Red Wall Family 1928

Red Wall Family 1928 KÖP OF SALÉ'28

من بعيد كنشوفو سنة كارتية قادمة من كاع النواحي ومن كل الجهات "ليتيج" لي باقي ممخلصاش ولي رفض الرئيس يساهم باش يتحلوا هاد...
18/08/2026

من بعيد كنشوفو سنة كارتية قادمة من كاع النواحي ومن كل الجهات "ليتيج" لي باقي ممخلصاش ولي رفض الرئيس يساهم باش يتحلوا هادشي لي جا على لسان امين المال فالخرجة ديالو الأخيرة
-انتاذابات بالجملة رغم ان ليتيج باقة كاينة ومتحلاتش شنو غادي نستافدو حنا من لعاب غادي تجيبو و يبقى مريح فالبون توش حتى لنص لعام و يبان شي بيدق يدير فيها الرجل المنقد و يخلص ليتيج !!
هاد سيناريو لي مليناه ولي كل عام كيتعاود انتدابات بدون تفسير و بدون معنى و العام لي جا نلقاو راسنا غارقيين فليتيج .
السلطة لي عاجبها الحال ومزكية الوضع وكتراقب وكتنوه بولاد الباغيات لي وصلوا الفريق لحالة الانعاش ولي الآن هو على بعد خطوات من الموت.
٠علاش كاينين انتدابات منين ليتيج باقة ممحلولاش ؟
٠علاش سلطة فشخص العامل كيزيكيو وكيراقبوا الوضع فقط ؟

أمام هادشي كامل كمجموعة غنحاربوا اي كيدار وكلب كيريب فالمدينة والفريق ومعمرنا غادي نسكتوا وخا كاع التضييقات لي كاتوقع من مور اي خطوة ممفاكينش ومساكتينش وبجهد الله غنبقاو نحاربوا على قبل المدينة إلى آخر رمق .

لم يعد الصمت مقبولا ، و لم يعد التفرج على انهيار فريق المدينة موقفا يمكن تبريره بأي ذريعة ، فما يعيشه النادي اليوم ليس م...
25/07/2026

لم يعد الصمت مقبولا ، و لم يعد التفرج على انهيار فريق المدينة موقفا يمكن تبريره بأي ذريعة ، فما يعيشه النادي اليوم ليس مجرد أزمة رياضية عابرة ، بل انهيار متواصل لمؤسسة تمثل تاريخ المدينة هويتها و ذاكرتها الجماعية ، وسط صمت رسمي يثير الاستغراب ، و يعطي الكثير من التساؤلات حول مصداقية النوايا تجاه الجمعية الرياضية السلاوية ، في غياب تام لأي مبادرة تعكس الحد الأدنى من الإحساس بالمسؤولية.
إننا نستنكر بأشد العبارات استمرار الصمت غير المفهوم لسلطات المدينة ، و في مقدمتها السيد العامل ، أمام الأزمة الخانقة التي يعيشها فريق المدينة المليونية ، في وقت تتفاقم فيه الصراعات داخل المكتب المسير و تتسع دائرة العبث من طرف واجهات تنفيذية لا تملك قرارها "وعابي" ، بل تنفذ ما يُملى عليها من خلف الكواليس "تويجر" ، و التي يدفع ثمنها النادي و جماهيره .
لقد انتظرنا مبادرة مسؤولة، و موقفا يعكس حرصا على حماية هذا الصرح الرياضي ، لكننا لم نجد سوى التجاهل و اللامبالاة ، و لم يعد هذا الصمت يفسَّر بالتريث ، بل أصبح تقاعسًا واضحًا عن أداء الواجب ، وتركت للفريق رهينة للفوضى و التجاذبات ، بينما تراقب الجهات المعنية المشهد دون أن تبادر بأي خطوة لوقف هذا الانحدار.
لقد بلغ السيل الزبى ، ولم يعد مقبولا أن يظل الفريق يُستنزف يوما بعد يوم ، بينما يكتفي المسؤولون بالمشاهدة من بعيد ، و بهذا فإننا و للمرة الألف نحمل سلطات المدينة ، و في مقدمتها السيد العامل مسؤولية استمرار هذا الفراغ المؤسساتي ، و غياب أي مبادرة فعلية لإنقاذ الفريق من الوضع الذي آل إليه .
و ختاما و ليس ختاما و ليعلم الجميع أن صمت اليوم لن يمحو مسؤولية الغد ، و أن التاريخ لا يرحم المتقاعسين ، فلكل موقف حساب ، و لكل تقصير مساءلة ، قال تعالى:
﴿وَقِفُوهُمْ ۖ إِنَّهُم مَّسْئُولُونَ﴾
[سورة الصافات: 24

بنفوسٍ راضية بقضاء الله وقدره، تلقّت المجموعة ببالغ التأثر نبأ رحيل أحد أبناء المدرج ، الفقيد “أمين”.وعلى إثر هذا الفقد ...
24/07/2026

بنفوسٍ راضية بقضاء الله وقدره، تلقّت المجموعة ببالغ التأثر نبأ رحيل أحد أبناء المدرج ، الفقيد “أمين”.

وعلى إثر هذا الفقد الأليم، نتقدّم بأصدق عبارات التعزية والمواساة إلى عائلته الكريمة، راجين من الله سبحانه وتعالى أن يشمله برحمته الواسعة، وأن يُكرم مثواه، ويجعل الجنة دار مقامه، وأن يمنح أهله وذويه الصبر والسلوان في هذا المصاب الجلل.

اللهم ارحمه رحمةً واسعة، واغفر له ما تقدّم من ذنبه وما تأخر، وأبدله دارًا خيرًا من داره، وأهلًا خيرًا من أهله، ونقّه من الذنوب والخطايا كما يُنقّى الثوب الأبيض من الدنس.

﴿ إنا لله وإنا إليه راجعون ﴾

إلى متى غادي يبقى هاد العبث؟لي كايوقع اليوم داخل مكتب الجمعية ما بقى لا سوء تسيير ولا أخطاء عادية… هادشي ولى مهزلة حقيقي...
16/07/2026

إلى متى غادي يبقى هاد العبث؟

لي كايوقع اليوم داخل مكتب الجمعية ما بقى لا سوء تسيير ولا أخطاء عادية… هادشي ولى مهزلة حقيقية قدّام عينين الجميع. الجمعية بتاريخها الكبير واسمها الثقيل ولات رهينة أشخاص ما عندهم لا مشروع، لا رؤية، لا حتى الجرأة يخرجو يواجهو الجمهور ويجاوبوه.
ثلاث سنين كاملة والفريق غارق فالهواة، وثلاث سنين ما شفنا حتى ندوة صحفية، ما سمعنا حتى تصريح، ما عرفنا شنو هو المشروع، وما فهمنا فين غاديين بهاد الفرقة. واش الجمهور ما عندوش الحق يعرف شكون كيسير الفريق؟ شنو كيدار؟ وعلاش كلشي كيدوز فالصمت؟
رئيس الفريق، دازت عليه أكثر من سنة، وما عطانا لا مشروع رياضي، لا برنامج للمستقبل، لا استراتيجية، غير الوعود الكاذبة والكلام الخاوي. أما الواقع، فهو فريق كيتراجع موسم بعد موسم، وجمهور كيتحسر على تاريخ كيتذبح كل نهار.
وزيد عليها، المدرب سالا العقد ديالو، وحتى لليوم الصفحة الرسمية ساكتة. لا بلاغ، لا إعلان، لا توضيح. واش هادشي هو الاحتراف؟ ولا حتى أبسط قواعد التواصل ولات صعيبة عليهم؟
أما المدير التقني الخياطي ، فأكثر من عام والجمهور ما شافوش حتى فالملعب، وما شفنا حتى إضافة تقنية ولا تكوينية ولا أي قيمة عطاها للفريق. السؤال بسيط: شنو الدور ديالو؟ وشنو دار هاد العام كامل؟
والطامة الكبرى، هي أن الفريق باقي كينزف. اللاعبين كيغادرو واحد مور واحد، والانتدابات إلى كانت، كاتجي من الهواة ولا بلاعبين ما عندهمش تجربة كافية. واش جمعية سلا، بتاريخها وجمهورها، خاصها تولي كتقلب على حلول ترقيعية؟ واش هاد هو الطموح ديال المسؤولين؟
وفوق هاد الفوضى كاملة، كاين رئيس صوري، كيبان أنه موجود غير باش ينفذ تعليمات غيرو، بينما القرار الحقيقي كيتاخد فبلايص أخرى، والجمعية هي اللي كاتخلص الثمن.
والأغرب من هادشي كامل، هو الصمت ديال السلطات المحلية. الموسم على الأبواب، الفريق كيغرق، والمكتب غارق فالفوضى، وما كاين لا تدخل، لا توضيح، لا محاسبة. واش خاص الجمعية توصل للحضيض أكثر من هكا باش يتحرك شي حد؟
اليوم الكرة فملعب السلطات، وعلى رأسها السيد العامل، لأن الوقت ديال الفرجة سالى. الجمهور ما بقى باغي الشعارات، باغي المحاسبة، باغي الشفافية، وباغي يعرف شكون مسؤول على هاد الكارثة.
ونحن كجمهور سلاوي، كنقولوها بصراحة: صبرنا سنوات، ساندنا الفريق فالعز وفالأزمة، ولكن اليوم الثقة كتتبخر. حيت ما يمكنش تبقى نفس الوجوه، نفس الوعود، ونفس الفشل، وكل مرة كيتطلب من الجمهور يصبر.
الجمعية السلاوية ماشي ضيعة ديال حتى واحد، وماشي ملك خاص أو ورت محكما فيه العائلة الفاسدة. راه مؤسسة ديال مدينة كاملة، وتاريخ صنعوه رجال وجماهير، ماشي ناس كيختاباو فالصمت وكيخرجو غير وقت المصالح.
إما تكون المحاسبة والتغيير الجدري، وإما غادي يبقى التاريخ كيتقتل قدّام عين الجميع، والجمهور عمره ما غادي يسامح أي
واحد كان سبب فهاد الانحدار.
ودابا، ما بقيناش كنطلبو المستحيل. كنطلبو غير الوضوح والاحترام والمحاسبة:
عقد ندوة صحفية عاجلة قدّام الجمهور والإعلام، تقديم الحصيلة ديال السنوات الأخيرة، الكشف على المشروع الرياضي الحقيقي، توضيح وضعية المدرب واللاعبين، شرح الدور ديال المدير التقني، والإعلان على خطة واضحة باش يرجع الفريق للمكانة اللي كاتليق بتاريخو.
أما سياسة الهروب، والبلاغات الناقصة، والوعود اللي ما كيتحقق منها والو، راه ما بقاتش غادي تدوز. الجمهور اليوم واعي، كيتابع، كيسول، وغادي يبقى يطالب بالحقيقة.
اللي ما قادرش يتحمل المسؤولية، ينساحب. واللي ما عندوش مشروع، يخلي بلاصتو للي عندو الكفاءة والغيرة على الفريق. لأن الجمعية السلاوية أكبر من الأسماء، وأكبر من المصالح، وأكبر من أي مكتب فاشل.
السكوت ما بقاش حكمة، والصبر ما بقاش بلا حدود.
الجمعية خاصها رجال يخدموها، ماشي ناس يستعملوها.
المحاسبة دابا… قبل ما يضيع كلشي.

نُبارك لعضوِ الفصيل هذا النجاح المستحق، بعد مسيرةٍ من الصبرِ والاجتهادِ والتحدّي.فنجاحُ الفردِ داخل المجموعة ليس إنجازًا...
16/07/2026

نُبارك لعضوِ الفصيل هذا النجاح المستحق، بعد مسيرةٍ من الصبرِ والاجتهادِ والتحدّي.
فنجاحُ الفردِ داخل المجموعة ليس إنجازًا شخصيًا فقط، بل هو رفعةٌ لاسمِ الفصيل وصورةٌ تُجسد أن أبناء المدرج قادرون على التألق داخل الحياة كما داخل الميدان.
كلّ التوفيق في القادم، ومزيدًا من النجاحات والانتصارات في دربك الدراسي والمهني والشخصي.
فخورون بك دائمًا

كونوا في الموعد⏳
05/07/2026

كونوا في الموعد⏳

03/07/2026

استوت لكم أسبابُ الإقدام، وانقضى عهدُ التهيؤ، فلم يبقَ إلا أن تنطق الأفعالُ بما أضمرته العزائم.

02/07/2026

لنلتقِ يوم الأحد في مدرجات البوعزاوي، فما انطفأت فينا جذوةُ الرجاء، ولا خبا وهجُ الإيمان. فالمجدُ لم يكن يومًا أسيرَ أرضيةِ الميدان، بل وُلِدَ بين صليل الحناجر، وتربّى في مدارج الرجال، حيث تُصاغ الملاحم، وتُكتب السيادة بمداد الوفاء.

من بعد الأداء الرجولي ديال اللعابة والعودة من فاس بفوز مستحق، كيتجدد الموعد غدا مع مباراة الإياب فقاعتنا وبين جمهورنا. و...
27/06/2026

من بعد الأداء الرجولي ديال اللعابة والعودة من فاس بفوز مستحق، كيتجدد الموعد غدا مع مباراة الإياب فقاعتنا وبين جمهورنا. ولكن خاص الجميع يعرف بأن فوز الذهاب ما كيعني حتى حاجة إذا ما تكملش المهمة فالعودة. مازال كاين شوط ثاني، وهو الأصعب، وهاد التأهل خاصو يتحسم فوق أرضية البوعزاوي.
اليوم المسؤولية على كل سلاوي، لاعب ولا مشجع. أي تهاون أو تراخي يقدر يخلق سيناريو ما باغيه حتى واحد. خاصنا ندخلو بعقلية وحدة: نخليو بصمتنا، نعطيو جهدنا، ونقاتلو على كل كرة حتى آخر ثانية.
حنا متعطشين لهاد اللقب، وباغينو يجي بالنَّفَس، بالضغط، وبالوحدة ديالنا كاملين. اللعابة فوق التيران، والجمهور فالمدرجات، وكل واحد خاص يحط اللي عندو باش نوصلو للهدف.
غدا الموعد فالقاعة. نحضرو بقوة، نرفعو الصوت من أول دقيقة حتى لآخر صافرة، نضغطو على الخصم، ونضمنو التأهل للنهائي. ديما الجمعية

24/06/2026

الحمد لله على الفوز ديال اليوم، فمباراة كانو فيها اللعابة رجال بمعنى الكلمة وقدّمو أداء يليق بقميص الفريق وجمهورو. هاد الانتصار مهم، ولكن المعركة ما سالاتش ومازال قدّامنا مباراة العودة اللي خاصنا ندخلو ليها بعقلية واحدة: الالتفاف حول الفريق ومساندتو بلا شروط.
اليوم، وأكثر من أي وقت مضى، واجب علينا كاملين نكونو يد وحدة، ونوقفو جنب بعضياتنا باش نجيبو هاد الكأس بأي ثمن. مباراة العودة عنوانها الضغط… تم الضغط، وإن شاء الله يتواصل حتى آخر دقيقة فالموسم ونخرجو أبطال.
وسط جميع التخبطات والمشاكل اللي عاشتها الجمعية هاد السنة، بقا الفريق واقف وبقات الجماهير سندو الحقيقي. دابا ما بقا لا وقت للخلافات ولا للحسابات، بقا غير هدف واحد: الكأس ترجع لسلا

Address

Salé

Website

Alerts

Be the first to know and let us send you an email when Red Wall Family 1928 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category