Sporti Shkollorë Istog

09/09/2026

Sot u zhvillua një takim pune i përfaqësuesve të Sportit Shkollor Istog me Drejtorin e Arsimit, z. Naim Behluli, dhe Drejtoreshën për Rini dhe Sport, znj. Era Rexhaj.

Në takim u diskutua për organizimin e garave sportive shkollore, bashkëpunimin ndërmjet institucioneve dhe shkollave, si dhe për mbështetjen e vazhdueshme të aktiviteteve sportive shkollore në Komunën e Istogut.

Falënderojmë Drejtorinë e Arsimit dhe Drejtorinë për Rini, Kulturë dhe Sport për bashkëpunimin dhe përkrahjen e vazhdueshme në zhvillimin dhe promovimin e sportit tek nxënësit tanë.

07/09/2026

Të nderuar nxënës, mësimdhënës dhe dashamirë të sportit, ju njoftojmë se është publikuar draft-kalendari i garave shkollore për vitin 2026/27 nga Federata e Sportit Shkollor të Kosovës.

🏆 Garat do të zhvillohen në hendboll, pingpong, basketboll, shah, volejboll dhe futsall, në nivelet shkollor, komunal, regjional dhe republikan.

📅 Për datat dhe afatet e garave, shikoni kalendarin në fotografi.
Sporti Shkollor Istog do t’ju mbajë të informuar për të gjitha aktivitetet.

18/08/2026

Një pjesë e veçantë e manifestimit “Lugu i Butë 2026”, kushtuar traditës, kulturës dhe lojërave tona tradicionale, e realizuar nga RTK.

Mirënjohje për RTK-në për pasqyrimin dhe promovimin e kësaj ngjarjeje që synon ruajtjen dhe përcjelljen e traditave tona ndër breza.

Lugu i Butë 2026 – tradita vazhdon! ❤️

Video zyrtare nga Radio Televizioni i Kosovës (RTK).Ndiqni RTK pë...

09/08/2026

08/08/2026

Disa momente gjatë Lojërave Tradicionale “Lugu i Butë 2026”

Pamje nga një ditë e veçantë e mbushur me traditë, sport, kulturë, argëtim dhe bashkim të komunitetit.

08/08/2026

03/08/2026

NJOFTIM

Nën patronatin e Kryetarit të Komunës së Istogut, z. Ilir Ferati, Sporti Shkollor Istog organizon aktivitetin “Lojërat Tradicionale – Lugu i Butë 2026”.

🗓️ Data: E shtunë, 08 Gusht 2026
🕚 Ora: 11:00
📍 Vendi: Lugu i Butë

Programi i aktivitetit:

* 🎶 Program artistik me valle tradicionale dhe këngë folklorike
* 🪨 Hudhja e gurapesh*t
* 🪢 Tërheqja e litarit
* 🤼 Garat e pelivanëve
* 🏃 Kërcimi së gjati
* Dhe aktivitete të tjera tradicionale.

Ky organizim ka për qëllim ruajtjen dhe promovimin e traditës sonë, kultivimin e vlerave kulturore dhe sportive, si dhe bashkimin e komunitetit.

🎉 Ju ftojmë të gjithëve të merrni pjesë dhe të bëheni pjesë e kësaj dite festive, plot traditë, kulturë dhe sport.

Mirë se vini! 🇽🇰

02/06/2026

🏃‍♂️ Olympic Day në Istog 2026

Në Shkollën Fillore “Martin Camaj” në Gurrakoc u organizua me sukses aktiviteti sportiv “Olympic Day”, me pjesëmarrjen e 50 nxënësve. Gjatë këtij aktiviteti, nxënësit patën kënaqësinë të marrin pjesë në lojëra dhe aktivitete sportive, duke promovuar stilin e jetesës aktive, bashkëpunimin dhe frymën sportive.

Atmosfera ishte e mbushur me energji pozitive, entuziazëm dhe argëtim, duke krijuar momente të bukura për të gjithë pjesëmarrësit.

Falënderojmë Shkollën Fillore “Martin Camaj” në Gurrakoc, drejtorinë, mësimdhënësit dhe nxënësit për mikpritjen, bashkëpunimin dhe angazhimin e tyre në realizimin e këtij aktiviteti të suksesshëm.

18/04/2026

Gjimnazi “Haxhi Zeka” nënkampion i Kosovës! 🥈⚽️

Pas paraqitjes së shkëlqyer në garat regjionale në futsall (vajzat), ekipi u kualifikua në finalen e garave republikane.

Në finale, vajzat zhvilluan lojë të mirë, por fati nuk ishte në anën e tyre dhe u shpallën nënkampione të Kosovës.

Urime nxënëseve dhe mësimdhënësve për suksesin e arritur! 🏆

10/04/2026

Turnir në futboll në nderim të 12 Prillit – Ditës së Dëshmorëve të Komunës së Istogut ⚽️🇽🇰

Në kuadër të shënimit të 12 Prillit – Ditës së Dëshmorëve, sot në Palestrën e Sportit në Vrellë u mbajt një turnir futbolli me pjesëmarrjen e nxënësve nga disa shkolla të komunës.

Të pranishëm në këtë aktivitet ishin përfaqësues institucionalë, ndër ta edhe Drejtoresha për Kulturë, Rini dhe Sport, Era Rexhaj, e cila përgëzoi nxënësit për angazhimin, disiplinën dhe frymën sportive.

🏆 Rezultatet:
• Vajzat:
🥇 Vendi i parë – SHFMU “Hysni Zajmi” (Vrellë)
🥈 Vendi i dytë – SHFMU “Trepça” (Banjë)

• Djemtë:
🥇 Vendi i parë – SHFMU “Bajram Curri” (Istog)
🥈 Vendi i dytë – SHFMU “Trepça” (Banjë)

Ky aktivitet u zhvillua në një atmosferë të shkëlqyer sportive, duke i dhënë një kuptim të veçantë kësaj dite përmes energjisë, bashkëpunimit dhe përkushtimit të të rinjve