09/08/2026
📢 FANAMBARANA OFISIALY – FAMERENANA NY TSY MAINTSY ATAO AMIN'NY "MUTATION" MANKANY AMIN'NY FARITRA HAFA
Ny Ligue Régionale de Handball Atsimo-Andrefana dia mampahafantatra sy mamerina am-panajana ny fitsipika mifehy ny famindran-toerana (mutation) ho an'ireo mpilalao, klioba, ary mpitantana rehetra.
Ny mpilalao rehetra nilalao tao amin'ny klioba iray teto amin'ny Faritra Atsimo-Andrefana (Toliara) tamin'ny taom-pilalaovana teo aloha, ka mikasa hilalao amin'ny klioba any ivelan'ny faritra amin'ity taom-pilalaovana vaovao ity (oh: Analamanga/, Haute Matsiatra/, Boeny/ Atsimo Atsinanana/ Diana, sy ny faritra hafa), dia tsy maintsy terena hanao ny fikarakarana ny taratasy famindran-toerana ofisialy (mutation) eo anivon'ny Ligy.
📌 Ireo teboka lehibe tokony ho fantatra :
Adidy ara-panjakana :
• Tsy misy mpilalao afaka mahazo fahafahana hilalao (qualification) na hilalao ho an'ny ligy hafa raha tsy efa nandamina sy nahavita ny antontan-taratasiny eo anivon'ny Ligue Régionale de Handball Atsimo-Andrefana.
Antontan-taratasy (Dossier de mutation) :
•Tsy maintsy manaraka ny toromarika ofisialy, manolotra ireo fepetra takiana, ary mahazo ny fankatoavana (visa) avy amin'ny Ligy niaviany ny mpilalao sy ny klioba vaovao handray azy vao afaka mangataka fahazoan-dàlana hilalao (licence) vaovao.
Fanajana ny fitsipika :
•Ny fampilalaovana mpilalao tsy mbola nahavita antsakany sy andavany ny "mutation" any amin'ny faritra hafa dia fandikana ny fitsipika, ary mety hahazoan'ny mpilalao sy ny klioba mpandray azy sazy ara-panatanjahantena sy ara-pitoerana.
Mba hisorohana ny olana amin'ny fankatoavana mandritra ny fifaninanana nasionaly, ampirasina ireo mpilalao voakasik'izany mba hifandray tsy ho ela amin'ny sekretariatan'ny Ligy mba haka sy hameno ny antontan-taratasy mifandraika amin'izany
