Lz3er fitness

22/02/2026

✅موضوع اليوم انواع الجسم وطريقة التدريب لكل نوع.
كيف مكنعرفو علميا و جينيا جسم الانسان كيتقسم لثلاثة انواع لي هوما إكتومورف(Ectomorph) و ميزومورف (Mesomorph) و ايندومورف (Endomorph) بطبيعة الحال نتا شفتي غير الاسماء غتقول ليا شنو الفرق بين هاد الانواع انا غنشرح ليك الفرق بيناتهم و كيفاش تعرف نوع الجسم ديالك و نوع التدريب والوجبات لي تحتاج .
-ايكتومورف وهي ان البنية دالجسم كتكون ضعيفة اي ان الجسم ديالك نحيف كيحرق بزاف الاكتاف كيكونو مجموعين بالتالي بناء الكتلة كيكون أصعب .
-الميزومورف كيدل على جسم رياضي بنية عضلية جيدة وحتى الحرق والبناء العضلي كيكون متحكم فيه الجسم ديالك كيتعتبرو هادو من افضل الجينات
-واخيرا ايندومورف وهو عكس النوع الاول ملي كيكون الجسم ديالك عامر ذهون واخا دير مجهود واخا كدير حمية غذائية خفيفة كيبقا الجسم فيه نسبة الذهون عالية بزاف هاد الجسم جينيا كيكون معدل الحرق عندو هابط بزاف وبالتالي كتكون الزيادة فالوزن ساهلة.
بطبيعة الحال هادشي من عند الخالق كل واحد والجينات لي مكتسب ولكن هادي ماشي نهاية الطريق أول حاجة تعرف نوع الجسم ديالك والى بغيتي تغيرو غتبع جدول تدريبي و نوع أكل مختلف حيت ميمكنش نتا ضعيف وغتبع بروغرام ديال واحد عامر ولا العكس ، انشاء الله البوسط الجاي نشرح لك كل نوع وبروغرام ديالو . وصلتي تالهنا خلي جيم ودير متابعة باش يطلعو ليك البوسطات جايين وتستافد انشاء الله
Oubelahcen.

20/02/2026

✅معلومات غالطة في القاعة الرياضية.
فهاد الفقرة نهدر ليك على واحد الفكرة غالطة كاينة عند بزاف دالرياضيين على الكارديو وهو انه مثلا لاكنتي فمرحلة التضخيم مخسكش دير كارديو ولكن الدراسات كيثبتو العكس تماما هانا غنشرح ليك علاش .
نتا فمرحلة التضخيم محتاج ترفع اوزان ثقيلة وشدة التمارين تكون عالية وهنا كيجي دور الكارديو لي كيعزز صحة و قوة عضلة القلب و كيزيد القدرة دالجسم ديالك على التحمل حيت فالكارديو كتحط جسمك تحت جهد كبير ، لذلك حاول تخصص 10 دقائق او اكثر كارديو مرتين فالأسبوع وغتلاحظ كيفاش غيتحسن الأداء ديالك مع رفع الاوزان وحتى العيا مغتبقاش تحس بيه فاللول دالحصة .غنحط ليك قائمة ديال انواع الكارديو .
- السباحة - كرة القدم - ركوب الدراجة - الجري -جدول تمارين اللياقة...
وصلتي حتى لهنا خلي جيم و كومنت وتابع الصفحة باش يطلع لك اي جديد حطيناه ولي عندو شي تسائل مرحبا
Oubelahcen.

18/02/2026

✅مسببات هبوط هرمون التستوستيرون في جسم الإنسان؟
السلام عليكم ورحمة الله كيف ما كنت نشرت ليكم فبوسط سابق على طريقة رفع هرمون الذكورة وواعدتكم غنحط بوسط فيه مسببات هبوط نسبة هاد الهرمون انا رجعت ليكم بالمسببات الى كملتي القراءة واستافدتي بارطاجي مع ناس اخرين يستافدو وخلي جيم و كومنط باش يطلعو لك البوسطات الجاين انشاء الله .
كاين اسباب ممكن تفاداها و كاينين اسباب ميمكنش تفاداها .
- السبب الاول قلة النوم كيف مكنت قلت ليك النوم فين كيتم استشفاء و تجديد الجسم لنفسه و فديك الوقيتة فين كينتج الجسم بزاف دالهرمونات منهم هرمون التستوستيرون يعني اذا كان النوم ديالك قليل غادي يكون الجسم ديالك ديما فحالة تعب والهرمون غيبقى ينقص حيت اوتوماتيكيا نتا مكتخليهش يزيد ينتج
- السبب الثاني وهو الزيادة في العمر من فوق الثلاثين هادا سبب ميمكنش تفاداه ،كيبدى ينقص هاد الهرمون ولكن ماشي بنسب عالية وبامكانك تعوض هاد النقص بزاف دالطرق لي كنت شرحتهم فالبوسط السابق
-السبب الثالث وهو (الذهون) ، الزيادة فالوزن والذهون فالكرش هاد السبب كينزل الهرمون بنسبة عالية حيث الذهون من مسببات زيادة هرمون الاستروجين(هرمون الانوثة)
-السبب الرابع وهو التوتر والقلق حيت كيتسبب فزيادة هرمون الكورتيزول وهاد الاخير عندو علاقة عكسية مع التستوستيرون حيت كل مازاد الكورتيزول كل مكيحبس التستوستيرون من الانتاج
Oubelahcen.

15/02/2026

✅هل المشكل في السكر ام فينا ؟؟
كيف مكنعرفو السكر الابيض او السكريات بصفة عامة مدمرين نسبة كبيرة من الناس اخطر حاجة فالسكر المضاف هو أنه فاش كتستهلكو كيطللع ليك نسبة الدوبامين فالجسم بواحد السرعة كبيرة و فنفس الوقت كيهبطها بنفس السرعة ديك الطاقة لي كتحس بيها فظرف 10 دقايق باح كطير و كتولي تحس براسك مسخسخ و مرخي هادشي علاش واحد النسبة كبيرة ديال الناس كيقولو ليك خسك تحيد السكر بصفة نهائية .
ولكن اجي نقولك واش عمر شي حد قالك بلي السكر ضروري فحياتك كإنسان ومفيد انا غنقولك الفوائد ديالو
-يفيدك الى كان عندك انخفاض ضغط الدم
-كيعزز صحة ديال الدماغ حيت كيتحول للغلوكوز
-كيزيد من مخزون الجليكوجين في الكبد والعضلات.
المشكل الحقيقي هو فالطريقة لي كنستهلكو بيها السكر حيث انه ولا عادة و تحول لبلية تفطر بالسكر تغذى بالسكر تعشى بالسكر هنا فين كاين الخلل في الحياة ديالنا اي حاجة مفيدة الى زادت على الحد ديالها كن اكيد غيرجعو عليك الاضرار ديالها و بالنسبة للسكر الجسم ديالك كيولي يستمد الطاقة غير منو على طول النهار فحين ان ديك الطاقة غير حقيقية ويتسبب ليك فبزاف دالمشاكل منها السمنة و امراض القلب و بزاف دالامراض حفظنا الله وإياكم،
لذلك حاول تستهلك السكر بكمية قليلة و معتدلة ماشي تحبسو فخطرة وغترجع تشكرني على هاد النصيحة .
Oubelahcen.

14/02/2026

✅هرمون التستوستيرون ، واش يمكن نطللع هاد الهرمون بطريقة طبيعية ؟
السلام عليكم ورحمة الله ، كيف مكنعرفو كاملين انه ما يميز حياة او صفات او قوة الذكر على المرأة هو هرمون التستوستيرون . فبعض الاحيان هاد الهرمون كينقص عند البعض بأسباب نشرحهم ليك فبوسط آخر انشاء الله ، دبا نركزو غير على كيفاش تحاول تزيد من انتاج هاد الهرمون فالجسم ديالك بشكل طبيعي .
- أول شيء غنهدر ليك على الأطعمة لي كترفع هرمون التستوستيرون وهي كالتالي : أي اكل كيحتوي على الزنك او فيتامين D او المغنيزيوم او الذهون الصحية فراه مسؤول على زيادة انتاج الهرمون . والأطعمة لي كتحتوي على هاد الفيتامينات بزاف : لحوم الحمراء ،الاسماك ، الموز ، الكبد ، البيض ، المكسرات ، الافوكادو ... ثاني شيء وهادي حتى هي داخلة مع الاطعمة الا و هي المكملات الغذائية الى شفتي راسك مغتوفرش لراسك هاد الاطعمة بامكانك تشري مكملات غذائية مثل الزنك و فيتامين D او اوميغا 3 والمغنيسيوم.
-ثانيا والشيء لي صعيب هو الذهون فالكرش هادي راه بعبع التستوستيرون حيت الذهون كيحفزو هرمون الاستروجين ولي هو عكسنا هو هرمون المرأة وبالتالي هرمون الذكورة كينزل اذن الكرش او الذهون مع الرجل معادلة ليس لها حل ، الحل الوحيد تحيد الكرش.
-ثالثا: تمارين اللياقة البدنية بما فيهم الرجلين حاول تخدم كارديو مع السكوات و حركة deadlift هاد الحركات كيحفزو الجسم على انتاج الهرمون .
-رابعا : النوم ، النعاس اساسي فاستواء و افراز الهرمونات حيت الجسم كيكون في حالة ترميم وقد معطيته هاد الوقت قد مكيكون الهرمون في الانتاج متزايد وهنا كنهدرو على النوم العميق مابين 6-7 ساعات كافية .
متنساش الى استافدتي دير جيم ومتابعة باش يوصلك الجديد انشاء الله ولي عندو شي تسائل يحطو فكومنط ولا يرسلي فالخاص نجاوبك انشاء الله .
Oubelahcen.

13/02/2026

كيفاش نحافظ على الكتلة العضلية فرمضان ؟؟
التسائل لي كيتطرح دبا عند اكبر نسبة ديال الناس ، اول حاجة رمضان مبارك سعيد لجميع الأمة الإسلامية ثانيا الى استافدتي خلي معك جيم و متابعة نكملو فموضوع الحفاظ على الوزن أو الكتلة العضلية و هدشي غنلخصو ليك فخطوات .
- أولا نهضرو على وقت الحصة التدريبية حاول ما أمكن تكون وراء التراويح غتكون فطرتي يعني الجسم ديالك عندو واحد الطاقة باش تقدر تكمل الحصة مزيان عكس قبل الفطور غتكون خسارة الوزن وهدم عضلي.
- النقطة الثانية هي شحال من وجبة غتاخد غنقولك ثلاثة دالوجبات يكونو مزيانين دخل فيهم نسبة الكارب عالية مع بروتين مع الياف ساهلة فطور خفيف من بعد الحصة وجبة تكون وافية وحتى بالنسبة السحور تكون وجبة وافية نسبيا ومتنساش حاول تشرب الماء مزيان .
-ثالثا وهو التمرين كيفاش اتخدمو هنا غتحاول تقلل عدد التمارين و الشدة ديال التمارين اما الوزن متنقسوش مثلا كنتي كتخدم فالبايسبس ثلاثة تمارين اتولي تخدم زوج كنتي كتخدم دروب سيت اتولي تخدم سيريات عادين وكذالك بالنسبة للعضلات الكبيرة مثلا الظهر كنتي كتوصل لخمسة تمارين راه ثلاثة تمارين الله يجعل البركة وكذالك بالنسبة لجميع العضلات.
- النقطة الرابعة وقت التمرين ميفوتش 45 او 50 دقيقة كحد أقصى زدتي كثر غتهلك راسك.
- ندوزو لآخر نقطة وهي الأهم الا وهي النوم اييه النعاس اعشيري هو بيت القصيد من هادشي كامل ساليتي التراويح ترينيتي الحصة ديالك سير اخويا تعشا ونعس باش تفيق تصلي الفجر شبغيتي بشي قهوة رمضان هادا وقت العبادة ماشي وقت القهاوي .
Oubelahcen كان هنا .

01/04/2024

10/03/2024

شكرا على 90 دقيقة ، شكرا على كل ملاحم السنوات الماضية .. 8 سنوات من پيب و يورغن انتهت اليوم رسمياً ، سنفتقد كثيرا هذه المواجهة بدون شك 🧠❤️ شكرا على هاته المباراة الرهيبة 🔥🔥

10/03/2024

قمة الدوري الإنجليزي بين المان سيتي و الليفربول 🔥🔥

04/03/2024

20/02/2024

قمة الليلة الإنتر vs أتلتيكو مدريد 🔥🔥🔥