10/02/2022
🔥 التنشيف
👉 التنشيف هو مصطلح كنطلقوه على الفترة لي كنكونو باغيين نحرقو فيها الذهون و نحافظو فنفس الوقت على العضلات ديالنا ( ليس كفقدان الوزن لي كيكون اسهل و كتفقد فيه ذهن و عضل)
⚫ فترة التنشيف كندخلو ليها بعد فترة التضخيم لي ولا بد تكون مصاحبة لزيادة فنسبة الذهون و بالتالي كنتبغيو نتخلصو منهم باش يبانو العضلات احسن. و ينصح بزاف بالنسبة للناس لي سلاه باديين و كيكونو عندهم ذهون كتار و عضلات قليلة يبداو بتنشيف عاد يدخلو فضخامة.
⚫التنشيف الهدف ديالو جوج حوايج :
🔥 تخلي الجسم ديالك يحرق اقصى حد ممكن من الذهون
💪 تحافظ على العضلة او تقلل من الهدم العضلي .
⚫ و باش تحقق هدشي كامل خصك تركز و تحقق هاد النقاط:
✅ تعرف مزيان السعرات الحرارية لي كيحتاج الجسم،ديالك و،بالتالي تبدا فريجيم ناقص شوية على دكشي لي كيحتاج الجسم ديالك و كتبدا تنقص كل اسبوع و نتا كترد البال للوزن ديالك
✅تعطي للجسم ديال احتياج كامل ديال البروتينات (2 غرام لكل كيلوغرام من وزنك)
✅ التمرين بشدة و بأوزان فحال ففترة التضخيم (و هدا الغلط لي كيديرو بزاف حيت كيسحاب ليهم فالتنشيف خاص تخدم بأوزان خفيفة و تعدادات كتار ... و هدا خطأ خصك تخدم بفعالية أكثر ماع من التضخيم باش تحافظ على عضلاتك)
✅ ممارسة الكارديو لي مشي غير كيخليك تحرق سعرات و لكن راه مفيد بزاف فتسريع الأيض او الميتابوليزم
✅ بعد على مصادر السكريات البسيطة حيت كلما خديتي منها بزاف وكل مرة كتولي تطلع،و،تهبط فالانسولين (لي عندو دور فتخزين الذهون) و احسن وقت تقدر تدخلهم فيها بعد الحصة ديالك
✅ شرب المياه بكثرة و ااعتماد على الخضراوات حيت فيها الياف بزاف اتخليك شبعان وتعطيك فيتامينات
✅ خاصك تكون مرن و كتفهم الجسم ديالك ... ملي كتنبدا تنقص السعرات لحرارية راه كدوز واحد 4 اسابيع الجسم كيقاوم مكيبقاش يحرق الذهون و بالتالي خصك تدوز لخطة اخرى باستعمال اساليب حمية فحال carb cycling , intermittent fasting لي غتخرج الجسم ديال من الروتين لي ولفو و اتخلي الايض ديال يتحرك و هدشي ايخليك تحرق ذهون
✅ الصبر و المثابرة و غتوصل للنتيجة
صحتك 🤍
🐺
My Instagram : https://instagram.com/abderrahim_blh_wolf?igshid=17igsydrlf7ds
