Antsirabe Rugby Club "ARC"

25/08/2026

🏉 A vos clavier — MANAN-DANJA NY HEVITRAO!

Vita soa aman-tsara ny Tournoi faha-25 taona an’ny Antsirabe Rugby Club (ARC). Saingy tsy ny vokatra sy ny amboara ihany no tokony hojerentsika. Tokony ho fotoana ihany koa izao hijerena izay vita, hamantarana izay mbola lesoka ary hitadiavana fomba hanatsarana hatrany ny kalitaon’ny rugby eto Vakinankaratra.

Koa aoka aloha ny rantsantanantsika hiasa! ⌨️
Manan-jo feno ianareo rehetra haneho ny hevitrareo, ny zavatra hitanareo ary ny zavatra tsapanareo nandritra iny fifaninanana iny.

🗣️ Lazao aminay :

Nanao ahoana ny fahitanao iny Tournoi iny?

Inona no tena nahafinaritra sy tokony hotohizana?

Inona kosa no zavatra tsy nety na mbola nahitana fahalemena?

Ahoana ny fahitanao ny kalitaon’ny lalao sy ny haavon’ireo ekipa?

Ahoana ny kalitaon’ny fitsarana sy ny fanapahan-kevitry ny mpitsara?

Ahoana ny fandaminana, ny fandaharam-potoana, ny kianja, ny filaminana ary ny fandraisana ny mpijery?

Inona avy ireo zavatra tokony hatsaraina amin’ny Tournoi manaraka?

Inona no soso-kevitrao mba hampiakatra hatrany ny haavon’ny rugby eto Vakinankaratra?

💬 TSY MISY HEVITRA TSY AZO LAZAINA

Tsy ny fiderana ihany no ilaina. Ilaina ihany koa ny fanamarihana sy ny tsikera, raha toa ka entina hanatsarana zavatra.

Aoka anefa izany ho tsikera manorina: tsy hifampitsara na hifampitsikera olona, fa hifantoka amin’izay azo hatsaraina.

Ny lesoka hita androany dia mety ho lesona sy fanatsarana ho an’ny rahampitso.

🤝 Ny fandrosoan’ny rugby eto Vakinankaratra dia andraikitsika rehetra.
Raha samy miteny am-pahitsiana isika, mihaino ny hevitry ny hafa ary mandray lesona amin’izay niainana, dia afaka manangana fifaninanana milamina kokoa, ara-drariny kokoa ary manana kalitao ambony kokoa isika.

🏉 AOKA HENO NY HEVITRAREO!

Soraty eto ambany izay hitanareo, izay tsapanareo ary izay heverinareo fa mbola tokony hatsaraina.

Misaotra anareo rehetra tamin’ny fandraisana anjara, ny fanohanana ary ny fitiavana ny rugby.

🏉 TOHANO NY RUGBY VAKINANKARATRA!

Ho an’ny rugby tsara kalitao, ho an’ny taranaka ho avy.

25/08/2026

🏉 25ÈME ANNIVERSAIRE — ANTSIRABE RUGBY CLUB

FARAN’NY TOURNOI • FANKASITRAHANA • FANDRESENA

Tonga amin’ny fiafaran’ny Tournoi fankalazana ny faha-25 taona an’ny Antsirabe Rugby Club (ARC) isika, tournoi izay nanomboka ny 08 Martsa 2026 ary nifarana tamin’ny 23 Aogositra 2026, tao anatin’ny fifaninanana, firaisankina ary fitiavana ny rugby.

🙏 Voalohany indrindra, misaotra an’Andriamanitra noho ny fahasalamana, ny fahasoavana ary ny fiarovana nomeny nandritra izao fifaninanana izao.

🙏 Misaotra ny ekipan’ny ARC, ireo mpikarakara, mpanazatra, mpilalao ary ireo rehetra niara-niasa tamin’ny fanatanterahana ity tournoi ity.

❤️ Misaotra manokana ireo ray aman-dreny sy ireo fianakaviana nanohana hatrany ireo mpilalao.

🏉 Misaotra ireo mpilalao 12 équipes nandray anjara, noho ny fahavononana, ny ezaka ary ny fanajana nasehonareo nandritra ny fifaninanana.

👏 Misaotra ireo mpankafy rugby rehetra izay tonga teny an-kianja, nanohana, namporisika ary nanome aina ny lalao.

🏫 Misaotra ihany koa ireo tompon’andraikitra sy ny ambaratonga ambony izay nanome alalana sy nanohana ny fanatanterahana izao tournoi izao.

🏆 IREO EKIPA NANAO NY LAHARANA FARANY

🥇 BRCA — Champion du Tournoi
👏 Arahabaina noho ny fandresena sy ny fahafoizan-tena naseho hatramin’ny farany.

🥈 FTA — Vice-Champion
👏 Arahabaina tamin’ny fahatongavana hatramin’ny Grande Finale sy ny ady lehibe natao.

🥉 PIM — 3ème Place
👏 Arahabaina tamin’ny faharetana sy ny fahavononana hatramin’ny dingana farany.

🏅 2FA — 4ème Place
👏 Mankasitraka ny ezaka sy ny ady natao nandritra ity tournoi ity.

⚽ BRC SOLEIL — CLUB FAIR-PLAY
🏅 Na dia isan’ireo ekipa 4 nihitsina aza, dia nahavita ny lalao 11 tsy nanao forfait, ka naneho fahavononana, fanajana ny fifaninanana ary toe-tsaina fair-play. Mendrika fankasitrahana manokana izany.

👑 MEILLEUR BUTEUR & MEILLEUR JOUEUR DU TOURNOI

Ary amin’ity sary ity dia ankasitrahana manokana ilay Meilleur Buteur sy Meilleur Joueur du Tournoi, noho ny zava-bitany miavaka nandritra ny fifaninanana:

🏉 14 matchs joués
⭐ 4 fois Homme du Match
🔥 11 essais — 55 points
🎯 20 transformations — 40 points
🎯 7 pénalités — 21 points
🏆 116 points au total

Fampisehoana miavaka izay namela marika tamin’ity 25ème anniversaire an’ny ARC ity.

❤️ TOHANO NY RUGBY VAKINANKARATRA

Misaotra anareo rehetra niara-nanangana ity hetsika ity.
Ny fandresena dia an’ny ekipa iray, fa ny fandrosoan’ny rugby dia an’ny rehetra.

BRCA 🏆 FTA 🥈 PIM 🥉 2FA 🏅
BRC SOLEIL — FAIR-PLAY 🤝

Misaotra. Mankasitraka. Arahabaina daholo!
🏉 TOHANO NY RUGBY VAKINANKARATRA ! 🏉

24/08/2026

23/08/2026

😇✨🏉🏉🏉