွဲ ဖြစ်လောက်ပေမဲ့ အာဂျင်တီးနားနဲ့ နယ်သာလန်တို့ပွဲကတော့ အပြန်အလှန်ခြိမ်းခြောက်မှုတွေအပြည့်နဲ့ရှိနေခဲ့တာပါ။

ဒီပွဲရဲ့ မိနစ် ၉၀ မှာ နယ်သာလန်တိုက်စစ်မှူး အာဂျန်ရော်ဘင်တစ်ယောက် အာဂျင်တီးနား ဂိုးပေါက်ဆီကို တရှိန်ထိုး ပြေးဝင်သွားချိန်မှာတော့ နောက်ခံလူ ဟာဗီယာ မာရှေရာနိုက တကယ့်ကို တိကျသေချာလွန်းတဲ့ လျှပ်တစ်ပြက် ဖျက်ထုတ်မှုနဲ့ အသင်းကို ကယ်တင်သွားခဲ့ပါတယ်။ မာရှေရာနိုဟာ ဒီဖျက်ထုတ်မှုကြောင့် သူ့ရဲ့ ခန္ဓာကိုယ် အစိတ်အပိုင်းအချို့ နာကျင်ဒဏ်ရာရခဲ့တယ်လို့ နောက်ပိုင်းမှာ ဝန်ခံခဲ့ရပါတယ်။ အကယ်၍သာ အဲဒီအချိန်က မာရှေရာနိုရဲ့ ဖျက်ထုတ်မှု မရှိခဲ့ရင် အာဂျင်တီးနားတို့ ဖိုင်နယ်အဆင့်ကို တက်လှမ်းနိုင်မှာ မဟုတ်ပါဘူး။

🇶🇦 နောက်ထပ်အမှတ်တရတခုကတော့ ၂၀၂၂ ကာတာကမ္ဘာ့ဖလားက မာတီနက်ဇ်ရဲ့ “ရာစုနှစ်စုရဲ့ အကောင်းဆုံး ဆေ့ဖ်”တခုပါပဲ။ ဒီအခိုက်အတန့်ကတော့မကြာသေးတာလည်းဖြစ်သလို လုံးဝအထင်ကရတခုဖြစ်တာမို့အားလုံးမှတ်မိကြမယ်ထင်ပါတယ်။

🇦🇷 ကမ္ဘာ့ဖလား ဖိုင်နယ်သမိုင်းတစ်လျှောက်တင်မကဘဲ ဘောလုံးလောက သမိုင်းတစ်ခုလုံးမှာ အသက်ရှူရပ်လုနီးပါး ဖြစ်ခဲ့ရတဲ့ အခိုက်အတန့်ပါပဲ။ အချိန်ပို ၁၂၃ မိနစ်၊ ရလဒ်က ၃-၃ ဖြစ်နေပြီး ပွဲက ပြီးခါနီးအချိန်မှာ ပြင်သစ်တိုက်စစ်မှူး ကိုလို မူအာနီဟာ အာဂျင်တီးနား နောက်ခံလူတွေ အလစ်အငိုက်မှာ ဂိုးသမားနဲ့ တစ်ဦးချင်း ထိပ်တိုက်တွေ့ပြီး အပိုင်ကန်ခွင့် ရခဲ့တာပါ။ ပြင်သစ်တို့ ချန်ပီယံဖလားကို ဒုတိယအကြိမ် ဆက်လက်သိမ်းပိုက်နိုင်တော့မယ်လို့ အားလုံး ထင်မှတ်ထားတဲ့ ထိုစက္ကန့်ပိုင်းလေးမှာပဲ အာဂျင်တီးနားဂိုးသမား အီမီလီယာနို မာတီနက်ဇ်ဟာ သူ့ရဲ့ ဘယ်ဘက်ခြေထောက်ကို အစွမ်းကုန် ဆန့်ထုတ်ပြီး အံ့ဩစရာကောင်းလောက်အောင် ပိတ်ဆို့ကာကွယ်သွားခဲ့ပါတယ်။ ဒီကာကွယ်မှုသာ မရှိခဲ့ရင် မက်ဆီရဲ့ ကမ္ဘာ့ဖလားအိပ်မက်ဟာလည်း ဒီနေရာတင်ပဲ အဆုံးသတ်သွားမှာ ဖြစ်သလို၊ ဒီဖြစ်ရပ်ဟာ သမိုင်းတစ်လျှောက် “ရာစုနှစ်ရဲ့ အကောင်းဆုံး ဆေ့ဖ် (Save of the Century)” အဖြစ် မော်ကွန်းတင် ကျန်ရစ်ခဲ့ပါတယ်။

✨ဒီလိုပါပဲ ပြိုင်ပွဲတွေကတော့ လာလိုက်၊ သွားလိုက်ပါပဲ။ ဒါပေမယ့် ကမ္ဘာ့ဖလား စင်မြင့်ထက်က ဒီလို ထူးခြားဆန်းပြားတဲ့ မှတ်တမ်းတွေ၊ စိတ်လှုပ်ရှားစရာ အခိုက်အတန့်တွေကတော့ ဘောလုံးပရိသတ်တွေရဲ့ နှလုံးသားထဲမှာ ထာဝရ မော်ကွန်းတင် ကျန်ရစ်နေမှာ အသေအချာပါပဲ။

ဘော်ဒါတို့အနေနဲ့ကော ဘယ်နှခုနှစ်က ကမ္ဘာ့ဖလားရဲ့အခိုက်အတန့်ကိုအမှတ်ရဆုံးဖြစ်မလဲ၊ မန့်မှာဆွေးနွေးပေးကြပါဦး…။ ✌🏻👇🏻

01/06/2026

ပီအက်စ်ဂျီကောင်းကင်မှာ ဗီတင်ညာတောင်ပံတွေ လွင့်ပျံနေဆဲ….🪽

🇪🇺 ဥရောပရဲ့ အင်ပါယာအသစ်ဖြစ်တဲ့ ပီအက်စ်ဂျီ အသင်းရဲ့ ကွင်းလယ်ဗိုလ်ချုပ် ဗီတင်ညာ (Vitinha) ဟာ လွန်ခဲ့တဲ့ နှစ်အနည်းငယ်ခန့်က သူ့ရဲ့ကစားသမားဘဝမှာ အခက်ခဲဆုံးအချိန်တွေကို ပြင်းပြင်းထန်ထန် ဖြတ်သန်းခဲ့ရတာပါ။ ပေါ်တူဂီကလပ်ပေါ်တိုအသင်းကနေ ပရီးမီးယားလိဂ်ကလပ် ဝုဗ် အသင်းဆီ အငှားနဲ့ သွားရောက်ကစားစဉ်က အမြဲတမ်းပွဲထွက်ခွင့်ရဖို့တောင် တော်တော်လေး ရုန်းကန်ခဲ့ရသလို၊ ပီအက်စ်ဂျီကို စရောက်တဲ့ ၂၀၂၂ ခုနှစ်တုန်းကလည်း မက်ဆီ၊ နေမာ၊ အမ်ဘာပေတို့လို ကမ္ဘာ့အဆင့် Superstars တွေရဲ့ အရိပ်အောက်မှာ ဝေဖန်မှုမျိုးစုံနဲ့အတူ မျက်နှာပန်းမလှဖြစ်ခဲ့ရပါသေးတယ်။

ဒါပေမဲ့ နည်းပြ လူးဝစ်အန်နရီကေး ရောက်ရှိလာချိန်မှာတော့ အသင်းရဲ့ ကစားကွက်ဗျူဟာတစ်ခုလုံးကို သူ့အပေါ်မှာပဲ ပုံဖော်တည်ဆောက်ခဲ့ပြီး ဗီတင်ညာဟာ ကွင်းလယ်ရဲ့ အဓိကအင်ဂျင်အဖြစ် တောက်ပခွင့်ရခဲ့တာ ဖြစ်ပါတယ်။

🇵🇹 အခုချိန်မှာတော့ ဗီတင်ညာဟာ ပီအက်စ်ဂျီအသင်းနဲ့အတူ ဥရောပချန်ပီယံလိဂ် (UCL) ဖလားကို ၂ ကြိမ်တိုင်တိုင် ဆွတ်ခူးရရှိထားပြီးပြီဖြစ်သလို၊ ဗိုလ်လုပွဲရဲ့ အကောင်းဆုံးကစားသမား (MotM) ဆုကိုပါ ထိုက်ထိုက်တန်တန် ဆွတ်ခူးနိုင်ခဲ့ပါတယ်။ အန်နရီကေးရဲ့ စနစ်အောက်မှာ ဘောလုံးထိန်းသိမ်းမှု၊ Line-breaking passes တွေနဲ့အတူ ကစားကွက်ရဲ့ အနိမ့်အမြင့်အတက်အကျ (Tempo) ကို စိတ်ကြိုက်ထိန်းကျောင်းပြနေတဲ့ သူ့ကို လက်ရှိ ကမ္ဘာ့အကောင်းဆုံး ကွင်းလယ်လူတွေထဲက တစ်ဦးအဖြစ်လည်း လူတိုင်းက သတ်မှတ်အသိအမှတ်ပြုထားကြပါပြီ။

⏳ ပြီးခဲ့တဲ့ရာသီက ပွဲကစားချိန် ၃သောင်းကျော်အထိ ကစားပေးပြီး နည်းပြယုံကြည်ရဆုံး စစ်သည်တော်ဖြစ်ခဲ့တဲ့ ဗီတင်ညာဟာ ပီအက်စ်ဂျီရဲ့ အောင်မြင်မှုကလွယ်လွယ်ရဖို့ အပေါ်ယံကြယ်ပွင့်စုဆောင်းခြင်းခေတ်ဆိုးကြီးကို အောင်အောင်မြင်မြင် အဆုံးသတ်ပေးခဲ့တဲ့ သင်္ကေတတစ်ခုလည်း ဖြစ်လာခဲ့ပါတယ်။

🏆လာမယ့် ၂၀၂၆ ကမ္ဘာ့ဖလားပြိုင်ပွဲကြီးမှာလည်း ပေါ်တူဂီအသင်းရဲ့ ကွင်းလယ်ပွဲထွက်လူစာရင်းမှာ ဗီတင်ညာကို အားလုံးက မရှိမဖြစ် အင်ဂျင်အဖြစ် မြင်တွေ့ချင်နေကြတာပါ။ ကလပ်အသင်းနဲ့အတူ ဥရောပစင်မြင့်ထက်ကို စိုးမိုးထားနိုင်ခဲ့တဲ့အပြင် ဘောလုံးပေးပို့မှု မှတ်တမ်းအသစ်တွေကိုပါ ရေးထိုးခဲ့တဲ့ ဗီတင်ညာဟာ လာမယ့် Ballon d'Or ရဲ့ ဆန်ကာတင်စာရင်းမှာလည်း ထိပ်ဆုံးကနေ ထပ်မံပါဝင်လာဖို့ ရှိနေပါတယ်။ တကယ်လို့သာ ဒီနှစ် ကမ္ဘာ့ဖလားမှာ ပေါ်တူဂီတို့ဖလားရယူနိုင်ခဲ့ရင် ဗီတင်ညာတယောက် ကမ္ဘာ့အကောင်းဆုံးကစားသမားဆုရရှိမှာမလွဲပါဘူး။

ခုချိန်မှာတော့ ပီအက်စ်ဂျီရဲ့ ကောင်းကင်ယံထက်မှာ အပုတ်ခတ်ခံခဲ့ရတဲ့ ငှက်ငယ်လေးဟာ ကမ္ဘာကို လွှမ်းမိုးမယ့် ရွှေတောင်ပံတွေကို အားမာန်အပြည့်နဲ့ ဖြန့်ကျက်လွင့်ပျံနေဆဲ ဖြစ်ပါတယ်။🪽

01/06/2026

🚨🏆 OFFICIAL:

UEFA Super Cup ကို အက်စတွန်ဗီလာအသင်းနဲ့ ပီအက်စ်ဂျီအသင်းတို့ဟာ August 12 ရက်နေ့
Salzburg က RB Arena ကွင်းမှာ ယှဉ်ပြိုင်ရမှာဖြစ်ပါတယ် 🇦🇹

Who's Champion 🏆?

31/05/2026

လန်ဒန်မြို့မှာ ပရီးမီးယားလိဂ်ချန်ပီယံအာဆင်နယ်ရဲ့အေုင်ပွဲခံနေမှုမြင်ကွင်းအချို့ပါ...

မနေ့ကဘာပဲဖြစ်ခဲ့ဖြစ်ခဲ့ ဒီကနေ့မှာဆယ်စုနှစ် ၂ ခုကျော်ကြာအောင် စောင့်ခဲ့ရတဲ့ ဒီအောင်မြင်မှုဟာ အာဆင်နယ်ဖန်တွေအတွက် သူတို့ အလိုချင်ဆုံးအရာတွေထဲက တခုကို သူတို့ရယူနိုင်ခဲ့တာကြောင့် ကျေကျေနပ်နပ်ကြီးအောင်ပွဲခံလို့ရနိုင်ပါတယ်။

31/05/2026

ပီအက်စ်ဂျီရဲ့ ဥရောပစင်မြင့်ထက်က ဒုတိယမြောက်သရဖူ "

ပရိသတ်တွေ တွက်ဆထားပြီးမဲ့ ပုံစံအတိုင်းပဲ၊ အာဆင်နယ်ဟာ ခံစစ်ကို အဓိကအားပြုပြီး စတင်ခဲ့ပါတယ်။ ဒါကို အင်းနရစ်လည်း တွက်ထားပြီးသား ဖြစ်မှာပါ။

ဒါပေမဲ့ အင်းနရစ်မတွက်မိထားလောက်မှာက ပွဲစလို့ သိပ်မကြာခင်မှာပဲ သူ့အသင်းရဲ့ အမှားကနေ ဂိုးပေးလိုက်ရမယ်ဆိုတာရယ်၊ အာဆင်နယ် ခံစစ်က ဒီလောက်တောင် အကွက်စေ့ ထိန်းချုပ်နိုင်မယ်ဆိုတာရယ်ပဲ ဖြစ်ပါလိမ့်မယ်။ ပွဲရဲ့ ပထမဆုံး ဂိုးဟာ စောစောစီးစီး ၆ မိနစ်မှာပဲ ဖြစ်လာခဲ့ပါတယ်။ ပီအက်စ်ဂျီရဲ့ အမှားကြောင့်စတာဖြစ်ပေမဲ့၊ ထရော့ဆက်ဒ်ရဲ့ အလုပ်လုပ်တာကော၊ ကိုင်ဟာဗက်ဇ်ရဲ့ ဘောကြောနပ်၊ ပြေးအားကောင်း၊ အဆုံးသတ်ကောင်းတာတွေကြောင့်လည်း ဖြစ်ခဲ့တာပါ။ ဟာဗက်ဇ်ဟာ ဘယ်ဘက်ခြမ်းကနေ လျှပ်တစ်ပြက် ပြေးထွက်ပြီး ဂိုးသမား မာဗေးဆာဖို့နော့ဗ် ကာကွယ်ရခက်အောင် ဂိုးကွက်အပေါ်ထောင့်ထဲကို အပြင်းကန်သွင်းသွားခဲ့တာပါ။ ဒီသွင်းဂိုးကြောင့်ပဲ ဟာဗက်ဇ်ဟာ ခရစ်စတီယာနိုရော်နယ်ဒို၊ မာရီယိုမန်ဇူးကစ်တို့ပြီးရင် ချန်ပီယံလိဂ်ဗိုလ်လုပွဲမှာ အင်္ဂလန်ကလပ်နှစ်သင်း (ချယ်လ်ဆီး၊ အာဆင်နယ်) အတွက် ဂိုးသွင်းပေးနိုင်တဲ့ တတိယမြောက် ကစားသမား ဖြစ်လာခဲ့ပါတယ်။

ဒီဂိုးရသွားပြီးတဲ့အခါမှာ အာဆင်နယ်အတွက် ထင်ထားတာထက် ပိုပြီး ခံစစ်ဆော့လို့ကောင်းမဲ့အနေအထားမျိုးကို ပိုင်ဆိုင်သွားသလို၊ တစ်ဖက်မှာလည်း ‘Defender Paradox’ ထဲ ရောက်သွားပါတယ်။ ပွဲတွေမှာ ခံစစ်ကစားဖို့ ပြင်ခဲ့တဲ့ အသင်းတွေဟာ ပွဲအစလောက်မှာ ဂိုးရသွားရင် နဂိုက ခံစစ်ဆင်ထားမယ်၊ ပြီးရင် ဘယ်လို တန်ပြန်လုပ်မယ်ဆိုတာအစား တန်ပြန်အပိုင်းကို နဂိုအတိုင်း ဆက်လုပ်ရမှာလား၊ ခံစစ်လုံးလုံး လုပ်လိုက်ရမှာလား ဆိုတာ ဝိရောဓိဖြစ်ကုန်တတ်ပါတယ်။ ဒီလိုကနေမှ ကြိုတင်ပြင်ဆင်ထားတဲ့ တန်ပြန် အစီအမံတွေကို ပွဲအစကတည်းက ကွင်းထဲမှာ မလုပ်ဖြစ်တော့ဘဲ၊ ဂိုးပြန်မပေးရတဲ့အထိ ဒီထဲမှာ ပိတ်မိသွားတတ်တာမျိုးပါ။

ရုတ်တရက်ကြည့်ရင် နဂိုစီစဉ်ထားတာနဲ့ ဘာကွာလို့လဲထင်ချင်စရာရှိပေမဲ့၊ ပွဲအစမှာ ဂိုးရတာနဲ့ ခံစစ်ကစားတယ်၊ တန်ပြန်တယ်၊ ခံစစ်ကစားတယ်၊ ပြီးတော့ ဂိုးရသွားတယ်က ကွဲပြားပါတယ်။

ပီအက်စ်ဂျီဟာ ဒီဂိုးအပြီးမှာ ဂိုးပြန်ရဖို့ ဖိပါတော့တယ်။ ခက်တာက ဘောလုံးကိုင်ထားတာသာ ဖြစ်နေပြီး၊ ဘာမှ မယ်မယ်ရရ မလုပ်နိုင်လောက်အောင်ကို အာဆင်နယ် ခံစစ်က ကောင်းနေတာပါ။ ခံစစ်တွေကို ပြောရင် မာကြောတယ်၊ ကျစ်လစ်တယ်၊ ဆိုပြီး များသောအားဖြင့် ပြောလေ့ရှိပေမဲ့၊ အာဆင်နယ် ခံစစ်ကိုတော့ နောက်တစ်ခုပါ ထည့်ပြောရပါမယ်။ ဒါကတော့ အကွက်စေ့နေခြင်းပါပဲ။ အာဆင်နယ်ဟာ ပထမပိုင်းမှာ passပေါင်း ၆၉ ကြိမ်သာ အောင်မြင်ခဲ့ပြီး ဒါဟာ ချန်ပီယံလိဂ်ဗိုလ်လုပွဲ သမိုင်းတစ်လျှောက် အနိမ့်ဆုံး စံချိန်ဖြစ်ခဲ့ပေမဲ့ ပီအက်စ်ဂျီကိုတော့ ဂိုးပေါက်တည့်ကန်ချက် ၁ ကြိမ်သာ ခွင့်ပြုခဲ့ရပါတယ်။ ဆာလီဘာ၊ ဂေဘရီရယ်လ် တို့ဟာ ဂျူရီယန်တင်ဘာတို့နဲ့ အတွဲညီညီ ခံစစ်ကစားတယ်၊ မိုင်လစ်စကယ်လီနဲ့ ရိုက်စ်ရဲ့ လုပ်အားနှုန်းဟာ ပီအက်စ်ဂျီဘက်က ဘယ်သူဘောလုံးရရ ရင်ဆိုင်ရမဲ့ ခံစစ်အစုအဖွဲ့ကြီးရှိနေလောက်အောင်ကောင်းတယ်။ ပီအက်စ်ဂျီ ကစားရတဲ့အနေအထားက ကြည့်နေရတဲ့ သူတောင် စိတ်ကျဉ်းကြပ် အသက်ရှုပေါက်ပိတ်လာသလိုပါပဲ။

ဒုတိယပိုင်းမှာတော့ ပီအက်စ်ဂျီဟာကွင်းရဲ့နေရာစုံကနေ ထိုးနှက်ဖို့ကြိုးစားနေမဲ့အစား၊ ကွာရတ်စခီလီယာ၊ နူနိုမန်ဒက်စ်တို့ရှိရာ သူတို့ရဲ့ အားအသာဆုံးဘယ်ဘက်ခြမ်းကို စုပြုံကစားဖို့ရွေးလိုက်ပြီး၊ ပြေးလမ်းကြောင်းရှည်တွေ၊ တစ်ဦးချင်းကျော်ဖြတ်မှုတွေအစား၊ လူအစုလိုက်နဲ့ အနီးကပ်အတိုပေးလုပ်ပါတော့တယ်။ ဒီကနေပဲ ပွဲချိန် ၆၂ မိနစ်မှာ ကွာရတ်စခီလီယာကို မော့စ်ကီရာ ဖျက်ထုတ်ပုံကြမ်းခဲ့လို့ ပီအက်စ်ဂျီ ပင်နယ်တီရခဲ့ပြီး၊ အော့စ်မန်ဒမ်ဘီလီက အမှားအယွင်းမရှိ အေးအေးဆေးဆေး ကန်သွင်းကာ ချေပဂိုး ရှာဖွေပေးခဲ့ပါတယ်။

၁-၁ ဖြစ်သွားတဲ့အခါမှာတော့ ပိုပြီး လှုပ်ရှားမှုတွေ တွေ့လာရပြီး၊ ပီအက်စ်ဂျီဘက်ကလည်း သူတို့ကစားချင်သလို နေရာလွတ်တွေ ရလာပါတော့တယ်။ အာတီတာကတော့ ဒီအနေအထားမှာ လူစားလဲမှုတွေ လုပ်ခဲ့ပေမဲ့ တိုက်စစ်ရဲ့ အဓိကအင်အား နှစ်ခုဖြစ်တဲ့ ဆာကာနဲ့ ထရော့ဆက်ဒ်ဟာ ဒီပွဲမှာ တိုက်စစ်အလုပ်တွေ ကောင်းကောင်းလုပ်ခွင့်မရခဲ့ဘဲ ပွဲချိန်တွေ ကုန်ခဲ့ရတာကတော့ နှမြောစရာပါပဲ။ ပီအက်စ်ဂျီဘက်မှာတော့ ကွာရတ်စခီလီယာနေရာမှာ ဝင်လာတဲ့ ဘာကိုလာဟာ ပိုလန်းဆန်းတဲ့ပြေးအားနဲ့ အခွင့်အရေးတွေရခဲ့သလို၊ ဗီတင်ဟာရဲ့ အဝေးကန်ချက်တွေကလည်း အာဆင်နယ်ဂိုးပေါက်ကို ခြိမ်းခြောက်နိုင်ခဲ့ပါတယ်။ အချိန်ပို ၁၂၀ မိနစ်အထိ နှစ်သင်းစလုံး အကြိတ်အနယ် ကစားခဲ့ကြပေမဲ့ ထပ်မံဂိုးမရရှိခဲ့တာကြောင့် ၂၀၁၆ နောက်ပိုင်း ပထမဆုံးအကြိမ်အဖြစ် ချန်ပီယံလိဂ်ဗိုလ်လုပွဲဟာ ပင်နယ်တီအဆုံးအဖြတ်အထိ ရောက်ရှိသွားခဲ့ရပါတယ်။

ပင်နယ်တီအခိုက်အတန့်မှာတော့ ကန်သွင်းမှုထက် စိတ်ပိုင်းဆိုင်ရာ ဖိအားတွေက ပိုပြီး စကားပြောသွားခဲ့ပါတယ်။ အာဆင်နယ်ဘက်က အီဇီ ကန်ချက်လွဲချော်ခဲ့သလို၊ နောက်ဆုံးပိတ် အဆုံးအဖြတ် ပင်နယ်တီမှာ ဂေဘရီရယ်ကန်တဲ့အချိန်မှာ ဘယ်လောက်တောင် ဖိအားဝင်နေလဲဆိုတာ မြင်သာလွန်းပြီး ဘားတန်းအပေါ်ကို ကျော်ကန်မိသွားခဲ့ပါတယ်။ ပီအက်စ်ဂျီဘက်ကတော့ နူနိုမန်ဒက်စ်ရဲ့ ကန်ချက်ကို ဒေးဗစ်ရာယာ ကာကွယ်နိုင်ခဲ့ပေမဲ့၊ ကျန်တဲ့လူတွေဖြစ်တဲ့ လူးကပ်စ်ဘီရယ်လ်ဒိုတို့အထိ အမှားအယွင်းမရှိ ကန်သွင်းနိုင်ခဲ့တာကြောင့် ပီအက်စ်ဂျီဟာ ၄-၃ ရလဒ်နဲ့ ဥရောပရဲ့ သရဖူကို ထိန်းသိမ်းသွားနိုင်ခဲ့ပါတော့တယ်။
အာဆင်နယ်အနေနဲ့ တစ်ပြိုင်ပွဲလုံးမှာ ၇ ဂိုးသာ ပေးခဲ့ရတဲ့အထိ ခံစစ်အင်မတန် ကောင်းမွန်ခဲ့သလို၊ ဗိုလ်လုပွဲမှာလည်း ဘောလုံးပိုင်ဆိုင်မှု ၂၄.၇ ရာခိုင်နှုန်းနဲ့ ခံစစ်ကစားပုံကို အသိအမှတ်ပြုရမှာ ဖြစ်ပေမဲ့၊ ဂိုးပိုသွင်းမှ နိုင်မယ့်ဂိမ်းမှာ တစ်ခြမ်းပဲ ဆော့တတ်သလို ဖြစ်ခဲ့ပြီး ပင်နယ်တီမှာ စိတ်လှုပ်ရှားလွန်းခဲ့လို့ အရှုံးနဲ့ ရင်ဆိုင်ခဲ့ရတာပါ။ ဒါပေမဲ့ ပရီးမီးယားလိဂ်ဖလား ရရှိထားပြီးဖြစ်တဲ့ အာဆင်နယ်အတွက်တော့ ချန်ပီယံလိဂ်ကို နှမြောစရာတစ်ခုအနေနဲ့ပဲ ထားပြီး ပါရဂူမြောက်အဆင့်ရောက်ဖို့ ဆက်လက်ပြင်ဆင်သွားရမှာ ဖြစ်ပါတယ်။
ပီအက်စ်ဂျီကတော့ အင်းနရစ်ပါပဲ။ သူဟာ တစ်သင်းလုံးကို ဘယ်သူ့မျက်နှာမှ မကြည့်ဘဲ အမှတ်တံဆိပ်တစ်ခုဖြစ်အောင် တည်ဆောက်ခဲ့ပြီး ဒီရာသီ ချန်ပီယံလိဂ်မှာ ၄၅ ဂိုးအထိ သွင်းယူကာ စံချိန်တင်နိုင်ခဲ့ပါတယ်။ ဒါ့အပြင် ရီးရဲလ်မက်ဒရစ်ပြီးရင် ချန်ပီယံလိဂ်ဖလားကို နှစ်နှစ်ဆက်တိုက် ကာကွယ်နိုင်တဲ့ ဒုတိယမြောက်အသင်း ဖြစ်လာခဲ့သလို၊ ပြည်တွင်းလိဂ်နဲ့ ဥရောပဖလားကိုပါ နှစ်နှစ်ဆက်တိုက် Double ချန်ပီယံအဖြစ် သိမ်းပိုက်နိုင်တဲ့ သမိုင်းဝင် အောင်မြင်မှုကို ခိုင်ခိုင်မာမာ ပြသသွားနိုင်ခဲ့ပြီ ဖြစ်ပါတယ်။

30/05/2026

ချယ်လ်ဆီးတို့ကတော့ အထှာမထားဘူးနော်😆😆

30/05/2026

Back to Back Champion PSG 🏆

Congratulations 🎉👏🏻

Omo 2.O

07/06/2026

06/06/2026

04/06/2026

02/06/2026

01/06/2026

01/06/2026

31/05/2026

31/05/2026

30/05/2026

30/05/2026

Address

Website

Alerts

Shortcuts

Share

Category