17/06/2026
Gym နားလိုက်ရင် ၂ ဆ ပြန်ဝလာတတ်တာ Gym ရဲ့ အပြစ်လား? 🤷♂️🏋️♂️
"Gym ဆော့တာ ခဏနားလိုက်တာ၊ ဒါမှမဟုတ် ဖြတ်လိုက်တာနဲ့ အရင်ကထက် ပိုပြီး ဗိုက်ခေါက်ထွက်လာတယ်၊ ကိုယ်အလေးချိန် ၂ ဆလောက် ပြန်တက်လာတယ်" ဆိုပြီး ညည်းတွားသံတွေကို ခဏခဏ ကြားဖူးကြမှာပါ။ တချို့ဆို "Gym ဆော့ရင် စွဲတတ်တယ်၊ နားရင် ပိုဝတတ်လို့ မဆော့ရဲဘူး" လို့တောင် ထင်နေကြပါတယ်။
တကယ်တော့ ဒါဟာ Gym ကြောင့် မဟုတ်ပါဘူး။ ကျွန်တော်တို့ရဲ့ နေထိုင်စားသောက်မှုပုံစံ အပြောင်းအလဲကြောင့် ဖြစ်ပါတယ်။ ဘာကြောင့် ဒီလိုဖြစ်ရတာလဲဆိုတာ သိပ္ပံနည်းကျ အဓိကအချက် (၃) ချက်နဲ့ ရှင်းပြပေးချင်ပါတယ်။
✅ ဝင်ငွေမရှိတော့ဘဲ အသုံးစရိတ် ပုံမှန်အတိုင်း သုံးနေလို့
Gym ဆော့နေတုန်းက တစ်နေ့ကို ကယ်လိုရီ (၅၀၀) လောက် ပုံမှန်လောင်ကျွမ်းနေပြီး စားချင်တာ စားခဲ့ရင်တောင် ဝမလာပါဘူး။ ဒါပေမဲ့ Gym နားလိုက်တဲ့အခါ အဲဒီ ကယ်လိုရီ (၅၀၀) အပိုလောင်ကျွမ်းမှုက မရှိတော့ပါဘူး။ ဒါပေမဲ့ ကျွန်တော်တို့ရဲ့ ပါးစပ်ကတော့ အရင်အတိုင်း ပမာဏအများကြီး စားနေတုန်းပဲဆိုရင်... မလောင်ကျွမ်းဘဲ ပိုလျှံနေတဲ့ ကယ်လိုရီတွေက အဆီအဖြစ် ခန္ဓာကိုယ်မှာ ချက်ချင်း လာစုတော့တာပါပဲ။
✅ ကြွက်သားဆုံးရှုံးပြီး ဇီဝကမ္မဖြစ်စဉ် (Metabolism) နှေးကွေးသွားလို့
ကြွက်သား ဆိုတာ ခန္ဓာကိုယ်ရဲ့ ကယ်လိုရီတွေကို အလိုအလျောက် မီးရှို့ပေးတဲ့ အင်ဂျင်စက်တွေပါ။ Gym ဆော့တာ ကြာကြာနားလိုက်ရင် ကြွက်သားထုတွေ လျော့နည်းသွားပြီး အဆီတွေက နေရာဝင်ယူပါတယ်။ ကြွက်သားနည်းသွားတဲ့အတွက် ခန္ဓာကိုယ်ရဲ့ အခြေခံကယ်လိုရီလောင်ကျွမ်းမှုနှုန်း (Metabolic Rate) ကျဆင်းသွားပြီး အရင်ကထက် ပိုပြီး ဝလွယ်၊ အဆီတက်လွယ်လာတာ ဖြစ်ပါတယ်။
✅ အစားစားချင်စိတ် က ချက်ချင်းမကျသွားလို့
Gym ဆော့တုန်းက ပင်ပန်းတဲ့အတွက် ခန္ဓာကိုယ်က အစားပိုတောင်းပါတယ်။ Gym နားလိုက်တဲ့အခါ ကိုယ်လက်လှုပ်ရှားမှု လျော့သွားပေမယ့် အရင်အတိုင်း အစားအများကြီး စားချင်တဲ့အရှိန် က ချက်ချင်းကျမသွားပါဘူး။ ဒီလိုနဲ့ သတိမထားမိဘဲ ပိုစားမိရင်း ဝိတ်တွေ တရိပ်ရိပ် တက်လာရတာပါ။
ဒါဆို အဆီပြန်မတက်အောင် ဘယ်လိုလုပ်မလဲ?
Gym နားရမယ့် အခြေအနေမျိုး (ခရီးသွားတာ၊ အလုပ်ရှုပ်တာ) ရှိလာရင် စားတဲ့ ပမာဏ (Portion Size) ကို လျှော့ချပါ။
အလေးမတာ မလုပ်နိုင်ရင်တောင် တစ်နေ့ကို လမ်းများများလျှောက်တာ၊ အိမ်တွင်း Bodyweight လေ့ကျင့်ခန်း လုပ်တာမျိုးနဲ့ Activity ကို ထိန်းထားပါ။
အကောင်းဆုံးကတော့... Gym နဲ့ လုံးဝ ဝေးမသွားဘဲ တစ်ပတ်ကို အနည်းဆုံး ၂ ရက်လောက်ဖြစ်ဖြစ် ပုံမှန်လေး ဆက်ကစားပေးဖို့ပါပဲ။
ခန္ဓာကိုယ်ဆိုတာ ကိုယ်ပြုသမျှ နုရတဲ့အရာမို့လို့... ပြန်ဝလာတာကို အပြစ်မတင်ဘဲ အားကစားလုပ်တဲ့ Lifestyle လေးကို ပုံမှန်လေး ထိန်းသွားကြရအောင်ခင်ဗျာ။ 💪✨
