31/08/2026
"အာဆင်နယ်နဲ့ပွဲအမီ ပြင်ဆင်နိုင်မှဖြစ်မယ်"
ရာသီကြိုခြေစမ်းပွဲတွေကို ဖယ်လိုက်မယ်ဆိုရင် ကျွန်တော်တို့ဟာ နည်းပြဇာဘီအလွန်ဆိုရဲ့ ချယ်လ်ဆီးအသင်း တကယ်ကစားတဲ့ပုံစံကို ၃ ပွဲတိတိ မြင်ဖူးခဲ့ပြီးပါပြီ။ ပထမဆုံးကစားခဲ့တဲ့ ဖူဟမ်အသင်းနဲ့ ပရီးမီးယားလိဂ်အဖွင့်ပွဲကနေစပြီး လူတန်တောင်းနဲ့ ကာရာဘောင်ဖလားပွဲ၊ အခုနောက်ဆုံး ဘရိုက်တန်နဲ့ ပရီးမီးယားလိဂ်ပွဲတွေပေါ့။
ဒီပွဲစဉ် ၃ ပွဲမှာ မြင်တွေ့ခဲ့ရတာက ချယ်လ်ဆီးအသင်းရဲ့တိုက်စစ်ဟာ နည်းပြဇာဘီအလွန်ဆိုလက်ထက်မှာ သိပ်ကိုကောင်းလွန်းတယ်ဆိုတာပါပဲ။ အခုလက်ရှိ ပရီးမီးယားလိဂ်အသင်းတွေထဲမှာတောင် ချယ်လ်ဆီးဟာ တိုက်စစ်အကောင်းဆုံးအသင်းလို့ သတ်မှတ်လို့ရတဲ့အထိ တကယ်တမ်းလည်း ကောင်းနေခဲ့တာပါ။ ပြိုင်ပွဲစုံ ၃ ပွဲမှာ ၉ ဂိုးထိ သွင်းယူထားတာက မဖြစ်မနေချီးကျူးရမယ့်အရာပါပဲ။
အဲ့လိုကြမ်းချင်တိုင်း ကြမ်းနိုင်အောင်လို့လည်း ကိုးလ်ပါးမား၊ ဂျာအိုပတ်ဒရိုနဲ့ မော်ဂန်ရော်ဂျာတို့က ချယ်လ်ဆီးအသင်းမှာ အသင့်ရှိနေကြပါတယ်။ ဒီ ၃ ယောက်လုံးက ပရီးမီးယားလိဂ် ၂ ပွဲမှာ ၂ ပွဲလုံးကို ဂိုးပါဝင်ပတ်သက်မှု အနည်းဆုံး ၁ ကြိမ် ယူထားကြတာပါ။ ဒါကတော့ ချယ်လ်ဆီးအသင်းရဲ့ အားရတဲ့အပိုင်းပေါ့။ အားရတဲ့အပိုင်းရှိသလို အားနည်းတဲ့အပိုင်းကလည်း ကပ်လျက်ပါနေတာကို တွေ့နေရတယ်။
ပလိုင်းပေါက်နဲ့ ဖားကောက်ဆိုသလို တိုက်စစ်က ဂိုးသွင်းပေမယ့် ခံစစ်က ဂိုးတွေပြန်ပေးနေရတယ်။ ရှေ့တန်းကလူတွေက ပေးဂိုးထက်များအောင် ဂိုးသွင်းနိုင်ခဲ့ကြလို့သာ ချယ်လ်ဆီးအသင်းက အနိုင်ရနေတာပါ။ ဒါကိုလည်း ဖူဟမ်ကို ၃-၂ နဲ့နိုင်တဲ့ပွဲ၊ ဘရိုက်တန်ကို ၄-၃ နဲ့ နိုင်တဲ့ပွဲတွေကို ကြည့်တာနဲ့ သိနိုင်ပါတယ်။ ၂ ဂိုးပေးရတဲ့ ဆန်းချက်ဇ်မကြိုက်လို့ မာတီနက်ဇ်ခေါ်တော့လည်း ၃ ဂိုးပေးရတယ်။
၃ ဂိုးပေးလိုက်ရတယ်ဆိုပေမယ့် နောက်တန်းနဲ့ ကွင်းလယ်ကစားသမားတွေရဲ့ဟာကွက်ကနေပဲ ဂိုးတွေပေးလိုက်ရတာဆိုတော့ သူ့ကိုလည်း အပြစ်တင်လို့မရပါဘူး။ သူကယ်ခဲ့လို့သာ ချယ်လ်ဆီးအသင်းအနေနဲ့ အနိုင်ရခဲ့တာမလို့ နောက်ပွဲစဉ်တွေမှာ နိုင်ပွဲတွေရဖို့ဆိုရင်တော့ နောက်တန်းနဲ့ ကွင်းလယ်ကြားမှာ လွတ်နေတဲ့ space တွေကို အတတ်နိုင်ဆုံးပျောက်အောင် အရင်ဆုံးလုပ်ရပါတော့မယ်။ နောက်ပွဲကလည်း အာဆင်နယ်နဲ့ဆိုတော့ ချယ်လ်ဆီးအသင်းအနေနဲ့ အမှားတွေကို ကြိုတင်ပြင်ဆင်နိုင်မလားဆိုတာကတော့....
