Ayeyawady FC Women Fan Club

27/07/2026

Half Time

YADANARBON FC 0 - 1 AYEYAWADY FC
MIN HTONE MAY ZI TAR 31'

22/07/2026

ကလေးတွေတော့ မသိဘူး
Admin တော့ သဘောတွေ ကျနေပါပြီနော်

20/07/2026

ရင်ခုန်ရတဲ့ အခိုက်အတန့်

20/07/2026

ရင်ခုန်ရသော 🥰🥰

18/07/2026

Pyone Play Sport မှာ သူတို့ ရွေးချယ်ထားတဲ့
World Cup Winner 😘😘
ကဲ ကဲ AWFC Fan တွေကရော ဘယ်အသင်းကို ရွေးချယ်ထားးကြလည်းးး
Admin ကတော့ စပိုင်စီ ပဲ 😁😁😁

17/07/2026

Post By > Ayeyawady FC Women

ဧရာဝတီအက်ဖ်စီ နည်းပြချုပ်အဖြစ် ဂျပန်လူမျိုး အမျိုးသမီးနည်းပြ Ms. Kumiko Tashiro အား ခန့်အပ်တာဝန်ပေးခြင်း

ဧရာဝတီအမျိုးသမီးဘောလုံးအသင်းသည် အသင်း၏ လက်ရှိယှဉ်ပြိုင်လျက်ရှိသည့် Myanmar Women’s League ပြိုင်ပွဲ နှင့် အိမ်ရှင်အဖြစ်လက်ခံကျင်းပမည့် အာရှအမျိုးသမီးချန်ပီယံလိဂ်ပွဲစဉ်များအတွက် ဂျပန်ဘောလုံးအဖွဲ့ချုပ်၏ အဆင့်မြင့်ဆုံး JFA Pro License ကိုင်ဆောင်ထားသူ ဂျပန်လူမျိုး အမျိုးသမီးနည်းပြချုပ် Ms. Kumiko Tashiro အား တရားဝင်ခန့်အပ် တာဝန်ပေးလိုက်ပြီဖြစ်ကြောင်း သတင်းထုတ်ပြန်အပ်ပါသည်။

နည်းပြချုပ် Ms. Kumiko Tashiro သည် ကစားသမားဘဝတွင် ဂျပန်အမျိုးသမီးလိဂ်၏ ထိပ်သီးကလပ်များဖြစ်သော Urawa Red Diamonds နှင့် Saitama Reinas အသင်းတို့၌ နောက်တန်းကစားသမားအဖြစ် အတွေ့အကြုံရင့်ကျက်စွာ ဖြတ်သန်းခဲ့သူ ဖြစ်ပါသည်။ နည်းပြဘဝတွင်လည်း Urawa Red Diamonds အသင်းအပါအဝင် ဂျပန်အမျိုးသမီးကလပ်များနှင့် လူငယ်ဖွံ့ဖြိုးရေးအသင်းများကို စနစ်တကျ ကိုင်တွယ်ပျိုးထောင်ပေးခဲ့သည့် ပြည့်ဝသော အရည်အချင်းများကို ပိုင်ဆိုင်ထားသူ ဖြစ်ပါသည်။

ထို့ပြင် Ms. Kumiko Tashiro သည် မြန်မာ့လက်ရွေးစင် အမျိုးသမီး ယူ-၁၇ အသင်း၏ နည်းပြချုပ်အဖြစ် တာဝန်ယူကိုင်တွယ်ပေးခဲ့သည့် အတွေ့အကြုံရှိသဖြင့် မြန်မာ့အမျိုးသမီးဘောလုံးလောက၏ အခင်းအကျင်းနှင့် ကစားသမားများ၏ စွမ်းဆောင်ရည် အလားအလာကို အနီးကပ်ဆုံး သိရှိနားလည်ထားသူလည်း ဖြစ်ပါသည်။

ကျွန်ုပ်တို့ ဧရာဝတီအမျိုးသမီးအသင်းအနေဖြင့် Ms. Kumiko Tashiro ၏ ဦးဆောင်မှုနှင့်အတူ အသင်းကို ပိုမိုခိုင်မာတောင့်တင်းသည့် အဆင့်အတန်းတစ်ခုသို့ မြှင့်တင်ကာ အားပေးသူပရိသတ်များ မျှော်မှန်းသည့် အောင်မြင်မှု သမိုင်းမှတ်တိုင်သစ်များကို အတူတကွ ကြိုးပမ်းသွားမည် ဖြစ်ပါသည်။

သို့ဖြစ်ပါ၍ ကလပ်အသင်းကို အစဉ်တစိုက် ချစ်မြတ်နိုးကြသည့် ပရိသတ်များနှင့် ဘောလုံးချစ်ပရိသတ်များအနေဖြင့် နည်းပြချုပ်သစ် Ms. Kumiko Tashiro ဦးဆောင်မည့် ဧရာဝတီအမျိုးသမီးအသင်း၏ ခရီးစဉ်သစ်ကို ဆက်လက်ဝန်းရံပြီး တစ်ခဲနက် အားပေးကြပါရန် လေးစားစွာ တိုက်တွန်းနှိုးဆော်အပ်ပါသည်။

17/07/2026

Thank You, Head Coach U Aung Kyaw Zan

ဧရာဝတီယူနိုက်တက်အမျိုးသမီးအသင်းမှ တရားဝင်သတင်းထုတ်ပြန်ချက်

ဧရာဝတီအက်ဖ်စီ အမျိုးသမီးအသင်း (Ayeyawady FC Women) သည် နည်းပြချုပ် ဦးအောင်ကျော်ဇံ နှင့် နှစ်ဦးသဘောတူ လမ်းခွဲခဲ့ပြီဖြစ်ကြောင်း ပရိသတ်များအား အသိပေးအပ်ပါသည်။

နည်းပြချုပ် ဦးအောင်ကျော်ဇံသည် ဧရာဝတီသားစစ်စစ်တစ်ဦး ဖြစ်ပြီး မိမိတို့အသင်းအား တာဝန်ယူကိုင်တွယ်ခဲ့သည့် ကာလအတွင်း ၎င်း၏ ဦးဆောင်မှုဖြင့် အသင်းအတွက် "တတိယဆု" နှင့် "ရှုံးပွဲမရှိ ချန်ပီယံဆု" တို့ကို ဂုဏ်ယူဖွယ်ရာ ရယူပေးနိုင်ခဲ့ပြီး အသင်း၏ အောင်မြင်မှုသမိုင်းသစ်ကို ရေးထိုးပေးခဲ့သည်။

လမ်းခွဲခဲ့ပြီဖြစ်သော်လည်း ဧရာဝတီသား နည်းပြချုပ် ဦးအောင်ကျော်ဇံသည် ဧရာဝတီအသင်းအတွက် အမြဲတမ်း မိသားစုဝင်တစ်ဦးအဖြစ် ရှိနေမည်ဖြစ်ပြီး၊ အသင်းအတွက် ပေးဆပ်ခဲ့သမျှ အရာအားလုံးကို ဧရာဝတီမိသားစုမှ အထူးကျေးဇူးတင်ရှိပါသည်။

ဒေသတွင်းမှ ထွက်ပေါ်လာသည့် ထူးချွန်သည့် နည်းပြတစ်ဦးဖြစ်သော ဦးအောင်ကျော်ဇံ၏ ရှေ့ဆက်မည့် ဘောလုံးနည်းပြဘဝခရီးလမ်းနှင့် အနာဂတ်တွင်လည်း ပိုမိုကြီးမားသော အောင်မြင်မှုများ ဆက်လက်ပိုင်ဆိုင်နိုင်ပါစေကြောင်း ဧရာဝတီအသင်းမှ လှိုက်လှိုက်လှဲလှဲ ဆုတောင်းမေတ္တာပို့သအပ်ပါသည်။

Thank You, Head Coach U Aung Kyaw Zan

15/07/2026

🎂​Happy Birthday Su Su Khin 🎂
🎈🎈🎈🎈🎈🎈🎈🎈🎈🎈🎈🎈🎈🎈🎈🎈

​နေ့ရက်တိုင်းမှာ ကျန်းမာပျော်ရွှင်ပြီး
ကြိုးစားမှုတိုင်း အရာထင်ပါစေ😍

ကြုံတွေ့ရမယ့် ဝေဖန်အကြံပြုမှုတွေကို ခွန်အားအဖြစ် ပြောင်းလဲပြီး ဒီထက်မက ပိုမိုတိုးတက်အောင်မြင်ပါစေ🥰

ရှေ့ဆက်မယ့် ခရီးလမ်းမှာလည်း
AWFC အသင်းနဲ့အတူ အောင်မြင်မှုသရဖူတွေကို
ထပ်မံဆွတ်ခူး ပိုင်ဆိုင်နိုင်ပါစေလို့
ကနေ လှိုက်လှိုက်လှဲလှဲ ဆုမွန်ကောင်းတောင်းပေးလိုက်ပါတယ်
🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈

14/07/2026

Full Time
AWFC 2 : 1 MWD

ဒီနေ့ ပွဲမှာ အနိုင်ဂိုး ၂ ဂိုးသွင်းပေးပြီးးး

Player of The Match ကိုပါ အပိုင်သိမ်းသွားသူ

🥰 Zi Tar Shin🥰

14/07/2026

Half Time
AWFC 2 : 0 MWD