КК Баскет Дино - Кочани

07/06/2026

🏀 Баскет Дино на Европскиот минибаскет фестивал! 🏀

Скопје изминатите денови беше европски центар на минибаскетот, а завршницата на 11. Европска минибаскет конвенција беше одбележана со голем детски кошаркарски фестивал на терените покрај Кејот на реката Вардар.

Нашите најмлади членови од Баскет Дино со голема радост беа дел од ова прекрасно кошаркарско доживување, исполнето со игра, дружење, насмевки и нови пријателства. 💙🏀

Покрај учеството на фестивалот, нашиот тренер Денис Камилов се стекна со нови знаења и искуства преку учество на едукативниот семинар за тренери, посветен на работа и развој на деца на возраст од 5 до 12 години. Ваквите едукации се од големо значење за унапредување на тренерските вештини и обезбедување квалитетна работа со најмладите кошаркари.

Горди сме што нашите деца имаа можност да бидат дел од настан кој ги промовира вистинските спортски вредности и љубовта кон кошарката уште од најрана возраст, а нашите тренери континуирано работат на своја едукација и професионален развој.

Баскет Дино – каде што започнува љубовта кон кошарката! ⛹️‍♂️🔥

26/05/2026

Идните шампиони почнуваат од тука 🏀

24/05/2026

Денес генерацијата М14 на „Basket Dino“ беше дел од F4 турнирот во М14 лигата — натпреварување во кое оваа наша генерација за првпат настапуваше оваа сезона.

За нашите млади кошаркари ова беше уште едно големо искуство, можност да гледаат квалитетна кошарка, да учат, да напредуваат и да почувствуваат како изгледа завршницата на едно вакво натпреварување. Горди сме на трудот, напредокот и желбата што ја покажаа во текот на целата сезона. 🏀

Честитки до екипата на MZT Skopje за освоеното прво место на турнирот. 👏

06/05/2026

Поради големиот интерес и на ваше барање, обезбедивме уште 10 дополнителни места за кошаркарскиот камп во Калитеа. Сите претходни места се веќе пополнети – резервирај навреме.

За повеќе информации во inbox или на телефонскиот број:
☎️078-449-620

25/04/2026

ЕДНА ГОДИНА ОД „40 ДЕНА ТИШИНА“ – НАСТАН ШТО ПОЧНА ДА ГО ОБЕДИНИ КОЧАНИ
Пред точно една година, кошаркарскиот клуб Баскет Дино го организираше голениот хуманитарниот натпревар „40 дена тишина“ – настан кој прерасна во многу повеќе од спортски натпревар.
Овој настан остана запаметен како првиот хуманитарен спортски настан од голем размер во Кочани по трагедијата, момент кога градот за првпат повторно се обедини на едно место.

Посебна тежина на настанот му даде и присуството на поранешните кошаркари од најдобрите времиња на „Деликатес“, кои со своето доаѓање покажаа дека кошарката и заедништвото во Кочани имаат длабоки корени и силна традиција.
Спортската сала таа вечер беше исполнета до последно место. Од сите страни трибините беа преполни со публика – граѓани, спортисти, пријатели и семејства, кои дојдоа со една заедничка цел: да оддадат почит и да покажат поддршка.
,,40 дена тишина“ не беше само натпревар. Тоа беше симбол на заедништво, солидарност и почит. Натпревар во кој резултатот беше во втор план, а најважно беше чувството дека Кочани повторно дише како едно.

Овој настан покажа дека и во најтешките моменти, спортот има сила да обедини, да даде надеж и да ги зближи луѓето. Баскет Дино, како организатор, беше дел од еден историски момент за градот – момент што ќе остане врежан во колективната меморија.
Една година подоцна, споменот за тој ден е сè уште силен.Но истовремено, тој претставува и потсетник дека ваквите иницијативи треба да продолжат – во чест на оние што ги нема, и во поддршка на заедницата.
Во таа насока, клубот најавува дека во блиска иднина ќе организира нов голем хуманитарен кошаркарски натпревар, со истата цел – обединување, поддршка и почит.

Кочани покажа дека знае да биде едно кога е најтешко.И токму затоа, ваквите моменти не се забораваат – тие се градат понатаму.
🕯️ Кочани се сеќава.🕯️ Кочани не заборава.

*Вечна им слава.

04/04/2026

Не е само кошарка ова е почеток на нешто поголемо.
Тука се гради карактер се создава тим и се учи како да не се откажеш.
Секој тренинг е чекор поблиску до твојата најдобра верзија.
Придружи се на Баскет Дино и започни ја својата приказна.

23/03/2026

📸 Дел од атмосферата од Basket Grow Zone – Weekend Camp!
Енергија, работа, насмевки и вистинска љубов кон кошарката – сè на едно место. 🏀🔥
Погледнете дел од моментите кои го одбележаа овој одличен викенд!

23/03/2026

🏀 Basket Grow Zone – Weekend Camp заврши успешно!
Зад нас е исклучително успешен викенд исполнет со квалитетна работа, енергија и вистински напредок. Кампот не беше само можност за развој на младите кошаркари, туку и платформа за учење и усовршување на сите вклучени.

Нашите играчи работеа посветено на своите индивидуални вештини, покажаа дисциплина, желба за напредок и љубов кон кошарката. 👏

Покрај теренскиот дел, се одржа и работилница со родители, каде што се разговараше за правилен развој на младите спортисти, поддршката од семејството и градењето здрави навики кај децата.
Особено важно е што паралелно со играчите, се унапредуваа и нашите тренери, кои имаа можност да учат, да разменуваат искуства и да го подигнат своето знаење на повисоко ниво. Овој камп значи голем чекор напред за целиот наш клуб – и за играчите, и за тренерскиот кадар.

Голема благодарност до тренерот Саша Димитријевиќ и останатиот негов тим за нивната посветеност, професионалност и придонес во развојот на сите учесници.
Продолжуваме со уште поголема мотивација и визија за иднината! 💪

23/03/2026

За време на викендот Кочани беше дел од кошаркарскиот камп насловен како „Weekend Camp – Basket Grow Zone“ кој под менторство на Саша Димитријевиќ Координатор на проектот и не...

20/03/2026