13/09/2026
ချဲလ်ဆီးရဲ့ ပုပ်ပွနေတဲ့ ခံစစ်အကြောင်းတွေးရင်း မေးခွန်းတွေ အများကြီး ထွက်လာတယ်။ တစ်ဦးချင်း အမှားတွေလား? ဆန်းချက်စ်မရှိလည်း မာတီနက်ဇ်လက်ထက်မှာ ဘာကြောင့် ဒုံရင်းဖြစ်နေရတာလဲ?
ခံစစ်မကောင်းတဲ့အသင်းလား၊ ဒါမှမဟုတ် ပွဲကို ကိုယ့်စိတ်ကြိုက်မဖြစ်တော့တဲ့အချိန်မှာ ခံစစ်ကစားပုံပါ လိုက်ပြီး ပြောင်းသွားတဲ့အသင်းလား? ကိုင်စီဒို ပြန်လာရင်ရော
ပိုကောင်းလာမှာလား?
ချဲလ်ဆီးက ဂိုးပေးလိုက်တဲ့နောက် ဘာဖြစ်သွားတာလဲ။ ဒါက ပိုစိုးရိမ်စရာကောင်းတယ်။ ပွဲမစခင်မှာ ပြိုင်ဘက်က ချဲလ်ဆီးနဲ့ ရင်ဆိုင်ရတာကို စိုးရိမ်နေတာ မြင်ရတယ်။
ဂိုးတွေ စောစောစီးစီးသွင်းပြီး
Gameကို လှလှလေးဖွင့်တတ်တယ်။
ဒါပေမယ့် တစ်ဂိုးပေးလိုက်ပြီဆိုတာနဲ့…
ပွဲက ချဲလ်ဆီးလက်ထဲကနေ တဖြည်းဖြည်း လွတ်ထွက်သွားသလို ခံစားရတယ်။
ဟားလ်စီးတီးနဲ့ပွဲမှာလည်း ဒါကို ထပ်မြင်ရတယ်။
တစ်ဂိုးပေးလိုက်တာနဲ့ ပွဲရဲ့ အရောင်က ပြောင်းသွားတယ်။ပြိုင်ဘက်ရဲ့ ယုံကြည်ချက်တက်လာတယ်။
ချဲလ်ဆီးကို ရှိန်ပြီး ဇွတ်မလုပ်ရဲတဲ့ အသင်းက သူတို့ကို ပြန်ထိခိုက်လို့ ရပါလားဆိုတဲ့စိတ် စဝင်လာတယ်။ တစ်ဖက်မှာနောက်ထပ်တစ်ဂိုးများ ထပ်ပေးဦးမလားဆိုတဲ့ စိုးရိမ်စိတ်မျိုးက အသင်းတစ်ခုလုံးထဲ ပျံ့သွားသလို ဖြစ်နေတယ်။တစ်ခါတလေ ဂိုးတစ်ဂိုးက Scoreline ကိုပဲ မပြောင်းဘူး။ အသင်းနှစ်သင်းရဲ့ စိတ်ထဲက ယုံကြည်မှုကိုပါ ပြောင်းပစ်တယ်။
ဂိုးပြန်ပေးလိုက်ရချိန်ကစပြီး ဘောလုံးတစ်လုံးအတွက် ဆုံးဖြတ်ချက်တွေက နဲနဲအလျဉ်စလိုတွေဖြစ်လာတယ်။
နေရာယူမှုတွေက နည်းနည်းနောက်ကျလာတယ်။ပြိုင်ဘက်က တိုက်လာတဲ့အခါ အန္တရာယ်ကို မထိန်းချုပ်နိုင်တော့ဘဲ အရေးပေါ်ဖြေရှင်းနေရတဲ့ပုံစံ ဖြစ်လာတယ်။
ဒါကြောင့် လက်ရှိကြုံတွေ့နေရတာကို
ခံစစ်ကစားသမားတွေကြောင့်လို့အပြစ်လုံးလုံး ပုံမချချင်ဘူး။ ခံစစ်ကစားသမားတွေမှာ အဓိက ဝာာဝန်ရှိတာမှန်ပေမယ်က ခံစစ်ကစားတယ်ဆိုတာ
တစ်သင်းလုံးရဲ့ နေရာယူမှု shape နဲ့
အများကြီးသက်ဆိုင်ပါတယ်။
ဂိုးသမားလဲလိုက်လို့လည်း ရလဒ်ပြောင်းမလာဘူး။
ကိုင်စီဒိုပြန်ပါလာရင်သူ့ရဲ့ Defensive Intelligence နဲ့ Ball-winning ability က ချဲလ်ဆီးအတွက် အရေးကြီးပါတယ်။
ဒါပေမယ့် ကိုင်စီဒို ပြန်လာတာကို “ခံစစ်ပြဿနာရဲ့ အဖြေ” လို့ မမြင်သင့်ဘူး။သူက အဖြေထဲက အစိတ်အပိုင်းတစ်ခု ပဲ။တကယ်လိုအပ်တာက ပွဲအခြေအနေ ဘယ်လိုပြောင်းပြောင်း
အသင်းရဲ့ စိတ်ပိုင်းဆိုင်ရာနဲ့ Defensive Structure မပြိုလဲဖို့ပါ။အခုချဲလ်ဆီးမှာ ကျွန်တော်မြင်နေရတာက အဲဒီ Stability မရှိသေးတာ။
ပွဲကို လွှမ်းမိုးနေတဲ့အချိန်မှာ ချဲလ်ဆီးက အရမ်းကောင်းတယ်။ဒါပေမယ့် ပြိုင်ဘက်က တစ်ချက်ပြန်ထိုးလိုက်တဲ့အခါ“Are we still in control?”
ဆိုတဲ့ မေးခွန်းက အသင်းရဲ့ ခေါင်းထဲကို ဝင်လာသလို ဖြစ်နေတယ်။
ချဲလ်ဆီးက အခုအချိန်မှာ ဂိုးသွင်းနိုင်တဲ့အသင်း ဖြစ်နေတယ်။ဒါပေမယ့် ပွဲတစ်ပွဲရဲ့ အခက်အခဲကို ခံနိုင်ရည်ရှိတဲ့အသင်း ဖြစ်ဖို့တော့ လိုသေးတယ်။ကိုယ်အနိုင်ရနေတဲ့အချိန်မှာ ကောင်းတဲ့အသင်းတွေ အများကြီးရှိတယ်။
အရာအားလုံး မိမိစိတ်ကြိုက် မဖြစ်တော့တဲ့အချိန်မှာတောင် ကိုယ့်ပုံစံကို မပျောက်သွားတဲ့အသင်းကမှ တကယ့်အသင်းကောင်း ဖြစ်လာတာပါ။
အဲဒီအဆင့်ကို ချဲလ်ဆီး ဘယ်အချိန်ရောက်မလဲ?
အလွန်ဆို ဘယ်လောက် မြန်မြန်
တည်ဆောက်နိုင်မလဲ?ကျွန်တော်ကတော့ အဲဒါကိုပဲ စောင့်ကြည့်ချင်တယ်။
Chelsea Passion
