20/05/2026
بسم الله الرحمن الرحيم،
والصلاة والسلام على أشرف المرسلين
السلام عليكم ورحمة الله وبركاته
كلمة شكر وتقدير لجميع اللاعبيين و المكتب المسير
شكراً على كل دقيقة لعبتوها بقميص الفريق. شكراً على العرق، على الألم، وعلى الروح القتالية اللي بانت فكل مباراة، حتى فالأيام اللي ما كانش الحظ معانا. كنتو خير مثال للانضباط والاحترام، ومثلتو اسم الفريق والمدينة أحسن تمثيل. كل واحد فيكم ساهم بطريقتو، حيت الروح الجماعية هي اللي خلاتنا واقفين
شكراً للرئيس و المكتب المسير على التضحية بالوقت والمال والجهد. بلا دعمكم وتسييركم الحكيم ما كان غادي يوصل الفريق لهاد المستوى. كنتو ديما ساندين الفريق ماديا ومعنويا، وديما كتدافعو عليه فالخارج قبل الداخل.
شكراً للجمهور على التشجيع اللي كان كيعطينا نفس زايد فالماتشات الصعبة. صوتكم كان هو كإضافة لاعب اخر دخل الملعب
اليوم كنقفلو صفحة من الموسم، ولكن ما كنقفلوش الطموح. خسرنا ماتشات وربحنا ماتشات، ولكن اللي ربحناه أكتر هو العائلة اللي تجمعت حوالين هاد الفريق.
الموسم الجاي غادي يكون فيه تحديات أكبر، ولكن واثق فيكم بلي غادي نكونو قدّها. يد ف يد، غادي نكملو الطريق ونحققو الأهداف اللي رسمناها.
*شكراً ليكم كاملين. كنتو رجال فالتيران وبرا التيران. وديما القادم أفضل إن شاء الله* ❤️🫂⚽
والسلام عليكم ورحمة الله وبركاته.
---
#ابرزالمعجبين
