03/04/2025
ဗီလာအတွက် ဂိုးတွေစသွင်းနိုင်ခဲ့ပြီဖြစ်တဲ့ ရက်ရှ်ဖို့ဒ်ကတော့ ညက ပရီးမီးယားလိဂ်ပွဲမှာလည်း ဂိုးထပ်သွင်းခဲ့ပါတယ်။ အဝေးကွင်းမှာ ဗီလာက ဘရိုက်တန်ကို ၃-၀ နဲ့ အနိုင်ရခဲ့ပြီး ရက်ရှ်ဖို့ဒ်က အဖွင့်ဂိုးကို သွင်းယူပေးခဲ့တာပါ။
အက်ဖ်အေပွဲမှာ ၂ဂိုးသွင်းပြီးနောက် ဆက်တိုက်ကို သူက ဂိုးထပ်ရခဲ့တာပါ။ ဂိုးထပ်သွင်းနိုင်ပြီးနောက်မှာ ရက်ရှ်ဖို့ဒ်က ဗီလာအတွက် သူ့ရဲ့ ပထမဆုံးပရီးမီးယားလိဂ်ဂိုးရခဲ့လို့ အားမာန်အပြည့်နဲ့ကို အောင်ပွဲခံသွားခဲ့ပါတယ်။
အဆန်စီယိုကလည်း ထုံးစံအတိုင်း လူစားဝင်လာပြီး ဂိုးသွင်းခဲ့တာမို့ ဗီလာဟာ အငှားကစားသမားနှစ်ဦးဆီကနေ အကျိုးအမြတ်တွေကို ရရှိနေပါပြီ။ ရက်ရှ်ဖို့ဒ်တယောက် လအနည်းငယ်ကြာပြီးမှ ပထမဆုံးအကြိမ် နှစ်ပွဲဆက်တိုက်ဂိုးသွင်းနိုင်ခဲ့တာဖြစ်ပါတယ်။
