29/05/2022
📌 قرا لي ينفعك
✓ ما عمرك توزن المحبة بحلاوة اللسان، لي كيبغيك فعلا كيبين ليك، ماشي كيبقا يصبغ فيك، الفعل لي كيتكلم هنا.
✓ فاش كيتسد باب فوجهك، كيتفتح قدامك بزاف البيبان، و لكن انت مكتشوفوش حيت ضيعتي وقتك كتبكي و تشكي على الباب لي تسد، متبقاش ݣالس، نوض و قلب عليه راه حداك.
✓ بعد المرات خاصك تلف الطريق لي غادي فيها، باش تعرف فعلا واش هاد الحاجة لي كدير هي فعلا لي باغي او لا.
✓ بعد المرات إلا تجاهلتي شي حاجة مكيعنيش انك مبغيتيهاش، تجاهلتيها حيت ماشي ديالك ببساطة.
✓ ماشي مهم تدير خطوة خطوة باش توصل لداكشي لي باغي، المهم ما عمرك توقف حتى توصل ليه.
✓ ثيق فراسك راه واعي و عارف بزاف الحوايج كثر ما تتصور.
✓ حتى واحد مغاد يعطيك فرصة اخرى، عطيها لراسك
منقول✍️
